爆粗空少--關於呢份工 朋友問過我o既奇怪問題 精選

上次分享左成日走黎 challenge我，問我點解嘅奇怪客啦。
但除左佢地之外呢，我仲有一d｢朋友｣好鍾意私底下問我問題。

你話問我關於份工呀、人工福利，面試呀。
甚至係最巷果句 ｢你近排飛邊條線呀｣
我都無謂呀，我都可以答你。當傾下計囉。

但佢地唔係問呢d架！

例子1：｢你好呀， 我有個FD呢用左asia miles换左你地機票。但班機除消左，依家我果FD又入唔番佢acct wor . 我想問你呢，知唔知點解呀？｣

係囉。點解嘅？ 我都想知點解你會問我？ 入唔到acct ? 我諗你揾電腦部同事幫你會快d囉。

例子2：
｢喂空少，點解我上你地網訂特别餐，無得俾我揀食兒童餐嘅？｣

Umm..我諗你參考番例1嘅答案啦。
雖然我明條熱線有幾難打，但。。我都唔知，我唔係做電腦架。

例子3：｢空少呀，你識唔識人呢 ？可以幫我係半年後我班機mark左我果位先呀？ 得架，我知ground staff 可以block左先，因為我無得咁早check in 位呀。 你識唔識人姐？ ｣

=…= 我可唔可以話唔識你呀？無呀!

例子4：
｢你地safety school 果d trainer 好唔好paid 呀？福利好唔好架？ 我果FD諗緊報你地定海洋公園好呀？ ｣

=…= 我份工係做空少

例子5：
｢其實呢，你地ground staff 一年幾錢人工？ ｣

=…= 啊！！！！！！！！！！！！！！！！
仆街！！！ 我唔撚係管成間公司啊，你當我上至下乜撚都知啊？！ 唔好貪方便走黎問我唔關我份工嘅事啊！
我只係一係機上小小嘅蕃薯，無權無勢。
幫唔撚到你upgrade幫唔撚到你做任何野 。
我亦唔係營運方嘅人。
如果我遠親有ticket 問題，我都要自己打熱線電話。 所以我先知幾Q難打幾唔夠人手啊！

仲有呀， 打風落雨嘅時候 。
亦唔好問我cancel 左班機，幾時飛到？飛唔飛到？
我都唔撚知，我都係standby 架炸！！！
係飛就飛到，飛唔到就飛唔到。 我都係等消息架炸，仆你果街！！！

哈。。哈。。。哈 。。。( 抖氣)
各位朋友們，我明白你地好焦急想知道答案。 但麻煩真係問得醒少少啊。
同樣，我都係。
我都試過好傻咁為左幫人而打左成晚熱線。
後來我先明，咁樣真係好無謂。
辛苦自己，又幫唔到你。 大家唔好玩大家啦。

所以， 對於呢啲 隨便問我問題嘅｢朋友｣。
我而家都一律回答：｢我唔知呀，幫唔到你｣。
然後加多句:
｢係呀，我唔識公司人架。
但係如果你機上嘅見到我呢。
我都唔會對你特别好架！
仆街，哈哈。 ｣