Day 2 饒河街 (台北) 精選

Day 2 饒河街 (台北)

玩完嬰兒老闆，來個小睡片刻後，三人由Tango Hotel 搭taxi(大約六七分鐘，台幣100元內)到達饒河街夜市，行到牌坊前已有我們廟街的味道，中間一條如由蛇頭到蛇尾的食肆及兩邊雜項檔攤，右上左落，井井有條。

內有多間多款的食店，如臭豆腐、粉面飯、藥燉羊或猪、甜品、甜栗等……，另有按摩店、浴足、衣服鞋袜、占卜、看相、古法拉臉去毛等鋪頭.......太多了不能盡說。就連我們的雞蛋仔都有，但不會食，為何在台北食香港嘢呢？！台灣咁多好嘢食，不要浪費肚皮嘛！
另外想食街尾的胡椒餅，可惜好多"好等得的人"在排隊，人龍長度僅次於一列有9卡火車長度(痴線!!!有冇咁得閒，不事生產!!!) ，湊住女兒太不便了唯有放棄。


入口處已有小童版單人洗衣機遊戲玩樂，幾抵玩台幣$10!!!

好多食檔，無從入手。

藥燉，左猪肉($70)及右羊肉($80)，當然是台幣，易入口，藥味存在卻不太濃，小弟怕藥味也食哂！爽！

又是小朋友時間，將 ball ball投入箱裏移動的車斗上，儲分換小朋友禮物，因香港沒有此玩意，小女玩得十分投入(梗係喇，只識玩手機!!!)。

今次射公仔，有湯告魯斯mission impossible的紅外線作為描準，好易的，小朋友一定中。

小女媽媽真過份，强搶小女的射擊槍來玩！(大恰細...冇品！但...真係咁好玩???)

又食喇，湯之臭豆腐。

五顏六色甜點太吸引了，小女一見立即話要買，既然是她爸爸......唯有遵命！
是日精選，草莓及紅豆綠茶刨冰，冰是好綿的！

***歡迎瀏覽小弟其他篇章, 謝謝http://travel.fanpiece.com/familypicnic/