2017日本名古屋長島legoland 鐵道館 四口子8天遊(長島樂園機動遊戲) Day 4-6 part A

Day 4至6，長島樂園機動遊戲及水上樂園 part A

Nagoya bus centre , No.22 to 長島樂園

長島樂園是今次旅行重點之一，內有大人小朋友機動遊戲，著名水上樂園，尤如花海的名花之里，三間温泉酒店，不少得是出血長島outlet。

有得玩小朋友就很開心了，但小孩子知否你們的開心建築在父母又曬又熱難受的痛苦之上!

樂園機動任玩票一位要成幾千円，如果不是玩得咁盡就像小弟般買飛算了，小朋友遊戲通常200至300円一次。飛可在自動售賣機購入，如買100円就一張價值109円飛，若買多些的話1000円就會送多200円給你。最好在亭買因2000円送500円飛，明未!

這個要科水，500円45分鐘。
捉到精靈喇!!!

兩女見到大大碗泡冰眼同咀都擴張了，天氣太熱，嘆一嘆非常ichi ban 㗎呢。

黃昏前浩浩蕩蕩往長島outlet，少不了入些戰利品在所難免。順帶一提，outlet的餐店(地下及上層)有水準，價錢又相宜，讚!!!!

Outlet Show

夜晚酒店自助餐，款式不少不多各式各樣都美味，總之食到飽!內有兒童餐具等。

著袍享受一頓自助餐真的過癮。

細女好大聲話:“好甜呀，媽咪!”，媽咪梗係甜喇，唔係爸爸娶嚟做乜!

呢兩晚，我及太太就享有岩盤浴及温泉，正!
(Con't)