鬼爪螺 精選

係「走過足球聖地」馬德里個輯入面，翠如BB就係市場食過鬼爪螺，提過當地人形容過鬼爪螺「甜過鮮蝦，鮮過生蠔」。食個陣仲濺哂d汁去洪永城到。


先講講鬼爪螺係咩先。

鬼爪螺，因為個樣似魔鬼既手，所以被稱之為「來自地獄既爪」。鬼爪螺係生長係海邊石隙，長年唔痴係舊石到，靠食水中既微生物成長。

唔好睇少以上既分量，都成300蚊港紙。
食個陣要小心，因為真係好多汁，會濺到周圍就係。最好披翻塊餐巾先。
佢既外皮唔食得，又鞋鞋地咁，但係慢慢啜又幾過癮。用手或者用口扯開個皮，入面有條白色既物體就係真正既鬼爪螺肉喇。

據餐廳既waitor講，冬天既鬼爪螺係比較肥美D。

個人覺得D白色肉有D似魷魚，比起食入面D肉，都係中意慢慢啜佢個殼多D，以及再送多口白酒。

值得一提既係呢間餐廳既waitor好風趣，一有位就會搵位入，好好笑，又會主動幫你影相，雖然餐廳係高級既百年老店，但總而言之，完全唔會太拘謹。
餐廳名: O' CALDINO (Nearest Metro: Serrano)