香港人鍾意買波衫，又好鍾意旅行。不如將兩個嗜好溝埋一齊呀笨！
其實都幾唔錯架！去旅行，買當地球會波衫，幾有紀念價值。如果去嘅地方，本身無咩大球會，仲好，可以買啲冷門波衫幾有收藏價值。
上年2014年去沖繩旅行，沖繩呢個地方，香港人就一啲都唔陌生。不過當地足球隊，就好似無咩聽過。於是，上網搵下資料。就發現原來當地球會係FC琉球（エフシーりゅうきゅう、FC Ryukyu ），係日丙聯賽(J3)球隊。見到呢個背景，我對眼就發光啦。點都要買件波衫儲下，夠冷門，夠特別。所以都想同大家分享一下啲資料，方便大家搵。
FC琉球官方店位於 沖繩縣那霸市山下町30-12高良大廈一樓
因為當時是自駕遊，我都係篤GPS揸車去。
當時我買左件主場波衫，約10000YEN。重點係日本製，保證高品質。
而有趣嘅係，其中一個店職員仲係當時球隊中場球員，小寺一生(こてら かずき)。緊係即刻同佢合照啦！
參考資料：
FC Ryukyu Official Website: http://www.fcryukyu.com/
歡迎大家交流一下去旅行買波衫嘅資料！
請按此登錄後留言。未成為會員? 立即註冊