高雄「哈瑪星駁二線」火車 GO GO GO


講起高雄、台南,大家都會諗起墾丁草泥馬墾丁草泥馬墾丁草泥馬墾丁⋯⋯
其實去高雄玩都可以好刺激,刺激過玩過山車。高雄鹽埕區的「駁二藝術特區」,由二號接駁碼頭改建成,園區保留左七十年代的倉庫做藝術館同咖啡室,只有少部分要比入場費,但買入場手環都只係149台幣,仲話包搭一次「哈瑪星駁二線」火車。
因為駁二都幾大,所以我地行行下就決定去搭火車,入口姐姐話大概要搭十幾分鐘,心諗:so 爽皮,唔洗行咁耐。出到去月台,驚險刺激的事情發生了,一列列火車好高速咁駛埋黎!!!!!
然後係我腳眼處急停,無錯,係腳眼!架火車高約30cm,長不過50cm,仲細過部13吋MacBook,我地呆晒咁坐上去(仲要坐車頭),月台的哥哥話「大家小心啊!我們開車了喔喔喔喔喔!」,個下我有細個去snoopyland 之後比個叔叔呃去坐每分鐘行兩米的snoopy 船仔的感覺。
開車了,個下似P牌朋友一下子踩油由零加速到一百,我係咪搭緊火箭?
我係咪搭緊火箭?
我係咪搭緊火箭?
呢架車仔快過保特,行到一半時頑皮的外套跌左落地都執唔返⋯⋯上上落落轉左轉右過左十幾分鐘之後,我地終於到達目的地!(即係我地的起點)


快D like 我地個page啦:http://www.facebook.com/godiorey2015

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→