回港渡歲。單身之過

恭喜發財，悠長假期終於完啦，係時候同香港講Bye Bye，又要從返打雜生涯啦！

每逢佳節倍思親，今年決定回港渡歲，點知極度心碎。

鬼叫我咁大個人仲係單身狗，大時大節親戚朋友都係成雙成對，我呢d單身狗某程度上係唔應該出席任何活動，因為單身, 我就成為被擔心同埋被關心既目標人物喇 。

對話1
親友: 幾時先可以飲到你果餐呀?打雜: 應該都冇咩機會啦!
親友: 唔係要等我坐輪椅你先請飲呀?
打雜: -_-'' (心諗: 咩料呀? 但都係苦笑咁答) 唔好亂講啦.......

對話2
親友: 等飲你果餐等咗好耐? 快D請飲啦!
打雜: (為咗避免上面尷尬嘅對話就答) 儘快...儘快...
親友: 咁即係幾時請飲?
打雜: (心諗: 另一半都未有, 請飲汽水咩? 依然係咁答) 儘快...儘快...

對話3
親友: 你屬龍唔好搵屬蛇, 人哋話今年相衝。打雜: 哦..係咩?
親友: 龍蛇混雜呀, 你未聽過咩?
打雜: (心諗: 仲要揀飲擇食, 我注定無得食)

對話4
親友: 你點呀? 拍拖未呀?
打雜: 無呀。
親友: 點會呀? 你要求唔好咁高啦。
打雜: (心諗: 唔通要求其搵一個咩) 無呀... 搵唔到呀!

對話5
老豆: 你點呀?
打雜: 咩點呀?
老豆: 我俾人問你幾時請飲, 問到唔識答。
打雜: 唔洗理D外人啦。
老豆: 點樣唔理? 我都好煩呀, 成日都俾人問。打雜: 你咪答佢地" 有頭髮, 邊個想植髮? "
老豆: 俾你激死呀。

總結: 我最在乎都係兩老, 我都知道佢地擔心自己老來無伴無湯無水無人照顧, 但呢D擔心同各位親友嘅關心真係令我唔敢返香港呀!