來自日本的BAKE CHEESE TART 精選

前陣子小編捉野內瘋我係Facebook 報道過，日本人氣CHEESE TART 登陸香港。一如所料，一抵港立即引起一陣熱潮。日日係SOGO都會見到長長嘅人龍！快則半個鐘，慢則一個鐘以上走唔甩！小編我雖然一早已經係日本食過，但好奇心驅使下好想知道究竟係咪同日本一樣好味。於是最後都決定花時間去排隊試一試⋯⋯
今日係一個下雨天，小編專登11點就到達SOGO。一心以為咁早又落晒雨咁實無咩人排啦，點知⋯⋯咁早去到都要排咁後，真係好佩服香港人追潮流嘅決心！我估計我要排大慨半個鐘左右。或者應該要感恩了！！
果然半個小時後終於見到署光了！
排到前面就聞到一陣陣似曾相識嘅味道，無錯，係我喺日本嗰時聞到一樣嘅味道，我第一時間當然要望吓外型先啦！
外型合格！基本上同日本嘅係一模一樣，接落嚟就係試食時間，小編一口氣買咗半打試試（既然排開就買埋比同事試吓啦！），但每人最多只限買一打。
小編找了個暗角就即刻開餐啦！拿一個上手即刻擺入口，廢話小講！皮脆！同日本一樣正正子！再咬落核心主角芝士。相似度有8成。只略嫌比日本的甜。（可能要迎合少少港人愛重口味吧！）同日本比就較為多芝士。所以食完一個都已經可以收手。

總括嚟講BAKE CHEESE TART算係成功從日本複製過嚟香港，所以大家可以係香港試完唔駛再去日本排過，雖然日本未必需要排咁耐。或者忍多一陣子先去試，記住你去係食味道唔係食潮流吧！

撰文：捉野內瘋
圖片：http://www.yzgeneration.com

捉野內瘋 簡介：（專捉衰嘢，見到衰嘢就會發瘋插到你落地獄，但乜都夠膽試，試完好嘅都會發瘋地讚到你上天！歡迎各自認是日本好嘢嘅店鋪或物品叫我來試，如果你唔怕最後都係落地獄的話！）
==========================================
更多精彩內容盡在：www.heyastyle.com
FB專頁：https://www.facebook.com/Heyashoponline