卡樂漢堡和～薯條！

由 Heyashop日本漫遊於 31/07/2015 發表收藏文章

日本快餐店Lotteria經常都會推出很多創意漢堡包，最經典莫過於其5層漢堡包！今期又推出新包「卡樂漢堡」！咩叫「卡樂漢堡」？咪即係卡樂B（Calbee）漢堡包囉，兩款「卡樂漢堡」分別係牛肉卡樂漢堡及雞肉卡樂漢堡。雖然很新奇而且在網路上開始見到有報道介紹，但小編最想試嘅並唔係呢兩款包，而係隨同「卡樂漢堡」一同推出嘅特別版薯條！薯條分別有清湯、芥末牛肉、鹽和紫菜四款口味。點解小編特別想試薯條？因為Calbee最出名係咩？薯片囉！咁薯條出來效果應該會是最好吧！當然，如果你想一次過試晒兩款限定產品都無問題，你可以Order套餐，牛肉卡樂漢堡餐（$800日圓）及雞肉卡樂漢堡餐（$770日圓）。如果你同小編一樣只想試薯條，盛惠每包售價300日圓。卡樂漢堡及薯條限定發售至26/8，Calbee控不要錯過呀！