【現場直擊】R.O.U. 香港店

係日本擁有超過13間分店嘅R.O.U. ，剛於上星期五係荃灣AEON開設首間香港分店！R.O.U. 係日式生活雜貨店。HeyaStyle就係佢開張第一日立即去參觀一下為大家作第一手報導！

R.O.U. 係AEON一樓，小編一上到來就被門口嘅萬聖節擺設吸引了，由於開幕這天是星期五，所以人流還未有很多，小編可以好舒服慢慢逛逛。老實講，店鋪面積比我想像中細，我到達後還再望望是否有兩層或者有另一個Area，但原來真係得咁大。

一嚟到就提醒你萬聖節就到，買返啲嘢應節啦！

R.O.U. 的由來和使命。

看完門口咁當然立即入去睇睇！基本上格局都和日本嘅R.O.U. 無異。一入到去立即見到差唔多有3份1位置都是賣文具產品為主，大家可以找到各款日本牌子嘅文具產品，種類都算很多，擺放整齊！而且小編較為欣賞有一個專櫃係專賣一些高級專業既筆。（揸筆搵食係敏感啲！）。還有一個角落擺放咗兩部自助式沖相機供大家使用，挺窩心的喔！
各產品擺放整齊，讚！

選一支好筆是非常重要的！

窩心之選，意想不到的服務。

文具部之後就係到玩物區，大家可以搵到各式各樣來自日本嘅玩物、精品、毛公仔等⋯⋯小編只略嫌玩物種類不夠多，如果可以有更多就最好了！在玩物區隔離就係專賣一些手袋嘅區域，反而這區域的袋款挺多，款色都不錯看！都算一個小小驚喜吧。
雖說玩物種類不多，但啤酒製泡機這裡款式出奇地比其他地方多！正正子！

日系品牌手袋款式多，其中有Samuel Ashley及Leatherism的袋款。總有找到一個啱你心水！

而店鋪另一個主要區就係女性用品及個人護理，各類日本護理產品及化妝品都會在這裡找到，女士們一定會很開心！而有一些產品只會在R.O.U.找到，大家要慢慢細心發掘喔！總結嚟講這間 R.O.U.香港店可以用「麻雀雖小，五臟俱存」形容。總之你會係呢度總會搵到一樣啱你嘅日本產品，快D嚟行吓啦！

日本個人護理產品就係信心保證。

有些產品款式只會在這裡找到。

入到嚟到最後一定會乖乖比錢。


R.O.U.
地址：荃灣大河道88號灣景廣場購物中心1樓
開放時間：10am-10:30pm
電話：3665 - 2665


撰文：捉野內瘋
圖片：HeysStyle

捉野內瘋 簡介：（專捉衰嘢，見到衰嘢就會發瘋插到你落地獄，但乜都夠膽試，試完好嘅都會發瘋地讚到你上天！歡迎各自認是日本好嘢嘅店鋪或物品叫我來試，如果你唔怕最後都係落地獄的話！）

想知更多日本資訊可前往：http://heyastyle.com