【港日決戰】粟米片大決鬥！ 精選

答我！日本嘢係咪真係好啲？係咪真係好啲？係？！真係肯定？為咗求證呢個疑問，我哋就嚟個「港日決戦」。會找來同一種類分別嚟自香港或其他國家嘅食品／產品作比試，睇吓係咪真係日本嘢就係好啲呢個定律！
今次就試下早餐成日食嘅粟米片！嚟！即刻比較下！

左：家樂氏原味粟米片（＄17.9）／右：卡樂B原味脆脆米（＄31.9）

【價錢方面香港WIN！】
價錢方面，日本嘅卡樂B差唔多貴一倍，但係重量就多50g。

左：家樂氏原味粟米片／右：卡樂B原味脆脆米

【營養方面打和！】
營養方便，日本嘅卡樂B標榜有十種維他命同埋鐵質。不過呢啲香港嘅其實都有。

左：家樂氏原味粟米片／右：卡樂B原味脆脆米
【外觀方面日本WIN！】
一塊塊粟米片咁睇，左邊嘅香港有大有細參差不齊，有D仲成兩倍咁大塊黐埋左一齊。
而右邊嘅粟米片一塊塊尺寸差唔多，亦都比較薄身。
不過左邊香港嘅顏色就比較金黃，右邊日本嘅顏色就比較偏綠色。

加埋牛奶試吓先

左：家樂氏原味粟米片／右：卡樂B原味脆脆米

【味道方面打和！】
值仁我成日食粟米片，今次試埋呢個日本嘅。我覺得可以話係完全一樣味道。
不過口感方面日本嘅比較薄身，而且每一塊嘅大細都比較平均，入口舒服D。

【總結！】
如果你係崇日如我嘅，你可以食日本呢隻卡樂B。但小編嘅理性話俾我聽，其實佢地係一樣。
值唔值得用差唔多貴一陪嘅價錢食一個粟米片就見仁見智。
所以我會話香港代表勝利。

撰文：揀擇值仁
資料及圖片：揀擇值仁
小編 「揀擇值仁」簡介：貴為公子，外觀行先，氣質跟尾，最鐘意啲好睇、好玩、好食、有品味嘅潮流玩物同嘢食，輸人唔輸陣，好味之外仲要食裝修，食包裝！

想知更多日本資訊可前往：http://heyastyle.com