隱世咖啡店 KOFFEE

Heyashop日本漫遊 於 19/11/2015 發表 收藏文章
小編捉野內瘋我自問唔係一個咖啡達人,只係一個愛飲咖啡嘅普通人,唔識用專業名詞去形容一杯好味或者唔好味。但每次去日本都會搵一些當地咖啡店去品嘗一下!今次出發前小編就一早Target咗一間隱世咖啡店,名叫KOFFEE。其實在當地已經非常出名,只係未傳到香港,所以小編趁這次工幹就去會一會它!
今次小編係去位於東京表參道嘅OMOTESANDO KOFFEE,本來以為很易搵,點知一睇個地圖⋯⋯點解係住宅區嘅?唔好理,要信Google!於是我就繼續行,當我到達地圖顯示嘅點時,係下圖咁樣的
我真係無去錯?但下一秒我就知我一定無錯,因為一陣強烈嘅咖啡味撲向我鼻,我就知一定係呢度,整間店都以傳統和式風格設計,果然有格調、夠隱敞、低調,我鍾意!然後我就二話不說衝入去諗住即刻嘆返杯品味咖啡啦。點知⋯⋯我入到去場面是咁的⋯⋯下圖
多人度呢⋯⋯又話隱世嘅?點解咁多人嘅?但在場全都是日本人,所以小編就肯肯定仲未被香港人發掘!在場每個人都好安靜地排隊,靜得只聽到店內那咖啡店嘅機器聲。那些已經買咗咖啡嘅人就好安靜企埋或者坐埋一邊享受那杯似乎很美味嘅啡上癮中!
排咗大慨15分鐘終於到我了,餐牌很簡單,3張紙:小吃、熱飲、凍飲。職員:2名,一個收錢一個沖。機器:一部。完!夠做啦!咖啡款式唔多,擺明係貴精不貴多!小編就點一杯最簡單嘅Espresso試。我都搵咗一個樹下品嘗。飲完~唔好問我評語(我唔係專家),我只可以話,呢杯係我飲過咁多Espresso以來最好飲嘅一杯,我二話不說再排隊買多一杯!因為唔知幾時再可以飲到咁好飲嘅啡!點知~我第二次比錢時收銀個職員問我係邊嚟,我話香港,佢就話佢哋下年會進駐香港!!我當然再問佢係香港邊度同下年幾時?佢就話地點會係中環,有望可以下年一月開店!嘩!咁即係下年我就可以日日都飲到佢?希望到時佢哋都Keep到日本呢個水準啦!

店鋪資料:〒150-0001 東京都渋谷区 神宮前4丁目15−3

電話:03-5413-9422

撰文:捉野內瘋

圖片:HeyaStyle

捉野內瘋 簡介:(專捉衰嘢,見到衰嘢就會發瘋插到你落地獄,但乜都夠膽試,試完好嘅都會發瘋地讚到你上天!歡迎各自認是日本好嘢嘅店鋪或物品叫我來試,如果你唔怕最後都係落地獄的話!)

==========================================
更多精彩內容盡在:
Heyastyle www.heyastyle.com
FB專頁:https://www.facebook.com/Heyashoponline
標籤: 咖啡  KOFFEE  表參道  

留言


請按此登錄後留言。未成為會員? 立即註冊
    快捷鍵:←
    快捷鍵:→