【油麻地限定！海鮮丼專門店「緣起」系列！】

呢間海鮮丼油麻地店，推出日本正月最愛「緣起」海鮮，佢地相信咁樣可以增強新一年運勢。今次店鋪使用豐洲直送既日本三大當造「緣起」海鮮，鯛魚、油甘魚、帆立貝，製作特製3款限定菜色，小編大推海鮮刺身拼盤，有齊呢3款刺身！鯛魚刺身清鮮甜美；油甘魚入口甘香，帆立貝則油份充足，口感飽滿香氣十足！而雜錦海鮮柚子沙律係油麻地店首創，柚子酸酸甜甜好有泰國feel，加上角切刺身，可以配埋新鮮生菜一齊食特別清新！！
▲呢間人氣日本豊洲水産海鮮丼専門店係銅鑼灣同油麻地都有分店，今次呢個「緣起」系列就係油麻地限定！

▲雜錦海鮮柚子沙律（＄88）小編實在欣賞師傅既創意！佢用泰式既concept將日式柚子汁加入角切刺身沙律之中，配埋生菜食好清新！

▲「緣起」海鮮刺身拼盤 ($88)油甘魚肉質厚實，入口甘香

▲「緣起」海鮮刺身拼盤 ($88)口感飽滿香氣十足！

▲「緣起」海鮮刺身拼盤 ($88)鯛魚日語發音又與“慶賀”接近，因此經常被作為慶賀用傳統食材！肉身紮實清甜，魚身佈滿美味脂肪，非常可口！

▲「緣起」海鮮丼($198) 選用刺身基本都係鯛魚、油甘魚、帆立貝，為左加強視覺效果，仲加入甜蝦同吞拿魚！而且同刺身拼盤唔同地方係油甘魚經輕輕灸燒，咁做更能逼出油甘魚油脂！


原文及地址詳情：http://hkppltravel.com/?p=61157&fbclid=IwAR0se9FmfTdfNOTK1s6GTZy4GyLXmWIs4euCrcw14OVejDmjz4qFZv4Q9es
圖片及文字來源: 香港人.遊香港
--------------------------------------------
相關文章：
【土瓜灣福建小食！土筍凍沙蟲啫喱你敢唔敢食？】
【韓團應援揮手區！幻彩飲料+花花打卡牆！】