【下午茶攻略：抓住夏日尾巴歎芒椰下午茶！】

呢間酒店聯同泰國護膚香薰品牌Bodhi Herbal Spa Cosmetics 推出芒果和椰子為主題嘅下午茶，參考品牌嘅熱情滋潤護唇膏系列，炮製一系列芒果和椰子嘅鹹甜美食，為炎熱天氣下帶來又fresh又甜蜜滋味。推廣期由即日起至11月18日為止，兩位用套餐仲可以免費得到護膚香薰品牌禮物套裝一份。
▲椰子芒果撻（左）、椰子蛋白脆餅（中）、芒果熱情果拿破崙（右）、芒果木糠慕絲（後排左）、芒果芭菲配椰子忌廉（後排右）

▲芒果熱情果拿破崙，千層酥入口香脆鬆化，內餡cream加熱情果和吉士醬，十分開胃，表面加咗花型朱古力裝飾，成件甜品顏值提升

▲芒果風乾火腿配忌廉芝士法包片，鮮甜嘅芒果配上風光火腿嘅鹹香，平衡咗味道啱啱好

▲仲有帶子春卷配芒果醬（最後排）、泰式沙嗲串燒（第二行右）、椰香炸蝦球配芒果沙沙（左）、煙三文魚忌廉芝士青瓜三文治（第二排左）、芒果風乾火腿配忌廉芝士法包片（右）

▲Bodhi 指定熱情滋潤護唇膏2個，個人香薰精油5ml 換領券一張，Bodhi 50蚊現金券一張

原文及地址詳情: http://hkppltravel.com/?p=52095
文字來源：香港人遊香港/圖片來源：帝景酒店
————————————————————
相關文章：
【約閨蜜啦喂！勁夢幻「蝶舞花間下午茶」】
【200蚊有找抵食Tea Set！少女心雲石主題！】