【海港城7仔新店限定：唔駛飛都食到日本直送零食！】 精選

話說小編去海港城搵朋友，發現原來4樓新開左間7仔，真係附近打工仔福音！細心一逛，發現真係多左好多日本零食同特色野！有唔少仲係呢間新店限定！行2個圈小編已經買左10幾包日本零食，估唔到今次唔駛飛都食到日本直送零食喇，小編仲唔小心食左杯愛文芒果＋牛奶雪糕，大大杯都係15蚊咋！
▲行一轉海港城7仔，已經搵到小編最愛既日本零食：酸酸甜甜既魷魚軟骨、脆卜卜紫菜芥末米餅、口感細密既年輪蛋糕，食完仲可以飲返啖同樣係日本直送既茶！
▲小編特別推介糯米小麥餅乾，米味香濃，食落香脆無比

▲店員話比小編知今次呢個日本直送只係第一批，黎熨仲陸續有黎，小編真係好期待！

▲呢個早餐之選日式紅豆蒸包甜而不膩，清爽紅豆餡更係入口即化！

▲海港城店限定：愛文芒果＋北海道5.0牛奶扭紋雪糕（原價：＄15，新店優惠：＄10）香濃綿密愛文芒果口味，酸酸甜甜滋味特別，同時享受香濃北海道5.0牛奶風味，真係一杯雪糕，兩種享受！

▲雜莓梳打特飲（＄32／杯）雜莓用料十足，飲落好清新！
▲呢度亦有賣唔同口味既波子汽水！

▲呢間7仔仲有另一個特別之處就係有呢個Disney Corner，迎合OL同遊客需要！


原文及地址詳情: http://hkppltravel.com/?p=53071
文字／圖片來源：香港人.遊香港
—————————————————————
相關文章：
【尖沙咀人氣點心放題回歸！】
【尖沙咀新店！精緻九宮格超鮮甜刺身+海膽】