【港島下午茶攻略：金鐘嘆茶！嘆Tea WG下午茶】

最近呢間位於金鐘嘅酒店就同Tea WG聯乘，推出以「茶」為主題嘅下午茶，仲特別為今次調配咗茶叫做香港週末，主廚仲用呢隻茶整咗好多甜品，好似茶香法式閃電泡芙、士多啤梨撻等等，包保有茶味，每份下午茶仲會免費贈送Tea WG精緻茶包禮品一份！
▲今次Tea-WG調配咗一種名為香港週末之茶，以特選綠茶加入野生大黃、花蕾等元素，滑順入口。

▲甜點方面，小編大推茶香法式閃電泡芙，佢既頂層吉士醬以鮮奶油加香港週末之茶拌勻，甜滑清香怡人。迷你大黃及士多啤梨撻集合士多啤梨果蓉和煮至稔身的大黃，上層鋪滿新鮮雜莓，蘊藏層層巧思，味道酸甜醒胃，呼應香港週末之茶的果香特性。

▲將於期間供應鹹點方面，香烤三文魚既羅勒青草醬帶出海鮮香味同鮮味；煙肉洋蔥雞蛋鹹批，香脆有致，烘焗後洋葱帶來點點香甜，香濃可口。土耳其鷹嘴豆蓉配土耳其薄包餅豆味好濃！仲有香脆炸蝦口感內爽外脆賣相精緻。而香港週末之茶三文治就有番茄、雜菜沙律等餡料，入口清新。
▲每份下午茶都會免費贈送Tea-WG精緻茶包禮品一份！


原文及地址詳情: http://hkppltravel.com/?p=54402&fbclid=IwAR1n2ReiUTTb2MYLAxzNLyamA9q1B3kFfmvz1Os_burXx9RlLEpwfYlzLRU
文字來源：香港人.遊香港／圖片來源：港麗酒店—————————————————————
相關文章：
【下午茶攻略：秋季朱古力主題！平食酒店高質下午茶！】
【大埔一日遊文化+地理深度遊！三門仔漁村+馬屎洲！】