【下午茶食景都飽！270度維港歎無花果主題Tea！】

好多朋友搵酒店食下午茶又想有海景，都會即時諗起灣仔、銅鑼灣，甚至係尖沙咀一帶既酒店Tea，港島東區酒店往往被忽略左，今次小編真心推介呢間酒店頂層既餐廳，三面落地玻璃螢幕，坐擁270度維港靚景，真係食咩都正！今次佢地仲趁秋季推出無花果主題Tea Set，無花果又被稱生命之果，有豐富礦物質、維他命、纖維，所配合既咸點甜點都令人非常開胃！食完仲可以係度歎埋個日落，同閨蜜傾夠先走！
▲居高臨下歎呢個「秋之韻」無花果下午茶套餐就最岩數！每位200蚊多d就可歎10款無花果主題既咸甜點！

▲最頂層既甜點既吸睛！以無花果入饌既甜品4款都好有水準！

▲小編最鐘意食無花果水信玄餅同無花果乳酪，前者晶瑩剔透，清新好味，而無花果乳酪則以酸酸酸甜甜無花果拌入乳酪，很是特別！另外仲有無花果芝士蛋糕同無花果杏仁雲呢拿撻。

▲中間果層有英式鬆餅、可麗露甜點，仲有紅酒無花果乾牛面頰肉撻！焦糖外層酒桶外形，咬落去幾煙韌

▲最底層就有龍蝦及酸忌廉意式三文治同日式照燒三文魚配芒果辣椒莎莎醬，不過講到最特別都係法國鴨肝醬多士！鴨肝醬加埋無花果啫喱感覺清新！
▲Le188位於酒店41樓，坐享270度維港美景！


原文及地址詳情：http://hkppltravel.com/?p=54704&fbclid=IwAR2voc53q8e511SEz8_bJKCt2mT4upSKbC271yyQoPMFltQWs9cn5UMRjOA
文字／圖片來源：香港人遊香港
—————————————–
相關文章：
【港島下午茶攻略：金鐘嘆茶！嘆Tea WG下午茶】
【西環之咖啡藝術！】