旺角漢堡新店：【人氣Burger登陸朗豪坊！即刨熱溶芝士漢堡夠澎湃】- Texas Burger

人氣小店Texas Burger本店位於天后，出名食高質手工漢堡，而家登陸朗豪坊開新店，更推出多款打卡必食既新菜式。「即刨熱溶芝士漢堡」將烤過既拉可雷特芝士即場刮到漢堡上，夠晒澎湃霸氣！「髒髒咖啡」集結來自四大產地既咖啡豆提升咖啡香，奶泡香滑濃厚,，加上滿滿既可可粉勁晒吸晴！仲有加左乾冰襯托既「冰鎮朱古力蛋糕新地」好有仙氣，同埋Cocktail奶昔等人氣飲品，實行又食得又睇得，打卡一定最呃LIKE！
▲「熱溶拉可雷特芝士漢堡」選用澳洲和牛及美國頂級牛肉等製成漢堡，肉味香濃夠Juicy，配埋拉可雷特芝士即場刮到漢堡上，芝味夠濃，邪惡萬分！($108)
▲「髒髒咖啡」選用來四大產地既咖啡豆磨成Espresso，咖啡味超濃郁！奶泡厚而香滑，再灑上多到瀉既可可粉做成「髒髒」既感覺！($48)

▲「冰鎮朱古力蛋糕新地」盤底放左乾冰令呢個甜品一出場就充滿仙氣，打卡必點！朱古力蛋糕用左72%黑朱古力製成，夾埋軟雪糕食一冷一熱，層次十足！($68)

▲迷你未來漢堡拼盤 ($88)「未來肉」是係素食肉，主要成分是豌豆蛋白、紅茶頭汁和椰子油等，三款漢堡分別係豬肉、牛肉及野菌，雖然係素食但口感同肉味甚為迫真，同樣Juicy，肉食獸都buy！($88)
▲「墨西哥芝士夾餅」有多種配料選擇包括手撕雞肉、牛肉、軟殼蟹、燒烤手撕豚肉、香草菇菌等，配以特製墨西哥風味既辣椒Salsa醬同青蕃茄，口感豐富又滋味！($48/件；$88/2件)


原文及地址詳情: https://hkppltravel.com/?p=63629&fbclid=IwAR0oIn-LnCPXFYH_wNRKygFQO13Crn5LbB_y1VSH3Vpy-5FkaWVJbPtYx4g文字：香港人.遊香港 ／圖片來源：Texas Burger