旅行撳機十大陷阱(二)---原幣外幣

上次「ATM陷阱」果篇(詳見呢度呢度)，我個好姊妹話好似係幾實用，不過佢都係寧可碌卡免得又要搵地方撳又要做咁多事前準備……一句講哂，呢啲咪係懶女人囉！咪以為去外地冇哂現金，拎張卡出嚟「耀武揚威」就冇嘢先得架！

個衰囡呢兩日又掃到HK Express平清邁機票，好可惡！不過問我就想去台中掃夜市多啲!

小妹花咗啲時間爬文，發現有唔少師兄師姐都中過DCC(或者叫CPC都得)陷阱。不過要講點樣小心避免DCC陷阱之前，等我班門弄斧試吓解釋咩係DCC先：

DCC即係Dynamic currency conversion(CPC係Cardholder Preferred Currency)，譯出嚟叫動態貨幣轉換或者即時同步換匯服務，簡單嚟講就係當你喺海外碌卡，可以選擇用發卡地點嘅幣值，例如港幣，而非當地幣值結賬。

例子一、直接轉冇選項:
(圖片轉載自PPT)


聽落可以用港幣簽，對數方便之餘又可以免受匯率差價？事實並非係咁，反而會計匯率兼會收手續費，實付額隨時高過用簽卡當地幣值結帳！要避免被DCCed，要留意咩?入HongKongCard睇下啦!