做好路線規劃 包車玩盡花東美景

跟著KKday去旅行 於 05/12/2016 發表 收藏文章
如果票選香港人最熟悉嘅旅遊地點一定係台灣,但大家對於被稱為「台灣後花園」嘅花東(花蓮台東)可能比較陌生,由12月開始HK Express將會有航班直飛花蓮,如果Plan緊去台灣放個短break嘅大家,可以考慮參考小編包車由花蓮輕鬆玩到落台東。
由花蓮出發前往台東嘅主要交通包括客運、火車、自駕遊同包車,有做功課嘅話,會發現有好多花東景點雖然好吸睛,但點同點之間係相隔非!常!遠! 大部分靚景都同市區或者車站有一段距離,如果唔希望錯過沿途秘境,不妨由花蓮包車由縱谷線(山線)直落台東,走盡最靚嘅自然風光。
#第一站 七星潭

如果要數花蓮景點第一位,一定非七星潭莫屬,單單望住遼闊嘅沙灘同湛藍嘅海洋已經好療癒。
#第二站 四八高地
四八高地,正正可以居高臨下嘅角度俯瞰七星潭嘅壯麗,司機會載你到入口位(奇萊鼻燈塔及環保公園前嘅單車道),向柵欄直行約10分鐘就會抵達,係一定唔會令你失望。
p.s  四八高地之所以叫四八高地,係因為呢度有海拔48公尺而命名!
#第三站 白鮑溪
白鮑溪係花蓮溪嘅支流,係當地人推薦嘅私房秘景, 溪水清徹見底,全無污染,而河床中閃住綠色紫色嘅石頭,可以停車踩下清涼嘅溪水過冷河再出發。
#第四站 伯朗大道
伯朗大道係台東必到景點!因為道路管制嘅關係,筆直嘅道路無任何車輛,只留低藍天白雲,連綿嘅山巒,加埋兩邊金黃嘅稻穗,俗稱天堂路, 係大家必到影相打卡景點。
p.s 因為呢度係當年金城武拍廣告嘅地方,所以好多人為「金城武樹」而黎!
#第五站 武陵綠色隧道
全條隧道約長4.5 公里,沿途有樟樹同木麻黃遮蔽成蔭,係台東人踩單車嘅熱點!
#第六站 台東海濱公園-國際地標
黎到第六站差唔多日落時間,可以去台東海濱公園欣賞呢座別樹人格嘅國際地標,呢座 「生命之樹」結合人、海、文化及歷史嘅意象,係台東嘅象徵。無論天光定係天黑黎,都別具特色。
一於趁住嚟緊嘅假期,即刻出發由花蓮玩到落台東,順便比個機會自己逃離令人窒息嘅石屎森林,單單放鬆曬唔用腦,剩係望住啲令人陶醉嘅自然景色都夠治癒呀!
>> 跟住縱谷線玩花東

▲認識KKday▲
KKday-世界旅遊體驗網站,在全球 54個國家,174 個城市, 有 6000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁: www.kkday.com
KKday Facebook: KKday

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→