台灣「打工換宿」五何法

跟著KKday去旅行 於 19/06/2016 發表 收藏文章
可能係香港讀書打工都太大壓力,大家一有機會就想離開香港,而且時間愈長愈好,所以唔同地方嘅工作假期都大受歡迎,但成本其實都唔低咖!想去其他地方放個長假,又冇咩budget的話,好多人都轉到台灣打工換宿!
打工換宿雖然都要做野,但工作相對輕鬆簡單,而且台灣除左生活節奏比較慢,生活成本都低啲。正因為咁,好多香港人sem break會去、gap year會去、grad trip會去,甚至正式做野之後都會去~咁到底去打工換宿要點寫CV?又可以去邊到睇下提供換宿嘅地方呢?一於用五何法逐個拆!

1. 何時
你可以逗留台灣幾耐呢?一般黎講,當地民宿都會要求工作兩個星期或以上,如果留台時間太短,選擇就會少好多;相外,如果換宿時間超過兩星期,大部分民宿都會有day off比你玩足全日,甚至會有零用錢~另外,CV需要填寫實際換宿日期,建議可以先買機票,確認自己到達同離開嘅日期。
另外,每日嘅工作時間都可以預先溝通。雖然去到需要做野,但都唔會好似香港咁朝九晚五嘅~大約了解一下咩時間需要幫手,就可以計劃下空閒時間嘅行程啦!

2. 何地
台灣有好多各式各樣嘅民宿,台北台中台南墾丁等等等等都有,你心水嘅地方又係邊到呢?預先做定功課,搵定心水民宿再買機票就perfect池啦!
揀民宿要留意下佢地嘅確實位置,好多民宿都會以近機場作為selling point,因為瘋狂購物完一袋二袋唔會想山長水遠去機場。不過,呢啲民宿一般都離市區或者購物嘅地方比較遠。對於去打工換宿嘅你,每日可能得半日自由時間,如果花好多時間係交通上就唔係好抵啦~
實用網站>>
打工換宿遊台灣
打工換宿.背包環島
臺灣打工換宿報你知
3. 何人
見工要cv要自我介紹是常識吧!打工換宿當然都要啦~不過就唔洗咁formal~去打工換宿,重視嘅係性格多過工作經驗或者學歷,因為要幫手接待客人,所以最好展示你「歐高型」同開朗嘅一面啦!如果你有咩長處都可以話比人知,例如係唱歌彈結他講爛gag等等,能夠娛樂大眾就更加受歡迎啦~
一般民宿都會提供履歷表比你填個人資料,絕大部分都會有相片位(你的樣子如何…講笑啫~)咁洗咪比張斯文著suit相呢?係唔洗嘅!上面都提到要展示開朗嘅一面啦~所以可以比張戶外活動嘅相,或者係笑得燦爛嘅生活照,都可以幫助人地更了解你!  

4. 何事
當然你係去打工換宿,咁你心目中打工換宿係要做咩呢?如果怕自己半途而廢,可以先上網睇下其他人嘅分享,睇下自己嘅預期同現實相唔相符,亦可以評估下自己做唔做得黎。不過最最最重要都係調整自己嘅心態,認清打工換宿嘅代價,唔好當自己係遊客!
雖然大部分台灣人都係好友善,唔會因為你打工換宿就勞役你,但如果你當自己大少、大小姐,洗廁所嫌污糟,招呼人又嫌麻煩的話,就唔好去失禮人啦~

5. 何解
最後,就係你點解要去打工換宿呢?呢個問題係答人地之前,要先答左自己!純粹想慳旅費?想試下係其他地方打工?定係想認識多啲台灣文化?除左認清打工換宿嘅代價之外,認清自己換宿嘅目標都好重要!一方面可以增加成功應徵嘅機會,另一方面,就算到時遇到啲咩困難,諗番自己嘅目的都易啲堅持落去嘛~加上最少都去兩個星期,有時間都唔係漫無目的咁浪費啫~
暑假係打工換宿嘅高峰期,快手搶張平機票然後gogogo啦!

▲認識KKday▲
KKday-世界旅遊體驗網站,在全球 53個國家,170 個城市, 有 3000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁:www.kkday.com
KKday Facebook: KKday

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→