唔洗錢睇亞洲最美八大夕陽

跟著KKday去旅行 於 02/09/2016 發表 收藏文章
「夕陽無限好~卻是近黃昏~」每當日落時,Eason依首歌就會喺小編腦中響起~雖然日出日落每日都有,但好似外國嘅日出日落總係特別啲咁,可能係因為喺旅行途中我地先有閒暇去欣賞夕陽喇~最近,Lonely Planet就列舉左八大亞洲最靚嘅夕陽,而且重點係唔!洗!錢!一齊睇下喺邊度可以欣賞到夕陽美景喇~
印度— 金廟
金廟係印度錫克教徒嘅宗教勝地,亦都係好多遊客慕名黎朝聖嘅地方。金廟嘅正式名叫做哈爾曼迪爾‧薩希卜,意思係「神嘅居所」。由於成間寺廟表面都鋪滿金箔,四周又被人工湖所包圍,每當日落時餘暉照射喺寺廟上,寺廟就會反射出加為耀眼嘅金黃色光芒,再加上湖中倒影,簡直靚到非文字能夠形容啊~~



緬甸—烏本橋(U Bein bridge)
圖片來源
有啲景點係要影剪影先夠特別嘅,烏本橋絕對就係其中之一。烏本橋座落於東塔曼湖上,被認為是世界上最古老、最長嘅柚木橋,亦都係當地重要嘅通道。朝早時烏本橋睇落就係平平無奇嘅一條木橋,但當到左日落時份,太陽會落喺東塔曼湖上,再加上人來人往嘅剪影,組成一幅如畫般嘅美景。
>>> 【晚霞配美酒】曼德勒烏本橋日落&雞尾酒


菲律賓—馬尼拉灣(Manila Bay)

圖片來源

馬尼拉灣旁嘅「落哈斯落日」大道聽個名都知佢最有名嘅就係日落嘅景致。金黃嘅夕陽,加上開揚嘅大海景觀,再配上陣陣海風,令依度變成遊客們散步嘅好地方,最適合情侶們黎依到談談心。

尼泊爾—沙朗闊(Sarangkot)


圖片來源

尼泊爾最吸引人嘅一定係自然景觀。莎朗闊位於波卡拉(Pokhara)西北面嘅小山,係非常適合初哥嘅登山路線。日落時,夕陽會將本來潔白無瑕嘅雪山渲染成橙紅色,吸引世界各地嘅遊客特登黎一暏依個美景。

香港—尖沙咀海濱花園
圖片來源
原來亞洲最美夕陽之一遠在天邊近在眼前—尖沙咀海濱花園亦都上榜呢!可能外國人就係鐘意香港嘅日落有繁華嘅都市燈光做背景,所以顯得更加迷人。大家黃昏經過時試下放低腳步,欣賞下夕陽下嘅香港啦~




>>>
【美食與夕陽】全港最高觀景台餐廳「天際 100 Vista」下午茶餐券

日本—東京都廳展望台
圖片來源
同香港一樣,東京都廳展望台都係可以喺城市中欣賞到嘅日落美景。大多數展望台都要收入場費,但東京都廳展望台係完全免費嘅!你可以搭電梯上到45樓,係高空俯瞰成個東京嘅夕陽景緻,而且展望台位於新宿,欣賞完夕陽之後仲可以去行街、食飯,體驗日本嘅夜生活。

峇里島—金巴蘭海灘(Jimbaran Beach)
圖片來源

有咩野醉人得過可以坐喺沙灘上,一邊欣賞被夕陽染成不同顏色嘅天空,一邊聽住海浪聲,仲可以食新鮮嘅烤海鮮?以上三個願望,只要你黎到金巴蘭海灘就可以一次過滿足得到。依度咁浪漫迷人嘅美景,亦令佢成為愛侶求婚嘅聖地。

>>> 藍夢島海景下午茶+烏盧瓦圖斷崖廟+金巴蘭海鮮燒烤



中國—西湖

圖片來源

西湖嘅靚自古以來已經受人稱頌,好似蘇軾就喺《飲湖上初晴後雨》中用一句「欲把西湖比西子,淡妝濃抹總相宜」黎讚頌西湖嘅美。坐喺岸邊垂柳樹下,你可以靜靜咁欣賞依個千年不變嘅美,或者你就會明白當時蘇軾嘅感受。
>>> 【杭州包車】西湖遊船、雷峰塔、斷橋殘雪、西湖一日遊

▲認識KKday▲
KKday-世界旅遊體驗網站,在全球 54個國家,174 個城市, 有 5000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的 喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!

KKday 網頁: www.kkday.com
KKday Facebook: KKday

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→