【夏日離島遊】 台灣五大海島攻略

跟著KKday去旅行 於 19/07/2017 發表 收藏文章

每次都聽到好多人渡假都要去外國海島,要玩海島,洗咩飛咁遠,近近地飛去台灣都有!台灣嘅離島,不單止超靚,每個島都有自己最獨特嘅地方,仲可以玩水、玩沙、浮潛,重點係經濟實惠,CP值超高,小編呢家就整理咗澎湖、綠島、蘭嶼、小琉球、馬祖有咩重點必去、必玩、必食啦!襯住就嚟夏天,嚟一場台灣外島旅行啦!
一、澎湖(Penghu)
圖片來源台灣最大離島澎湖,一到夏天時分一定迫滿人潮,特別係澎湖花火節季,飛澎湖嘅機位一位難求,唔早啲搶一定搶唔到,可以睇得出澎湖係一個幾吸引人嘅地方!近呢幾年,就連當地人都慢慢意識到澎湖嘅美,可以盡情玩水、享受乾淨嘅沙灘、藍天,如果你仲未去過澎湖,呢個夏天,就唔好錯過!
圖片來源2002年為咗發展旅遊業而開展嘅澎湖煙花節,每年都吸引超多遊客聚集喺澎湖,可能大家會覺得都係煙花,仲咩專登跑到澎湖去睇呢?其實花火節最吸引人嘅地方就係近在咫尺嘅煙花,好似就喺頭頂上,再加上夜晚西瀛虹橋彩色嘅燈光,個景太靚啊!
2017澎湖煙花節時間:4/20-6/22 逢星期一、四
圖片來源#點去澎湖?
小編最建議搭飛機去~慳時間又方便,目前飛澎湖嘅航空公司有立榮、華信、遠東,差唔多一個鐘就到。
#澎湖有咩玩?
澎湖有超級無敵多景點,小編就先簡單推薦幾個必去,包括七美島嘅雙心石滬、桶盤嶼嘅玄武岩石柱、山水沙灘水上活動,當然有馬公天后宮、老街同西瀛虹橋,其他有好多好玩!
#澎湖有咩食?
仙人掌冰、黑糖糕,當然仲有超級壓軸 ─ 海鮮!蚵仔、小管都係必食,可以去澎湖海洋牧場有鮮蚵吃到飽,或者體驗夜釣小管!
#小編小貼士
每年只要到澎湖煙花節時間,機票都超難搶,所以如果想趁機去睇澎湖花火節嘅人,記得一定要提早訂好飛啊!


二、綠島(Green Island)
KKday | KKday綠島係近年一個熱門景點,想要玩水玩沙嘅旅客,甚至浮潛,台灣目前最受歡迎嘅浮潛聖地「藍色珊瑚礁」都喺到!但最重要係,又叫「火燒島」嘅綠島,因為地熱活動發達而擁有世界唯三嘅天然海底溫泉「朝日溫泉」,嚟到綠島,千其唔好錯過邊歎綠島自然美景邊浸溫泉嘅機會啊!
圖片來源#點去綠島?
雖然有小飛機選擇,小編建議可以搭船去,其實唔係好耐,而且話唔定仲可以超近距離見到海豚喺你身邊跳!
#綠島有咩玩?
朝日溫泉係必去,仲有喺白色恐怖時期,進行思想改造,曾經係政治犯監獄嘅「綠島人權紀念園區」,當然仲要睇下島上出名嘅影相景點睡美人同哈巴狗!小編仲要特別推薦中意潛水嘅人一個地方,就係位於南寮漁港附近「石朗潛水區」外海,有一個全世界發現最古老,已經有千年歷史嘅活珊瑚巨型老微孔珊瑚,中意潛水嘅人一定要去睇下!
#綠島有咩食?
必食海草系列嘅海草冰、海草蛋餅,如果你夠膽嘅話,仲可以試試鹿肉!
#小編小貼士
喺綠島主要嘅交通工具就係電單車,島上都有好多商舖提供租借電單車服務,但小編提醒,商舖通常唔提供汽油~所以租完電單車記得一定要即刻去加油!呢家綠島加油站得一間,位於南寮村,營業時間為08:00-17:00。
三、蘭嶼(Orchid Island)
圖片來源大家對蘭嶼最大印象應該就係達悟族故鄉,喺呢到,你可以睇到乘載住達悟族祖先智慧嘅拼板舟、一排一排嘅飛魚乾、著住達悟族傳統服飾嘅族人一一出現喺你眼前,撞啱時間去,仲可以參加到飛魚季一系列慶典,想要嚟一次文化之旅,體驗達悟族人生活智慧同傳統嘅旅客,蘭嶼就係你嘅最好選擇!
圖片來源#點去蘭嶼?
去蘭嶼比較耐,可以選擇搭飛機或者船~只係因為機票比較搶手,建議提早兩個月訂位,搶唔到也沒所謂,搭船都係一個唔錯嘅選擇!
#蘭嶼有咩玩?
達悟族其實有分很多部落,每個部落都有自己嘅一塊區域,想要睇保存最完整地下屋,可以到野銀部落睇睇!而小編建議想要欣賞夕陽嘅民眾,喺青青草原你會擁有絕佳視野!
#蘭嶼有咩食?
當然係各種飛魚料理囉!由飛魚炒飯到飛魚乾麵當地都有販賣!
#小編小貼士
飛魚季時,女仔係唔可以碰拼板舟,由於拼板舟對於達悟族人十分神聖,唔好隨意登上拼板舟!仲有,因為成個島上得兩部ATM,所以小編建議身上一定要帶夠錢~

四、小琉球(Liuqiu)
圖片來源小琉球係台灣唯一一座珊瑚礁島,自然環境真係好靚,而且因為位於低緯,唔會受到冬天東北季風嘅侵襲,所以一年四季都係溫暖嘅天氣,係個連冬天都可以落水嘅玩水勝地!
圖片來源#點去小琉球?
小琉球目前淨係可以搭船去~由屏東出發只要半小時就到啦!
#小琉球有咩玩?
既然都嚟了,小琉球地標「花瓶石」必睇,而且附近都係浮潛聖地,仲有機會遇到綠蠵龜,同綠蠵龜一齊游水!但小編叮嚀,因為綠蠵龜對聲音、動作好敏感,千其唔可以為左引起佢注意而拍打佢附近嘅水域,會嚇到他!
#小琉球有咩食?
海菜、魚卵絕對係必食!仲有當地超厲害嘅老李蔥油餅跟小蝌蚪起司餅也都一定要嚐嚐啊!
#小編小貼士
大家到海島旅行一定都習慣搽太陽油!但因為小琉球係獨特嘅珊瑚礁島,而防曬用品內含的氧苯酮會導致珊瑚礁變形、死亡,所以落海玩果時,都唔好破壞咁靚嘅珊瑚礁,記得搽唔含氧苯酮嘅防曬,或者唔搽啊!
五、馬祖(Matsu Islands)
圖片來源馬祖,因為獨特嘅地理位置,而曾經係重要嘅戰略地點,亦因為咁留低好多充滿人文特色嘅遺跡,嚟到呢到,就好似返到過去,濃厚嘅文化氣息,令你細味歷史對於呢片土地嘅重要性。
#點去馬祖?
可以搭船或者搭飛機,小編建議搭飛機比較快,但係想慢慢體驗海上生活搭船都唔錯!
#馬祖有咩玩?
馬祖充斥住歷史古蹟,嚟到馬祖,一定要睇下當地信仰中心天后宮、八八坑道。但小編最推薦當然係最近超紅,堪稱世界十五大自然奇景嘅「藍眼淚」啦~點綴住無數藍光嘅海水,因為夜光藻遭到海浪嘅拍打先得以顯現,同埋只有四月中到七月先睇得到!
圖片來源#馬祖小貼士
高粱!高粱!高粱!太重要啦要講三遍啊!高粱係馬祖嘅特產,嚟呢邊仲唔飲高粱就太可惜啦~但小編都係提醒大家,滿18歲先好飲酒!唔可以喝酒嘅可以食下當地出名嘅魚麵、紅糟、老酒蛋麵!
台灣嘅外島其實都超級靚!以後唔駛搭長途機都可以好好享受夏天~今年夏天就快啲飛嚟台灣離島玩啦!
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
FacebookInstagramYouTube旅友討論區

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→