日本北海道自助攻略

跟著KKday去旅行 於 16/03/2017 發表 收藏文章

每次去北海道都覺得好唔方便?想去遠啲又唔知搭咩車去?就等小編教大家點樣喺札幌出發一日遊!

一丶[b]北海道中央巴士(觀光巴士)、JR
如果你係自由行,又無打算自駕遊嘅話,小編就推薦大家用北海道中央巴士所推出嘅觀光巴士行程。觀光巴士唔單止方便,仲有多國語言導覽,可以幫大家安排一日去曬幾個幾點,絕對係自由行必備利器。不過大家需要留意翻,大部分觀光巴士營運時間係6到11月,而票價會因應地方而有所唔同。
>>>北海道觀光巴士路線詳細資訊
如果唔想搭觀光巴士,又或者係巴士停駕嘅月份去北海道,其實都可以選擇北海道嘅其他交通工具。如果想通過JR由札幌去其他地方一日遊,小編建議大家去小樽、旭川同富良野,小編喺樓下分別整左每個地方嘅一日遊攻略。
二丶[b]札幌出發一日遊路線
(1)【札幌市內】建議路線:北海道神宮→ 場外市場 → 白色戀人→ 太倉台/羊之丘→狸小路商店街→藻岩山
【觀光巴士】參考路線:A、B、C、D、 G
# 北海道神宮北海道神宮係為北海道守護神所設立嘅宮殿,而神宮內部被層層大樹所環繞,而春季嘅時候更加係賞櫻勝地,而冬天睇雪景都零舍有孤寂嘅美感。
小編提提大家去參拜之前,記得去鳥居同拜殿之間嘅「手水社」,先進行「手水禮節」,以表示清淨身心嘅意思。
圖片來源
▶︎建議停留時間:1 小時
▶︎地鐵:在東西線「圓山公園」車站下車,步行15分鐘。
▶︎巴士路線:搭乘Bankei巴士(圓山線) 、市營巴士(環20、西14、西15)在神宮前巴士站下車,步行1分鐘。
# 場外市場場外市場有「北海道人廚房」嘅美譽,唔理係新鮮嘅海鮮,定係各式各樣嘅手信,喺場外市場一樣可以搵得到!唔單單可以體會到最地道嘅食法,仲可以搵到好多私密又好味嘅食堂!
圖片來源
▶︎建議停留時間:2 小時
▶︎JR路線:搭乘JR到「桑原站」
▶︎地下鐵路線:搭乘地下鐵至「二十四軒站」
#白色戀人工廠白色戀人係日本知名嘅手信,而位於北海道嘅工廠遊客係可以參觀嘅,不單可以聞到濃郁嘅朱古力,仲可以體會到日本人對商品謹慎嘅工作態度。一個人旅行又或者全家旅行都好適合去架!
圖片來源
▶︎建議停留時間:1 ~ 2 小時
▶︎巴士路線:JR札幌站巴士總站上車(開往小樽方向),「西町北20丁目」下車(除了中央巴士也可以選擇乘坐JR巴士)。
▶︎地鐵路線:札幌地下鐵東西線至「宮之澤站」
# 大倉山、羊之丘展望台大倉山眺望台係日本嘅標準跳台滑雪場地,曾經舉辦過好多次滑雪大賽,大倉山宏偉嘅震懾氣勢配上一覽無遺嘅景色,絕對係去北海道唔可以錯過嘅美景之一,現在仲可以搭觀光巴士輕鬆去到,就算你係自由行都唔需要擔心交通嘅問題!
圖片來源
▶︎地鐵路線:至東西線「圓山公園」站下車後,走2號出口到圓山公共汽車總站搭乘JR巴士「圓14 荒井山線」,在「大倉山競技場入口」站下車(所需時間10~15分鐘。票價:210日元),從停車站出發,大約步行10分鐘。
▶︎參考行程:札幌市區一日遊
羊之丘展望台距離札幌大概30分鐘車程,係個安排一日遊嘅好去處!春夏之際,可以欣賞到大片草原同大批羊群嘅身影,而喺冬季就可以選擇賞雪同滑雪。另外,羊之丘展望台亦都有遊客最鐘意嘅足湯,如果行攰左不妨去休息一下!
圖片來源
▶︎建議停留時間:2 ~ 3小時
▶︎地下鐵路線:搭乘地下鐵東豐線至「福住站」,再轉乘巴士。
# 狸小路商店街到札幌一定唔可以錯過shopping好去處狸小路!狸小路有賣各種唔同嘅商品,想搵紀念品、手信、美食就千其唔可以錯過!
圖片來源
▶︎建議停留時間:1~ 2小時
▶︎交通方式:JR札幌站往南口方向走。
# 藻岩山除咗函館山嘅夜景之外仲可以去邊度睇夜景?答案就係藻岩山!藻岩山嘅夜景,同函館山、天狗山並稱三大夜景!同函館山嘅特殊腰帶夜景唔同,藻岩山嘅夜景呈現星棋羅布嘅壯麗美景。 如果想登上藻岩山睇夜景,需要先去「藻岩山麓站」換成空中索道車,再到「藻岩中腹站」搭小纜車。
圖片來源
▶︎建議停留時間:1 ~ 2小時
▶︎地鐵路線:搭乘地鐵東西線至「園山公園站」,再轉乘JR北海道巴士,至「藻岩山麓站」 ▶︎市電車路線:至「索道路口站」後再徒步10 分鐘至「藻岩山麓站」
如果唔鐘意上面個行程,又可以睇下小編推介嘅另一個行程!
[b](2)【小樽】建議路線:JR札幌→JR小樽站→ 堺町通→ 小樽運河→天狗山夜景 [/b]
【觀光巴士】參考路線:J-1、J-2、K
# 堺町通圖片來源
堺町通係一條特色商品街,有好多值得行嘅手信鋪,好似係專賣玻璃製品嘅工作坊-北一哨子,或是出名嘅手信LeTAO、六花亭,同埋小樽音樂盒,想要買嘅手信喺呢度幾乎都可以搵得到!
▶︎建議停留時間:2小時
▶︎JR路線: 至JR小樽站or 南小樽站。
▶︎也可以參考小樽散策巴士路線資訊
# 小樽運河小樽曾經係北海道經濟發展重鎮、對外重要港口,所以小樽運河兩邊留有好多舊式銀行、倉庫等嘅建築,保留咗濃厚嘅古典氣息。鋪上白色雪地,行喺運河旁邊別有一番風味,如果晚上去嘅話,運河兩邊都會點上路燈,倒影喺運河上面就好似係散佈滿地嘅星星。
▶︎建議停留時間:1 小時
▶︎JR路線: 至JR小樽站
▶︎參考行行程:小樽運河遊船
# 北海道三大夜景:天狗山絕景講到北海道夜景,當然也唔可以唔提天狗山,喺天狗山上面可以睇曬成個小樽市區嘅景色,完全唔會輸過函館嘅夜景,而且距離小樽市區得20分鐘車程,就算一日遊也值得去!
圖片來源
▶︎建議停留時間:1 ~ 2小時
▶︎一般巴士路線:JR札幌→JR小樽公車站前,搭乘前往天狗山路線的北海道中央巴士,或是小樽散策巴士中的B路線(此兩種方式皆與北海道中央巴士的觀光路線不同)。
▶︎小樽散策巴士路線資訊
小編再介紹多幾條路線,等大家參考下!
(3)【旭川】建議路線:旭山動物園
【觀光巴士】參考路線:T
唔理冬天定夏天去旭山動物園都好適合!而且根據唔同季節,都會有啲季節限定嘅動物可以睇到,譬如冬季可以睇到可愛嘅企鵝散步,夏季就可以睇到山羌,而紅毛猩猩同猴館都會由室內轉到去室外。
夏季營業時間也會有所調整,會遲45分鐘閉館~ 而且宜家巴士路線規劃完整,所以搭公共交通工具去都好方便。
圖片來源
▶︎建議停留時間:4 ~ 5小時
▶︎JR路線:搭乘JR 特急動物園號(各個車廂會有不同的動物主題)至JR旭川站,搭乘公車(六號巴士站乘車)前往旭山動物園。
(4)【千歲】支笏湖→ 丸駒溫泉→ 千歲水族館
【觀光巴士】參考路線:W
# 支笏湖支笏湖、丸駒溫泉、千歲水族館三個景點都喺附近,所以排喺同一日行程裡都無問題! 支笏湖曾獲得「全國最清淨之水」美譽,亦都係日本東北嘅不凍湖,即使喺冬天都可以睇到清澈嘅湖泊,大家也亦都可以考慮用觀光船形式遊覽
圖片來源
▶︎建議停留時間:2小時
▶︎JR路線:從JR札幌站至JR千歲站(車程約40分鐘),再轉乘巴士。
# 丸駒溫泉會館如果時間上充裕的話,都可以去埋丸駒溫泉浸溫泉,放鬆一下~由於丸駒溫泉會館位於支笏湖附近,所以浸溫泉個陣仲可以欣賞到白煙籠罩嘅支笏湖
圖片來源
▶︎建議停留時間:1~ 2小時
▶︎溫泉會館有專車可以接駁(支笏湖站旁)。
# 千歲水族館
圖片來源

千歲水族館另一個名係「三文魚故鄉」,唔理係餵食三文魚苗又或者觸摸三文魚卵,喺千歲水族館都可以體驗到,仲可以去最有特色嘅「千歲水中觀察室」睇到完整千歲川底嘅魚群。 小編建議可以將水族館安排喺最後一日,因為離機場很近,睇完三文魚就可以即刻出發去機場!
▶︎建議停留時間:1.5 小時
▶︎JR路線:從JR札幌站至JR千歲站(車程約40分鐘),徒步十分鐘。
(5)【富良野、美瑛】 夏季建議路線:札幌→旭川→薰衣草花田→富田農場→中富良野→富良野→ 美瑛
觀光巴士參考路線:P-2
#富田農場如果係夏季去富良野,喺薰衣草田就可以睇到成片被紫色覆蓋嘅景象,亦都可以喺富田農場欣賞各種花卉,而且北海道夏季嘅正係適合賞花嘅好時節。

▶︎建議停留時間:2小時
▶︎交通方式:JR富野良・美瑛慢車1號。
#青池如果秋天去富良野,就可以去青池欣賞美景,青池嘅湖水顏色係由地下水同溫泉水混合而成,湖水顏色會呈現少許淡藍同淡綠,配上泛紅嘅楓樹,好似去左仙境咁。
小編建議如果係秋季前往就不仿將路線跟薰衣草田調換一下。
▶︎建議停留時間:2小時
▶︎交通方式:搭乘旭川巴士白金線39號前往 or 從美瑛搭乘美瑛白金線42號。
▶︎旭川巴士白金線時刻表
三丶[b]冬季路線:富良野滑雪場地區
如果冬季去富良野,其實可以玩到各種雪上活動 ,滑雪、滑雪板、釣公魚、狗雪橇,甚至係搭熱氣球欣賞雪景,所以唔洗驚冬天去富良野沒得玩!
▶︎交通方式:富良野巴士「薰衣草號」「御料線」10分鐘
▶︎ 富良野冬季行程
▶︎ 富良野巴士「薰衣草號」相關資訊
出發北海道,你會需要:
>>> 日本高速wifi 分享器
>>> 利用JR玩北海道,超好用北海道JR Pass
>>> 專車帶你札幌一日遊
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→