【日本︱冬天必玩】新手專用 - 滑雪懶人包

跟著KKday去旅行 於 20/10/2016 發表 收藏文章
去旅行無非都係想逃離香港嘅生活,咁梗係要做啲香港做唔到嘅野啦!日本天氣已經開始轉涼,代表大家又係時候plan下去滑雪喇~小編就整理左個滑雪懶人包,一齊睇下有咩要注意~
1.雪季幾時開始?
每年雪季開始日期都唔同,大家一定要睇清楚心儀嘅滑雪場雪季開始左未先好出發。不過有啲滑雪場仲未公佈冬季幾時開始,可能要再等下先喇。
另外,第68屆札幌雪祭(68th Sapporo Snow Festival) 會喺2017年2月舉行,除左大通會場同薄野會場有冰雕睇,Tsudome會場仲有冰雪溜滑梯同雪上橡皮艇玩!老少咸宜,好吸引啊! 有興趣嘅可以睇番官網。

>>札幌雪祭
唔好以為滑雪一定要去北海道!北海道機票價錢會令好多人卻步,但係其實買張平機票去關西一樣有得滑雪!而且選擇都唔少,唔想捱貴機票嘅話不妨考慮下。
*雪季營業期有可能會因積雪狀況而變更,建議大家出發前/訂行程前再上官網Check多次。

2.滑雪著咩衫?
✓ 長袖保暖打底衫 → 唔好冷親

✓ 適合運動嘅厚上衣
✓ Leggings/yoga pants/貼身運動褲 → 方便活動
✓ 頸巾 → 阿媽教落,冬天最重要護住條頸!
✓ 滑雪/防水手套 → 咁凍唔戴手套手指會甩嫁!而且仆親都唔使直接掂啲冰~
✓ 冷帽
✓ 厚襪double上
✓ 搽足防曬 → 唔好以為凍就唔怕曬,其實經雪反射嘅陽光先最強!
✓ 滑雪風鏡 → 好多人建議自備會比較衛生,不過小編覺得如果係第一次滑雪其實到時先租都可以
✓ 滑雪外套/長褲/鞋 → 去到先租

仲有一樣小編冬天必備物品 — 暖包就個人決定喇,如果好似小編咁怕凍嘅話,一定要貼多幾個係身!千祈唔好用手拎嘅暖包,因為滑雪嘅時候你唔會有手拎嫁!

3.滑雪場有咩玩?
滑雪場當然有得滑雪(Ski)啦~
你會用到一對滑雪板、專用滑雪鞋同附助嘅雪杖,但係未必間間鋪頭都會包埋雪杖,記得問清楚。
雪板(Snowboard)就好似玩滑板咁,同Ski一樣,都要著雪板專用嘅滑雪鞋。唔知係咪因為無得單獨郁隻腳,所以小編覺得難玩過Ski,唔知你地覺唔覺呢?
雪橇/雪兜好適合小朋友玩,唔需要太多技巧,危險性低,不過如果雪地夠斜,一樣咁刺激!唔係好掌握到點玩Ski同Snowboard嘅大朋友小朋友可以選擇呢樣。
雪場纜車可以將你送上山腰/山頂,方便你由高處滑落黎,其實係滑雪場嘅交通工具。不過對於畏高嘅朋友嚟講,呢架無乜安全設備嘅纜車已經好刺激。

>>北海道滑雪錦囊
>>關東滑雪錦囊
>>關西滑雪錦囊

▲認識KKday▲
KKday-世界旅遊體驗網站,在全球 54個國家,174 個城市, 有 6000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁: www.kkday.com
KKday Facebook: KKday

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→