【日本|九州】福岡人氣必買手信

跟著KKday去旅行 於 12/12/2017 發表 收藏文章

每次嚟到日本咁多嘢買,都唔知點揀?驚求其買又唔好食?KKday幫大家整理好福岡十大必買手信,下次去福岡玩,跟著呢篇blog買包冇錯!
1. 明貝(福太郎)
圖片來源 | 福太郎福岡係出產明太子嘅重要城市,手信當然唔可以少得佢啦!福太郎嘅明貝就係將明太子、魷魚同八爪魚加入仙貝,海鮮嘅鮮味濃縮晒喺入面,一塊又一塊完全食到你停唔到口呀!日本人都好鍾意以明貝搭配啤酒同埋日本清酒一齊食,據講係超級完美嘅組合~順帶一提呢款明貝係博多地區限定商品嚟㗎,買返去做手信就夠晒特別啦!
▶︎有咩味:原味、辣味、蛋黃醬、香蔥、鰹魚、洋蔥
▶︎邊度買:博多車站、福岡機場都可以買得到
▶︎官網:福太郎
2. 博多豚骨生拉麵
圖片來源 | Fotolia唔係嘛,拉麵都有得帶返香港?冇錯,就係得!小編推薦你買包博多豚骨生拉麵返香港,當中最受歡迎嘅係長濱生拉麵。長濱生拉麵係博多拉麵嘅始祖,麵條用嚴選嘅小麥粉製成,雖然係細麵但就好彈牙,而湯底都係用豚骨慢熬,保留咗鮮味嘅同時去除咗腥味,同真係喺博多食拉麵冇咩分別!另外一風堂都有推出限定商品赤丸同白丸口味,亦都係遊客嘅人氣手信~
▶︎邊度買:福岡機場手信店
▶︎官網:Maruhi
3. 八女茶餅乾
圖片來源 | 福岡空港免税店 八女茶餅乾已經連續好幾年蟬聯福岡必買手信前三名,佢嘅口感媲美北海道嘅白色戀人!餅乾中間嘅綠茶夾心係用八女茶融合朱古力製成,拆開包裝已經聞到濃厚嘅茶香再加奶香撲鼻而嚟,食落口感酥脆、餡料飽滿,相當邪惡,因為不知不覺你就會食完一盒,做幾日運動先減得返~
▶︎邊度買:福岡機場伴手禮店(T1、T2都有)
4. 明太子
圖片來源 | Fotolia福岡明月堂嘅西洋和菓子,口感紮實、用料實在,連續好幾年獲獎,實至名歸。佢食落口感有啲似日式甜饅頭,所以都有人叫佢做「博多饅頭」。最熱賣嘅兩款為「博多じまん」、「博多通りまん」 ,博多じまん係紅豆泥包著一大粒白豆,口感香甜;博多通りまん就似豆沙饅頭,奶香味重,兩款口味都好甜,配茶一齊食就最啱!
▶︎邊度買:福岡機場、博多車站
▶︎地址:福岡市博多区博多駅中央街1-1(博多站店,座標:33.590521, 130.421066)
▶︎官網:明月堂分店一覽表
6. 二0加煎餅(東雲堂)
圖片來源 | 東雲堂相信大家睇到二0加煎餅,都會覺得個表情咁奇怪嘅!二0加煎餅因為稀奇古怪嘅造型,第一眼就吸引晒嘅目光,都係一份幾特別嘅手信,而且推出超多種口味,無論係鍾意鹹定甜口味嘅人都咁適合呀~
▶︎邊度買:博多車站、天神新光三越、博多阪急
▶︎地址:福岡市博多区博多駅前中央街1-1 地下1階(博多阪急,座標:33.589670, 130.420413 );福岡市中央区天神2-1-1 地下2階(福岡三越,座標:33.588692, 130.399956)
▶︎官網:東雲堂分店一覽表
7. 博多果樹園草莓草莓
圖片來源 | 博多果樹園福岡除咗盛產明太子之外,同時亦都係好出名嘅士多啤梨勝地,而「博多果樹園草莓草莓」就係用上「博多AMAOU」(博多甘王/甜王)製作嘅知名士多啤梨手信!喺兩片杏仁餅中加入白巧克力同埋帶酸甜口感嘅士多啤梨果乾,微酸嘅滋味同白巧克力的甜好夾,加上爽脆嘅口感,食過番尋味!
小編補充:博多AMAOU(博多甘王/甜王)係福岡縣產嘅高級士多啤梨,而且呢樣係只可以喺福岡機場先買得到嘅「空港限定」手信!
▶︎邊度買:福岡機場Blue sky第二航站出境大廳店
▶︎官網:博多果樹園
8. 小雞蛋糕(吉野堂)
圖片來源 | 吉野堂造型可愛嘅小雞蛋糕,靜係睇就已經好加分,口味有原味同空港限定嘅櫻花口味同甜王草莓費南雪口味。櫻花口味就係加入櫻葉,每年的2月中到4月有得買;而甜王草莓費南雪口味嘅小雞蛋糕淡粉紅色,每年12月到2月中有得買。至於小雞蛋糕嘅口感⋯小編只可以話鐘意甜嘅一定超鍾意食,但如果唔係太鍾意甜野,咁小編就建議你同朋友買一盒一齊試下啦~
▶︎邊度買:福岡機場(櫻花口味同甜王草莓費南雪口味)、原味可以喺各大吉野堂分店買到
▶︎官網:吉野堂分店一覽表
9. Tirolian 點心捲(千島屋)
圖片來源 | 千島屋擁有超過40年歷史嘅千島屋 Tirolian 點心捲,唔只受遊客喜愛,就連好多福岡當地市民都會買嚟當下午茶小點心,用香醇嘅牛奶製成cream打入咖啡、雲呢拿、士多啤梨或者抹茶嘅夾心,濃郁嘅香氣配上甜而不膩嘅餡料,絕對係款經典不敗嘅人氣手信~
▶︎邊度買:博多站或福岡嘅AEON超市都可以買得到
▶︎官網:千島屋
10. 明太子薯條餅乾
圖片來源 | Calbee最後一樣就係小編每次嚟日本一定要買嘅地區限定口味Calbee!福岡地區Calbee有明太子口味,明太子嘅鹹香滋味同薯仔超夾,加上有少少辣,食落好有層次,正!如果想送俾人嘅話會比較建議去機場買大包裝~
▶︎邊度買:福岡機場、九州地區各大土產店
▶︎官網:Calbee
希望以上資料可以幫到大家購買福岡嘅手信,當然每個人口味唔一樣,鍾意嘅嘢都唔同,買嘅時候最重要當然係跟返自己嘅喜好做選擇,就先買得開心㗎嘛!
嚟到福岡仲有咩必備必去?:
【九州租車】自駕超方便,想去邊就去邊,玩轉北九州、南九州!
【美食體驗】做壽司達人!職人教你做出地道日本壽司
【九州交通】北九州、南九州、全九州JR Pass鐵路周遊券
更多福岡攻略:
【日本|九州】福岡交通攻略
【日本|九洲】福岡十大美食推介
去旅行,成日都要搭車又搭船 覺得悶? 點少得本地薑「MOOV」呢?即使喺海外 都可以隨時隨地收聽已下載歌曲,仲集齊哂廣東、華語 、日韓、外語歌等,大部份都係HiFi 無損音樂添!依家仲可享$38/首月(原價$49) 試玩優惠,立即點擊https://goo.gl/cpJ27g ! 帶住MOOV同你環遊世界啦!
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→