【清邁】小編親試 旅行煮泰菜易過借火! Mamanoi廚藝學校cooking class!

跟著KKday去旅行 於 06/10/2016 發表 收藏文章
話說小編早排同班舊同學去左清邁(約左好耐終於約得成yeah),平時喺香港已經玩到無野好玩嘅我地竟然學人上cooking class!作為KKday小編,我當然係自告奮勇幫大家上KKday訂行程啦!今次我地去體驗嘅係:【有機農場學做泰式料理】Mama Noi廚藝學校一日/半日遊

第一站唔係廚房而係街市!
喺煮野食之前導師車我地黎到清邁一個傳統街市參觀。導師首先向我地介紹幾種泰菜經常用到嘅香料例如香茅、青檸、羅勒葉、南薑等,淨係講都聞到陣泰味!

之後導師就放我地四圍行下,圖片入面嘅係乾貨區,一袋袋紅色嘅全部都係辣椒黎!如果你問我泰國街市同香港街市有咩分別,大概就係泰國街市嘅香料檔比較多,同埋叫賣聲無咁大聲。

環境優美,除左煮得開心仲影得開心
好~靚~呀~我…講個景呀!由於cooking class喺上午開始,呢個時間嘅陽光靚到不得了!Mamanoi廚藝學校嘅泰式建築十分特別,再加埋著住靚靚圍裙,記得要影相留念呀!

先逐樣材料介紹,再指導你烹調
Mamanoi廚藝學校有得揀半日班同全日班,半日班就煮三個菜(湯,小炒,咖哩),全日班就多兩個(前菜、甜品),仲有得揀中文班定英文班添!今次我地就揀左半日中文班。
首先導師會派材料畀大家,當然唔係就咁現成一set啦,有啲材料例如蔬菜呀肉呀需要你自己切!調味料嘅份量都係自己決定架~
以上係煮冬蔭功嘅材料!有蕃茄、洋蔥、青檸、蘑菇、蝦、香茅、檸檬葉、椰奶…
調味料係一道菜嘅靈魂!原來除左我地平時用開嘅砂糖、片糖,泰國人會用半固體狀嘅「椰子糖」黎煮野食架!比我地平時食嘅糖更甜,仲有陣椰香添!

真係一人一個爐煮架,導師嘅指示非常清晰,連地獄廚神小編都搞得掂!

任何人都可以享受烹飪嘅樂趣
娘惹咖哩

泰式炒河&冬蔭功湯

只要你係六歲以上,想試下煮野食嘅朋友,都可以參加呢個cooking class架!小編都無諗過自己真係可以成功煮曬三個菜式!真係好有成功感,好好玩!完成之後仲會送返本食譜畀你添~經KKday訂購,當日只需出示我地send畀你嘅email憑證就可以,十分方便!下次去清邁除左做spa記得要黎學泰菜喇~
>>  【有機農場學做泰式料理】Mama Noi廚藝學校一日/半日遊
你或者有興趣:
>>  【泰優惠。泰瘋狂】泰國CP值爆登行程推介
>>  【清邁夜間動物園門票】獨家五折
▲認識KKday▲
KKday-世界旅遊體驗網站,在全球 54個國家,174 個城市, 有 5000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁: www.kkday.com
KKday Facebook: KKday

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→