【澳洲|塔斯曼尼亞】人生必去尋寶小島

跟著KKday去旅行 於 05/10/2016 發表 收藏文章
塔斯曼尼亞位於澳洲嘅最南端,係澳洲唯一嘅島嶼洲,對岸就係墨爾本。

圖片來源:Google Map截圖
唔好睇塔斯曼尼亞島仔細細,佢有成幾千個國家公園……咁又無咁多嘅,其實係19個,不過已經好多嫁喇,塔斯有40%地方都被列為國家公園、自然保護區或者世界自然遺產,真係行到邊都有風景睇,全部都靚到嘩嘩聲。睇埋以下啲相就知小編點解話去塔斯曼尼亞尋寶喇!
圖片來源
圖片來源

位於菲辛那國家公園嘅酒杯灣(Wineglass Bay)就被評為全球十大美麗海灘之一,全世界有咁多個海灘,萬中選一,唔使講都知酒杯灣有幾靚啦。酒杯灣嘅彎度真係好似酒杯口嫁!
圖片來源

仲有不得不提嘅搖籃山陸上通道(Cradle Mountain Overland Track),全程65公里,由搖籃山徒步行到去聖克萊爾湖,要足足六日先行得哂,少啲腳力都唔得。有興趣又有體力嘅你,記得要提早向塔斯曼尼亞公園和野生動物服務處預訂,仔細規劃完先好去啊!自問無咁好精力,都可以揀用一日時間攻頂,居高臨下,景色一覽無遺。
圖片來源

澳洲除左靚景之外,仲有唔少香港無嘅動物,袋鼠、樹熊不在話下,比較少見嘅袋獾同袋熊都可以謀殺大家唔少菲林。
圖片來源

澳洲人稱袋獾為(Tasmania Devil),意思即係塔斯曼尼亞惡魔,佢同狗仔差唔多大,不過就凶殘好多,係有袋類嘅肉食性動物。 
圖片來源

而袋熊Wombat外表就好似豬仔咁,個樣蠢蠢地都幾cute嫁! 袋熊同袋鼠一樣都係有袋草食性動作,相比起袋獾溫和好多,喺塔斯曼尼亞野生捕獲佢地嘅時候都唔使驚。 

無論係瀑布、海崖、沼澤,都可以喺塔斯曼尼亞一次過體驗哂,真係滿足哂你咁多個願望。
如果你想睇好似畫咁靚嘅風景,發掘大自然嘅寶藏,就快啲起程黎塔斯曼尼亞啦!

係澳洲玩無車好唔方便?唔使擔心,KKday幫你地安排好哂喇!


>>【一日玩盡荷巴特三大景點】
>>【塔斯曼尼亞】拜訪里奇蒙小鎮、費爾德山國家公園、羅素瀑布
>>【全球十大美麗海灘之一】酒杯灣、菲辛那國家公園一日遊


▲認識KKday▲
KKday-世界旅遊體驗網站,在全球 54個國家,174 個城市, 有 6000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁: www.kkday.com
KKday Facebook: KKday

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→