【澳門】唔去大三巴! 澳門兩日一夜滿足你感官享受

跟著KKday去旅行 於 07/11/2016 發表 收藏文章
去澳門次次都去大三巴食杏仁餅,你唔悶我都厭啦!所以小編決定同大家推介更特別嘅行程同景點,去得哂先好講澳門無嘢玩!
1. 第63屆澳門格蘭披治大賽車
格蘭披治大賽車個個都一定聽過,但係去過現場睇嘅人就唔多。去澳門就可以現場體驗風馳電掣嘅速度感!
今年仲有個大賣點,就係澳門格蘭披治三級方程式大賽,將會由洲際賽升級為國際賽,高手雲集,諗起都覺得刺激。
嫌看台睇賽事太嘈又多人?可以試下去附近設有觀景台嘅酒店,嘆住咁睇賽事。

舉行日期:2016/11/17-2016/11/20

<至嘆享受,食住buffet睇比賽>
>>【2016澳門格蘭披治大賽車・金麗華酒店觀景台】
2. 澳門百老匯奇幻show
(圖片來源)

唔使去外國,一樣睇到國際級表演!百老匯奇幻show集合歌舞、默劇表演,保證精彩。重點係!!!票價好平,普通入戲院睇場戲都未必止呢個價,抵!睇完表演仲可以去百老匯美食街食晚餐,聽講有米芝蓮餐廳同埋好多澳門本地食店!

地點:澳門百老匯,百老匯舞台

>>呢到買飛


3. 旅遊塔
(圖片來源)
香港夜景享譽國際,不過澳門其實都唔弱。澳門觀光塔位列全球十大觀光塔之一,除左可以行玻璃步道之外,仲有好刺激嘅笨豬跳!未玩過嘅人千祈唔好咁大口氣,挑戰完又無瀨…低啲隨身物品嘅,先好話自己大膽。
同小編一樣唔係好敢挑戰自己嘅,可以喺觀光塔嘅360度旋轉餐廳嘆美酒佳餚,望住個靚夜景,特別有Fu~~~~

>>世界第一高空彈跳
>>塔尖上的美食
4. 威尼斯人
威尼斯人雖然唔係新景點,小編本身都去到有啲悶。不過自從去過真·威尼斯之後,就覺得澳門嘅威尼斯人仿真度真係好高!仲有大大小小鋪頭同賭場,啱哂怕悶嘅香港人。想同另一半過個浪漫假期,又唔想日曬雨淋,小編推薦你地喺威尼斯人坐下船仔,搖下搖下又有船夫即場唱歌,都幾過癮嫁!無長假放都可以試下偽.歐遊,點都浪漫過坐天星小輪啦。

>>威尼斯人貢多拉船票


5.龍環葡韻

(圖片來源)
澳門曾經係葡萄牙殖民地,所以好多地方都有葡式建築,小編覺得最夢幻就係龍環葡韻嘅薄荷綠色建築,好多人都會嚟呢到影結婚相,童話風夠哂靚。龍環葡韻雖然唔算係秘境,不過就肯定無大三巴新馬路咁多人,空氣都清新啲。

地址:澳門氹仔海邊馬路

▲認識KKday▲
KKday-世界旅遊體驗網站,在全球 54個國家,174 個城市, 有 5000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁: www.kkday.com
KKday Facebook: KKday

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→