見過鬼仲唔怕黑?千祈唔好三個人去旅行

跟著KKday去旅行 於 18/11/2016 發表 收藏文章
(圖片來源)
正所謂三個女人一個墟,唔知點解咁啱得咁橋,一大班人入面,多數都係三個三個一堆。平時行街食飯都無乜嘢,一去旅行啲問題就出哂黎,下面嘅情況你又有無試過?
1. 酒店房
大多數酒店房都係雙人房,第三個人入住好多時都要加床。有試過嘅朋友仔都知,後加嘅床通常都係細細張又短啲矮啲咁。如果咁啱你比較細粒,恭喜你!張加床係屬於你嫁喇!!!完全有被孤立嘅感覺。

2.景點活動
(圖片來源)
小編上次同兩個frd一齊去韓國踩鐵路單車,雖然佢唔係淨係得2人座,不過4人座都係要分開兩個一個咁坐,總有一個要坐後面。喂前面嗰兩個,講嘢大聲啲啦我聽唔清楚啊!影相又唔通知聲,都唔知有無影埋我,嬲豬!

3.沖涼
沖涼爭先後都已經唔係大事,最重要係,你哋喺我沖緊涼嗰陣到底傾咗乜?明明聽到你哋大笑,幾想仆出嚟一齊笑,出到嚟又話無嘢喎。雖然我都知你哋有咩八婆嘢都一定會講比我聽,但係都係好煎熬。
4. 搭交通工具
大家都知搭巴士火車都唔一定有三人位,外國景點多數都好遠,個幾鐘車無得一齊坐好悶啊!就算坐前後近啲,又驚騷擾到隔離乘客,係咁擰轉頭又會好易暈車浪,陷入兩難~

5.二人同行優惠
日日都喺facebook見到啲航空公司出二人同行優惠,咁第三個人呢?!!基本就連航空公司都唔鼓勵三人行,放棄啦!!!!
幾多個人去都好,最緊要唔好傷和氣,不過三人行就真係唔好預小編喇。

▲認識KKday▲
KKday-世界旅遊體驗網站,在全球 54個國家,174 個城市, 有 6000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁: www.kkday.com
KKday Facebook: KKday

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→