2017日本賞櫻攻略

跟著KKday去旅行 於 24/02/2017 發表 收藏文章


日本賞櫻係每年必做嘅年度盛事!目前2017日本櫻花開花時間已經陸續公布,為咗避免掃興而歸,出發前一定要確認滿開日期、人氣景點同熱門時段,呢次,KKday貼心整理咗2017日本賞櫻指南,令你可以掌握2017櫻花花期,賞花無難度!
開花時間

每年除咗日本氣象廳之外,各個民間單位亦都會自行預測櫻花初開同滿開時間。依家推算出嘅結果仲係太早,但KKday為咗令大家可以提早搶機票,分享嘅係依照2017預期氣溫推估出嘅粗略預測。值得注意係,預測會隨住日期愈靠近更加準確,出發前記得再確認即時資訊啦!
 
▶︎日本地區嘅開花日、滿花日預測同氣候實際狀況非常相關,屆時呢個預測仲會根據官方數據作調整,喺呢度都會提供2016年日本個別地區嘅櫻花預測比大家參考。

▶︎確認最新資訊:
 
東京必到賞櫻景點
1. 花火名所・隅田川
圖片來源
▶︎櫻花種類:染井吉野櫻、大島櫻、枝垂櫻
去東京絕對唔可以錯過淺草寺,除咗感受下町城市嘅風情、坐上人力車睇風景之外,春天時節仲可以行路去隅田川坐上遊覽船欣賞兩岸櫻花,仲有眺望人氣No.1嘅東京晴空塔。


2. 皇居護城河區・千鳥淵公園(千鳥ヶ淵公園)、北之丸

圖片來源
 
▶︎櫻花種類:染井吉野櫻、大島櫻
想體驗輕舟小船喺河上慢慢漂浮嘅感覺?去千鳥淵公園就係最好嘅選擇!櫻花樹並列兩邊就沿住河流傾瀉而下,簡直就係令人難忘嘅浪漫場景。除咗日間可以畀櫻花緊緊包圍之外,入黑後嘅千鳥淵公園亦都係別有一番風味,透過燈光嘅投射,一團團花叢就好似白雪咁,層層疊疊,都係值得一睇嘅靚景。另外,位於皇居外苑嘅北之丸公園,園內有300多棵以上嘅櫻花,賞櫻愛好者千其唔好錯過,快啲過黎等櫻花將你包圍!

3. 東京鐵塔絕佳視野・增上寺、芝公園

圖片來源
▶︎櫻花種類:里櫻、枝垂櫻、染井吉野櫻
每年跨年必去景點之一「增上寺」,新年嘅零時起會敲響108下鐘聲,為祈求平安一年。另一方面,寺院後方就係東京鐵塔,鐘聲搭配鐵塔點燈,係老東京嘅必到行程。天氣和暖入春,櫻花綻放,配上寺院以及東京鐵塔,都必定係經典賞櫻場所。
4. 靖國神社

圖片來源
▶︎櫻花種類:染井吉野櫻(約600多棵)
 靖國神社裡面有一棵畀日本氣象局指定為「開花基準樹」嘅櫻花樹,當佢開五~六朵花時,就係預告東京櫻花即將盛開。所以建議可以喺開花宣言後嘅五~六日去東京,就應該會啱啱好欣賞到滿城怒放嘅櫻花盛典。喺靖國神社仲可以選擇賞夜櫻,櫻花樹下會有一排嘅屋台,熱鬧程度絕對唔輸台灣夜市,品嚐美食之餘同時間有櫻花相伴一定係人生一大樂事。

5. 日劇「跟我說愛我」(愛していると言ってくれ)・井之頭恩賜公園

圖片來源
先呼喚一下大家嘅記憶,仲記唔記得有套日劇叫「跟我說愛我」呢?呢部經典日劇拍攝地點幾乎都係呢個公園同周邊。想回味返劇中每個場景,不妨黎呢到搵搵!
 ▶︎櫻花種類:染井吉野櫻、山櫻等約400-500多棵
 除咗「跟我說愛我」,近期啲嘅日劇「Last Friends」、「我不能戀愛的理由」都喺呢度取景。當然,井之頭公園都係東京賞櫻熱點。大正2年成立嘅井之頭恩賜公園,亦已經隨住2017年邁入開園100週年,去東京記得去行下呀!另外,行完公園之後,都千祈唔好錯過動畫大師宮崎駿嘅夢幻城堡「三鷹之森吉卜力美術館」,快啲去美術館探訪豆豆龍及龍貓公車啦!
 6.貓咪帶你去賞花・上野恩賜公園
[/b]

圖片來源
▶︎櫻花種類:染井吉野櫻、山櫻、寒緋櫻等約1000多棵(包括上野動物園入面)
總面積夠寬闊嘅上野公園係東京都嘅出名賞花景點。由寬永年間(1624~44)至依家,上野公園嘅賞花歷史悠久。一到櫻花綻放嘅時期,園內就會人潮爆滿,簡直係東京賞櫻一級戰區!如果想避開人群,慢慢賞櫻,就唯有8:00以前去到(甚至要再早啲)!
京都必去賞櫻景點
1.京都代名詞ー清水寺

圖片來源
▶︎開放時間:6:00~18:00
提起京都大家會第一時間諗起咩?無錯,就係擁有百年歷史嘅「清水寺」,除咗出名在於神社建築外,加上周邊有好多必到景點,令清水寺成為京都必去嘅人氣景點。
 2.用眼睛寫詩ー哲學之道
[/b]

圖片來源
▶︎開放時間:隨時
走到櫻花飄散嘅哲學之道,心裡面就會不自覺咁吟下詩,做下文青。因為有櫻花,好似一切都變得浪漫兼帶啲詩意。哲學之道除咗係京都最適合散步嘅地方之外,都係當地著名嘅賞櫻景點。因為昔日哲學家西田幾多郎,成日黎呢到散步、思考,所以畀後人稱為「哲學之道」鐘意櫻花嘅你們一定唔可以錯過呀!
 3.京都經典風景ー嵐山

圖片來源
▶︎開放期間:隨時
 提起嵐山大家一定唔會陌生,無論係賞楓定賞櫻,嵐山一定榜上有名!由於嵐山周邊有好多出名嘅觀光景點,每年到咗賞櫻時節就會吸引大批遊客。關於嵐山周邊景點,小編相信大家一定好熟悉,所以就唔多講,要同大家分享嘅係,絕對唔可以錯過每年喺中之島公園舉行嘅枝垂櫻夜間點燈!比起日間,入黑後嘅嵐山多咗一份神秘感,再加上櫻花柔美作陪襯,會有種時空錯亂嘅浪漫感覺!
 
4.華麗櫻花盛開ー醍醐寺
圖片來源
▶︎開放時間:9:00~17:00
位於京都伏見地區嘅「醍醐寺」唔單止係世界文化遺產,亦都係日本櫻花百選名所之一!百選名所係日本財團法人櫻之會喺日本全國揀選嘅100個賞櫻名所。醍醐寺最為人所稱道莫過於「枝垂櫻」特徵細長而向下垂放,隨風飄盪,堪稱櫻花中最優雅嘅舞者。如果無時間去其他地方賞櫻嘅朋友,小編建議你就先衝黎呢到,感受一下櫻花灌頂嘅魔力!
 
5.最後饗宴ー仁和寺

圖片來源
▶︎開放時間:9:00~17:00
由於昔日好多皇子皇女喺度落髮出家,所以仁和寺又尊稱為「御室御所」。寺裡面嘅櫻花自然地冠上「御室櫻」嘅稱號。御室櫻出名遲開,開花期平均遲過其他地區一個禮拜至十日,所以有人又叫呢度做「京都最後のお花見」(京都最後一場花見)所謂嘅大器晚成,應該就係講仁和寺;係盛開時期,御室櫻會由樹枝頭開到樹枝尾,好似成個天空都畀櫻花簇擁住,佢茂密嘅程度令人驚嘆。如果喺其他地方見唔到櫻花嘅朋友,不防黎仁和寺撞下彩喎!

6.平安貴族嘅浪漫ー岡崎櫻迴廊十石舟遊河

圖片來源
如果你覺得每次賞櫻都係散步行程好悶,咁小編推薦你「岡崎櫻迴廊十石舟遊河」搭京都地鐵喺「蹴上駅」落車,徒步五分鐘左右就可以睇到岡崎十石舟嘅上船位。你可以坐喺船上面欣賞住岸邊好靚嘅櫻花;加上水聲流動嘅聲音,望住花瓣落入水嘅姿態,呢到一定係專屬京都人嘅浪漫。
7.昔日風雅再現ー平安神宮

圖片來源
▶︎開放時間:8:30~17:30
▶︎注意:進入神苑裡面禁止以腳架拍攝
平安神宮都係賞櫻勝地之一,除咗入口處標誌性嘅鮮紅色鳥居外,你仲可以進入正殿後方嘅「神苑」參觀,欣賞日本明治、大正時期嘅庭園傑作。被粉色櫻花裝飾過後嘅庭園景真係靚到絕頂,臨水嘅櫻枝微微向下彎,就好似古典美人咁。另外,平安神宮嘅賞夜櫻稱為「紅しだれコンサート」(紅枝垂櫻音樂會)喺呢段期間,除咗開放南神苑觀賞夜櫻之外,仲會喺東神苑裡舉辦音樂會。伴隨住悠揚嘅音樂,畀燈光照耀嘅夜櫻倒映喺湖邊望落去更令人難忘;一場融合視覺同聽覺嘅饗宴,好似夢境嘅夜晚,你仲等啲咩呢?
8.古色古香ー祇園白川

圖片來源
▶︎開放期間:隨時
祗園係京都嘅藝妓區,亦可以話京都最具代表性嘅經典之一。日間,祗園環境幽靜;華燈初上嘅時候,祗園先真正開始有生氣。每年櫻花盛開嘅時節,到咗夜晚,沿住白川一盞盞燈火點起微弱嘅光線,你可以選擇喺其中一邊欣賞住沿岸美麗嘅櫻花樹漫步,一邊感受京都古色古香氣息。或者喺下一個轉角,你會遇到藝妓。
 KKday話你知:〖去日本賞櫻你必須要先準備〗
▶︎上網卡:日本8天無線上網EZ Nippon日本通上網Sim卡
▶︎著和服賞櫻:東京淺草和服漫步京都清水寺和服+人力車體驗

▲認識KKday▲
KKday-世界旅遊體驗網站,在全球 54個國家,174 個城市, 有 6000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁: www.kkday.com/zh-hk
KKday Facebook: KKday

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→