上集：LINK
繼續遊走馬來西亞檳城的George Town，睇下有咩特色景點！
姓氏橋（姓周橋 Chew Jetty）
George Town的海邊有幾條水上村落，是當地最早的華人水上村落。以前中國華人黎到檳城生活，就在港口搭起橋板，然後在上面起屋。當時的華人大多是同鄉同姓聚在一起，所以村落都按姓氏而分，以前有9座，不過因老化同受海水腐蝕損壞，而家淨低7座，分別係姓周、姓李、姓陳、姓王、姓林、姓楊同一條雜姓橋，在2008年全數被列入世界遺產，受到保護。
今次我就去左其中一條橋－姓周橋，這是規模最大的姓氏橋，也是比較熱鬧的一條。現在仍然有些人住在姓氏橋，大多時老人家，也多數是前舖後居的形式，所以大家遊覽時也要記得不要太吵鬧，不要對當地居民造成滋擾。
而家姓周橋大多是賣紀念品和小食的店，其實都幾商業化，不過睇睇水上屋的建築都有趣的。屋下面都是海水，不懂游水的我間中會幻想如果行行下木板斷了......
走到橋的盡頭就是海啦。似乎可以搭船去其他碼頭。姓周橋上的屋都有相當歷史，是很古老的感覺，但海對岸是一些現代化的建築物，感覺有點奇怪，不過海景是不錯的啦。
姓氏橋是一字排開的，去完一條可以過隔離就另外一條，每一條橋都有不同的歷史故事，大家隨意走走。
地址：Pengkalan Weld, George Town, Penang
City Hall + Town Hall
馬來西亞曾經被英國殖民政府統治過，所以George Town都留下了一些英式建築。其中兩座英式風格的建築物City Hall和Town Hall相鄰，黃白色的是Town Hall，用來舉辦大型活動和給社區居民聚集之用，白色的是City Hall，主要是政府辦公室。兩座維多利亞式建築都有過百年歷史，有古典味又帶歐陸風情，建築物前是一大片草地，很近海邊，是不少新人拍攝婚照的地方。但要注意這兩座建築物是不開放參觀的。如果對英式建築有興趣，仲可以去維多行亞街，而家成為銀行商業地帶。
地址：Jalan Padang Kota Lama, George Town, Penang
Love Lane
George Town有條巷叫Love Lane，覺得個名好浪漫所以我就去左逛逛。點解會叫Love Lane呢？原來係因為以前呢度係住左好多二奶的巷，所以當地人又叫佢做二奶巷......喂成件事即刻好唔浪漫呀！！！嬲呀。但而家Love Lane已經變成backpacker的聚集地，因為有好多好多青年旅舍，仲有好多bar，所以夜晚就會好熱鬧，但下晝基本上冇咩睇，最多只係見到有人好悠閒在青年旅舍的Cafe飲野發呆，氣氛相當寧靜。不過我都好鍾意呢度的建築，雖然都係成個George Town數之不盡的舊式兩層屋仔，不過每間設計都唔同架麻，我真係覺得間間都好特別好靚，每一間都係一件藝術品，Love Lane又靜，所以可以逐間慢慢睇，係度影左好多相。
地址：Love Lane, George Town, Penang
Street Art
除左古蹟，George Town仲有一樣特別的，就係好多街頭壁畫。呢個要大家去尋寶慢慢搵佢地出黎，不過成日行行下都會突然出現。有d仲唔只係一幅畫，而係畫旁邊仲會放一樣野令到成幅畫更生動，例如最受遊客注目，要排隊先影到相的兩個踩單車小朋友壁畫，下面真係放左架真單車，令到幅壁畫更有活力。單車小朋友附近又有個爬牆小朋友，下面又有張真的小木櫈，令個小朋友好似真係企上張櫈度爬牆，好可愛。壁畫周圍都有，好難講確實位置，但單車小朋友就在Lebuh Armenian，呢條街有好多壁畫。
而除左油漆的畫外，George Town仲有唔少鑄鐵壁畫，反映出一些檳城文化、歷史同生活面貌。
檳城當然唔只咁少景點啦，仲有下篇會講下歷史古蹟以外的檳城好玩景點！
乘坐Malindo Air 馬印航空，由香港飛檳城（經吉隆坡轉機）來回只需$970起！
詳情：http://www.malindoair.com/hk/
特別嗚謝：檳城旅遊局
繼續遊走馬來西亞檳城的George Town，睇下有咩特色景點！
姓氏橋（姓周橋 Chew Jetty）
George Town的海邊有幾條水上村落，是當地最早的華人水上村落。以前中國華人黎到檳城生活，就在港口搭起橋板，然後在上面起屋。當時的華人大多是同鄉同姓聚在一起，所以村落都按姓氏而分，以前有9座，不過因老化同受海水腐蝕損壞，而家淨低7座，分別係姓周、姓李、姓陳、姓王、姓林、姓楊同一條雜姓橋，在2008年全數被列入世界遺產，受到保護。
今次我就去左其中一條橋－姓周橋，這是規模最大的姓氏橋，也是比較熱鬧的一條。現在仍然有些人住在姓氏橋，大多時老人家，也多數是前舖後居的形式，所以大家遊覽時也要記得不要太吵鬧，不要對當地居民造成滋擾。
而家姓周橋大多是賣紀念品和小食的店，其實都幾商業化，不過睇睇水上屋的建築都有趣的。屋下面都是海水，不懂游水的我間中會幻想如果行行下木板斷了......
走到橋的盡頭就是海啦。似乎可以搭船去其他碼頭。姓周橋上的屋都有相當歷史，是很古老的感覺，但海對岸是一些現代化的建築物，感覺有點奇怪，不過海景是不錯的啦。
姓氏橋是一字排開的，去完一條可以過隔離就另外一條，每一條橋都有不同的歷史故事，大家隨意走走。
地址：Pengkalan Weld, George Town, Penang
City Hall + Town Hall
馬來西亞曾經被英國殖民政府統治過，所以George Town都留下了一些英式建築。其中兩座英式風格的建築物City Hall和Town Hall相鄰，黃白色的是Town Hall，用來舉辦大型活動和給社區居民聚集之用，白色的是City Hall，主要是政府辦公室。兩座維多利亞式建築都有過百年歷史，有古典味又帶歐陸風情，建築物前是一大片草地，很近海邊，是不少新人拍攝婚照的地方。但要注意這兩座建築物是不開放參觀的。如果對英式建築有興趣，仲可以去維多行亞街，而家成為銀行商業地帶。
地址：Jalan Padang Kota Lama, George Town, Penang
Love Lane
George Town有條巷叫Love Lane，覺得個名好浪漫所以我就去左逛逛。點解會叫Love Lane呢？原來係因為以前呢度係住左好多二奶的巷，所以當地人又叫佢做二奶巷......喂成件事即刻好唔浪漫呀！！！嬲呀。但而家Love Lane已經變成backpacker的聚集地，因為有好多好多青年旅舍，仲有好多bar，所以夜晚就會好熱鬧，但下晝基本上冇咩睇，最多只係見到有人好悠閒在青年旅舍的Cafe飲野發呆，氣氛相當寧靜。不過我都好鍾意呢度的建築，雖然都係成個George Town數之不盡的舊式兩層屋仔，不過每間設計都唔同架麻，我真係覺得間間都好特別好靚，每一間都係一件藝術品，Love Lane又靜，所以可以逐間慢慢睇，係度影左好多相。
地址：Love Lane, George Town, Penang
Street Art
除左古蹟，George Town仲有一樣特別的，就係好多街頭壁畫。呢個要大家去尋寶慢慢搵佢地出黎，不過成日行行下都會突然出現。有d仲唔只係一幅畫，而係畫旁邊仲會放一樣野令到成幅畫更生動，例如最受遊客注目，要排隊先影到相的兩個踩單車小朋友壁畫，下面真係放左架真單車，令到幅壁畫更有活力。單車小朋友附近又有個爬牆小朋友，下面又有張真的小木櫈，令個小朋友好似真係企上張櫈度爬牆，好可愛。壁畫周圍都有，好難講確實位置，但單車小朋友就在Lebuh Armenian，呢條街有好多壁畫。
而除左油漆的畫外，George Town仲有唔少鑄鐵壁畫，反映出一些檳城文化、歷史同生活面貌。
檳城當然唔只咁少景點啦，仲有下篇會講下歷史古蹟以外的檳城好玩景點！
乘坐Malindo Air 馬印航空，由香港飛檳城（經吉隆坡轉機）來回只需$970起！
詳情：http://www.malindoair.com/hk/
特別嗚謝：檳城旅遊局
請按此登錄後留言。未成為會員? 立即註冊