台灣有好多適合親子遊的農場，環境優美，又有得意動物，其中唔少都可以近距離接觸，例如同佢地影相或者餵食，大人小朋友都會玩得開心！鍾意睇動物的一定要去花蓮的新光兆豐休閒農場，因為呢度有幾種唔常見但勁趣緻的小動物！
兆豐農場好大，佔地726公頃，入口可以租單車、電動車或者行去搭小火車，我就揀左單車遊園啦，農場d路好好踩，路線規劃得不錯，而且周圍都係花花草草，成個氣氛好悠閒寫意。
小動物劃分左唔同園區，我最鍾意係浣熊區，有10幾隻超活潑浣熊排排企，等你餵食，你可以拋d糧俾佢地，佢地會抓黎食，超級超級得意呀！！其中一隻叫拜託哥，因為你叫拜託，佢就會兩隻手合十上下郁動，好似做拜託的手勢，非常有趣！最後個張相就係拜託哥啦！
另一種有趣動物係唔常見的樹懶，我第一次見，仲可以超近距離接觸！！！兆豐農場有3隻樹懶，佢地係一家人，爸媽來自南美，早年生左個仔，佢初三出世所以就改名為初三。坦白講佢地個樣非常古怪，唔係可愛個種動物，但個樣都幾好笑，對眼好大，仲大，同佢地好近地對望會不知所措，哈哈。佢地會倒吊在樹上或鐵欄訓覺，食蘿蔔同菜，遊客可以餵佢地。自從卡通片《優獸大都會》（Zootopia）播出之後，好多人都覺得電影裡的樹懶阿閃好好笑，所以多左好多人黎兆豐農場睇樹懶。現實中的樹懶動作都係好慢好慢，每一下只係移動好少，餵食者要俾耐性。
兆豐農場仲有幾隻超級大象龜，其中一隻最大的已經40幾歲，最多可以活到200幾歲架。佢大概係一個呼拉圈的size，即係好大，重量接近100公斤，誇張！幾隻象龜在草地自由行走，遊客都可以好近摸下佢地。
仲可以同兩隻鸚鵡影相，一隻紅色，一隻黃色，佢地個爪勁硬！每日有兩個影相時段，入場時拎個地圖時間表先。
農場仲有其他動物架，例如雀烏、鹿、袋鼠、牛等等，大家自己發掘啦～另外仲有花園、湖泊、溫泉、住宿等區域，玩足大半日都冇問題。
除左去農場，出海睇海豚都係花蓮的親親動物好節目。今次參加鯨世界賞鯨公司的船隊，在花蓮港出發，駛出太平洋，據說見到海豚的機會率達95%。有時仲會見到巨型鯨魚！花蓮適合賞海豚及鯨魚的月份是4-10月，但其他月份只要天氣情況許可，都會有船出海。為安全著想，登船時要著救生衣。
航程中導遊會講解海洋知識和介紹海豚種類及習性，花蓮外海可以見到的鯨魚和海豚種類達27種，每次都有機會見到不同種類的。船駛到海豚經常出沒的海域，船上會有專人搜尋有海豚的位置，出現的時候就會開咪話俾大家知，大家都唔會錯過見到海豚的機會。我都見到啦！！！每次都見到幾條海豚一齊跳出海面，上黎一下又落返海，見到好多次！今次係第一次見到野生的海豚，平時都係水族館同海洋公園見到，野生海豚當然係活潑好多啦。導遊話有時海豚會跟住架船游水，可以近距離見到，但今次就冇啦，都係比較遠距離。
除左睇海豚，出海仲可以見到花蓮的著名山水景點，例如太魯閣、清水斷崖、七星潭等等，導遊會一直介紹，景色非常唔錯。
鯨世界每日有5班船出海賞海豚，每節大約兩個鐘，成人票價台幣$1000，約港幣$250，上網提早預約有優惠價。提供免費市區飯店、機場、火車站接送服務。另外推介去碼頭隔離的中日和海鮮餐廳，好多新鮮海鮮，好好味！落船之後食返餐好就最岩！
新光兆豐休閒農場
地址：台灣花蓮縣鳳林鎮永福街20號
開放時間：每日08:00-17:00
入場費：成人每位台幣$350，約港幣$88
網址：http://www.skcf.com.tw/
鯨世界賞鯨公司地址：台灣花蓮市中美路315之1號
船票：成人每位台幣$1000，約港幣$250（官網提早預訂有折）
網址：http://www.huadong.com.tw/
香港快運開通來回香港至花蓮直航航班，一個鐘40分鐘就去到花蓮，係香港唯一直航，票價仲經常有優惠，非常推介！詳情：http://www.hkexpress.com
特別鳴謝：香港快運、花蓮縣政府
其他花蓮景點：
[花蓮景點] 台灣後花園 人情味濃厚的慢活小世界 花蓮景點一覽（上）
[花蓮景點] 台灣後花園 人情味濃厚的慢活小世界 花蓮景點一覽（下）
兆豐農場好大，佔地726公頃，入口可以租單車、電動車或者行去搭小火車，我就揀左單車遊園啦，農場d路好好踩，路線規劃得不錯，而且周圍都係花花草草，成個氣氛好悠閒寫意。
小動物劃分左唔同園區，我最鍾意係浣熊區，有10幾隻超活潑浣熊排排企，等你餵食，你可以拋d糧俾佢地，佢地會抓黎食，超級超級得意呀！！其中一隻叫拜託哥，因為你叫拜託，佢就會兩隻手合十上下郁動，好似做拜託的手勢，非常有趣！最後個張相就係拜託哥啦！
另一種有趣動物係唔常見的樹懶，我第一次見，仲可以超近距離接觸！！！兆豐農場有3隻樹懶，佢地係一家人，爸媽來自南美，早年生左個仔，佢初三出世所以就改名為初三。坦白講佢地個樣非常古怪，唔係可愛個種動物，但個樣都幾好笑，對眼好大，仲大，同佢地好近地對望會不知所措，哈哈。佢地會倒吊在樹上或鐵欄訓覺，食蘿蔔同菜，遊客可以餵佢地。自從卡通片《優獸大都會》（Zootopia）播出之後，好多人都覺得電影裡的樹懶阿閃好好笑，所以多左好多人黎兆豐農場睇樹懶。現實中的樹懶動作都係好慢好慢，每一下只係移動好少，餵食者要俾耐性。
兆豐農場仲有幾隻超級大象龜，其中一隻最大的已經40幾歲，最多可以活到200幾歲架。佢大概係一個呼拉圈的size，即係好大，重量接近100公斤，誇張！幾隻象龜在草地自由行走，遊客都可以好近摸下佢地。
仲可以同兩隻鸚鵡影相，一隻紅色，一隻黃色，佢地個爪勁硬！每日有兩個影相時段，入場時拎個地圖時間表先。
農場仲有其他動物架，例如雀烏、鹿、袋鼠、牛等等，大家自己發掘啦～另外仲有花園、湖泊、溫泉、住宿等區域，玩足大半日都冇問題。
除左去農場，出海睇海豚都係花蓮的親親動物好節目。今次參加鯨世界賞鯨公司的船隊，在花蓮港出發，駛出太平洋，據說見到海豚的機會率達95%。有時仲會見到巨型鯨魚！花蓮適合賞海豚及鯨魚的月份是4-10月，但其他月份只要天氣情況許可，都會有船出海。為安全著想，登船時要著救生衣。
航程中導遊會講解海洋知識和介紹海豚種類及習性，花蓮外海可以見到的鯨魚和海豚種類達27種，每次都有機會見到不同種類的。船駛到海豚經常出沒的海域，船上會有專人搜尋有海豚的位置，出現的時候就會開咪話俾大家知，大家都唔會錯過見到海豚的機會。我都見到啦！！！每次都見到幾條海豚一齊跳出海面，上黎一下又落返海，見到好多次！今次係第一次見到野生的海豚，平時都係水族館同海洋公園見到，野生海豚當然係活潑好多啦。導遊話有時海豚會跟住架船游水，可以近距離見到，但今次就冇啦，都係比較遠距離。
除左睇海豚，出海仲可以見到花蓮的著名山水景點，例如太魯閣、清水斷崖、七星潭等等，導遊會一直介紹，景色非常唔錯。
鯨世界每日有5班船出海賞海豚，每節大約兩個鐘，成人票價台幣$1000，約港幣$250，上網提早預約有優惠價。提供免費市區飯店、機場、火車站接送服務。另外推介去碼頭隔離的中日和海鮮餐廳，好多新鮮海鮮，好好味！落船之後食返餐好就最岩！
新光兆豐休閒農場
地址：台灣花蓮縣鳳林鎮永福街20號
開放時間：每日08:00-17:00
入場費：成人每位台幣$350，約港幣$88
網址：http://www.skcf.com.tw/
鯨世界賞鯨公司地址：台灣花蓮市中美路315之1號
船票：成人每位台幣$1000，約港幣$250（官網提早預訂有折）
網址：http://www.huadong.com.tw/
香港快運開通來回香港至花蓮直航航班，一個鐘40分鐘就去到花蓮，係香港唯一直航，票價仲經常有優惠，非常推介！詳情：http://www.hkexpress.com
特別鳴謝：香港快運、花蓮縣政府
其他花蓮景點：
[花蓮景點] 台灣後花園 人情味濃厚的慢活小世界 花蓮景點一覽（上）
[花蓮景點] 台灣後花園 人情味濃厚的慢活小世界 花蓮景點一覽（下）
請按此登錄後留言。未成為會員? 立即註冊