[關島購物] 免稅世界購物大作戰 特色手信買不停

少女旅行日記 於 30/09/2014 發表 收藏文章
成日覺得主打陽光與海灘的地方通常冇街行、冇咩好買,但關島係一個例外。首先關島係免購物稅的,已經慳左唔少。其次作為美國屬地,好多大家熟悉的美國品牌都會比香港平。島上大概有7-8個大型shopping mall,鍾意購物的應該可以消磨好耐。至於我呢,一黎唔買名牌;二黎風格傾向韓風多於歐美風,所以在關島多數只逛不買。但,我好鍾意睇手信同地道紀念品,所以反而在買零食與手信的舖滿載而歸。

Guam Premier Outlets (GPO)

島上唯一的outlet,約有30個品牌,較為大家熟悉的有Nine West、Nike、Levis、 Guess同 Tommy Hilfiger等。特別介紹有Ross,入面賣好多不同牌子的衫褲鞋襪、仲有家品、玩具、電器等等,的確好多野賣,衫好多都擺得好亂,要花時間慢慢搵,而且都係成個outlet排隊俾錢排得最耐的!至於整體黎講大部份品牌價錢都幾平,因為係過季款式,本身已經係比原價平,仲經常會有折上折,買兩件再半價之類的,所以都幾容易搵到抵買的東西!至於款式,老實說不要有太大期望,但耐心搵還是會搵到心頭好。像我一樣只是想隨便逛逛睇下有冇緣搵到好東西的話,一個鐘左右就會行完。購物狂的話3個鐘都應該差不多可以行完。而我覺得最好的是GPO完全唔似本地outlet甘迫,沒有人頭湧湧的情況,氣氛超悠閒的,連試身都唔駛點排隊!另外outlet仲有food court,幾多野食架!

地址:199 Chalan San Antonio, Suite 200, Tamuning, Guam 96913
營業時間:星期一至六 10am~9pm 及 星期日 10am~8pm










Agana Shopping Center

呢個算係比較冷門的商場,我見網上關於呢個商場都介紹都不多,可能因為唔係屬於遊客區。而我主要想介紹的其實都只係其中一間舖,就係SM Store。呢間店好多好多衫賣!!!在關島行左幾個商場都買唔到岩的衫,因為美國風的衫真的比較成熟,款式又好簡單好簡單,簡單到根本就冇咩特別。但SM Store賣的衫比較young,又平喎,我最後成功買到兩件,每件都係US$20,埋單先港幣$300!!佢主打的衫係花花系列,有超過一半都係碎花款,超級夏天的!!另外都會有適合OL返工的斯文款,又有鞋、泳衣、內衣等。另一邊仲有手信同零食賣,淨係呢間SM Store我已經消磨左個幾鐘了!但除左SM Store,個商場都賀係冇咩其他野行架喇,仲有點屋村商場的感覺添(所以好地道哈哈)......有supermarket囉,你岩唔岩?

地址:302 South Route 4 O'Brien Drive, Hagatna, Guam 96932
營業時間:星期一至六 10am~8pm及 星期日 10am~6pm




ABC Stores

我大部份手信都係購自ABC Store的,零食同紀念品都幾齊全,而且梗有一間係你附近,上面講的GPO都有一間,好方便
!必買的手信如下:



椰子味百力滋,而且係巨型版。一盒有10幾包,每包2枝。一枝大概有20cm長,好大枝好搞笑。US$15.49,好貴,但好食,椰子味幾濃幾香!!誠意推介。



菠蘿味百力滋,呢隻係迷你版,我發現關島冇正常size的百力滋,一係好大一係好細。一盒US$3.5,都係貴,味道我就覺得普通,好淡的菠蘿味。隔離隻咖啡味我冇買啊~


Tabasco朱古力,我冇買啊,不過同事話都幾好食!另外呢邊買Godavia好平的,據說係香港的6~7折,我都有買。



至於關島獨有的紀念品呢,前排宣佈原來佢唔係貓而係一個少女的Hello Kitty都係個好選擇!因為關島的Hello Kitty與別不同,大家都知關島sell陽光與海灘,呢邊陽光猛烈,連Hello Kitty都曬到黑蚊蚊,好得意!!佢地著既衫仲好度假風,真係好代表到關島呢!精品有多款選擇,價錢都合理的。



佢地係關島的守護神,每個都代表唔同的祝福,例如健康、愛、智慧、幸運等,有唔同size,細細隻的US$5,做手信都幾特別架!

K-mart

最大賣點係24小時營業。太早落機同夜媽媽冇地方去都可以去買到夠!呢度簡直係一個生活雜貨大賣場,好多野買!!食品、飲品、衫、化妝品、玩具、文具、家具、紀念品、裝飾品等等。但如果問賣既野係咪好特別呢,又唔係......所以我都只係買左少少野食就收手啦!丫,入面有間食pizza的餐廳,幾好食架。

地址:404 North Marine Drive, Tamuning, Guam













標籤: 關島  購物  手信  

留言


請按此登錄後留言。未成為會員? 立即註冊
    快捷鍵:←
    快捷鍵:→