[首爾景點] 跟住KLOOK去旅行 首爾近郊浪漫一日遊 小瑞士村 X 香草島樂園

少女旅行日記 於 15/08/2016 發表 收藏文章
好多人都覺得首爾淨係行街買野,其實唔係架!離開首爾市中心的近郊地區有好多有特色的景點,當中唔少都係著名韓劇同綜藝節目的拍攝地,韓迷一定會好有親切感!今次就參加左由KLOOK贊助的首爾近郊一日遊,一日去左兩個位於京畿道的景點,包括小瑞士村同香草島樂園,等我介紹下啦!


大約中午時份司機就係東大門接我地,先車我地去食左個好地道的韓式午餐,個好好味!之就出發去小瑞士村。位於京畿道的小瑞士村,係綜藝節目「我們結婚了-世界版」的主要拍攝場地,仲有「Running Man」同金秀賢X孔孝真個套「製作人」都曾經係度取景。我去個日都見到有攝製隊唔知拍緊廣告定韓劇。


小瑞士村係個好童話的地方,聚集左好多七彩繽紛歐洲風格的小屋,其中有幾間係唔同主題的博物館,有聖誕、酒、熊等等做主題,可以入去參觀,不過就唔好太大期望喇,都係屋外面比較靚。而有幾間屋真係有人住緊架,唔開放參觀,大家都要安靜一點點,如果你有錢都可以係度買一間童話屋!!

呢度周圍個風景係幾似瑞士,因為俾群山包圍,個核心外圍環境超舒適,黎散散步心情舒暢。而個核心內圍,即係屋仔個部份更似德國的羅騰堡,係個夢幻童話小鎮,好岩少女們黎影相!可惜我去個日落雨,如果天氣好浪漫程度會大增呀。


下一站係香草島樂園,一個以香草做主題的地方。佢有全韓國最大的室內植物園,擁有180多種香草植物,鍾意花花草草綠色世界的會好開心。其實香草島樂園最大賣點係夜晚的燈飾!樂園設計走歐陸小鎮風,加埋遍佈四周的閃亮燈飾都幾夢幻幾浪漫幾sweet架!你地最鍾意的「Running Man」都黎過取景,仲有好多韓劇都係度拍,其中一套係由蘇志燮同申敏兒主演的「Oh My Venus」。諗諗下呢個行程都幾岩情侶,兩個景點都係浪漫風,係咪好想同你既oppa黎呢?


小瑞士村同香草島樂園都離首爾市中心幾遠,要兩個幾鐘車程,如果自己搭車都幾麻煩,所以參加一日團係好好既選擇,全日有司機接送又包曬景點入場門券,完全唔駛自己plan,又唔駛搵點搭車,好方便。今次參加KLOOK一日團好開心,遇上好nice的司機兼導遊oppa,佢係韓國華僑,識講普通話同韓文。於是我叫佢教我講傻仔既韓文,學識之後我講左成程車,不停自己加oppa、onni、阿豬媽、阿渣si係傻仔後面,佢笑到癲左......

KLOOK有亞洲地區多國的一日團、景點門券、包車服務同有趣體驗,plan行程個時可以去睇下有咩特別地方玩拎下靈感。有時唔想自己花時間計劃太多,參加一日團就岩曬,大家可以根據想去的地方或者主題尋找合適的一日團,輕輕鬆鬆一次過玩曬想去的地方!有興趣睇下各地的精選活動,請睇:LINK

今次呢個小瑞士及香草島樂園-韓劇取景地浪漫一日遊詳情:LINK

小瑞士村
地址:京畿道加平郡雪岳面多樂齋路226-57
開放時間:星期一至日 11:00-18:00
入場費:成人10000 won (約港幣$70)

香草島樂園
地址:京畿道抱川市新北面三政里517-2
開放時間:平日10:00-21:00;星期六及國定假日10:00-23:00
入場費:成人6000 won (約港幣$42)

留言


請按此登錄後留言。未成為會員? 立即註冊
    快捷鍵:←
    快捷鍵:→