[香港] 文字藝術師 Plus One Calligraphy

少女旅行日記 於 18/07/2016 發表 收藏文章
最近hit爆既modern calligraphy (現代英文書法)大家一定有聽過甚至有朋友已經上埋堂,坊間書局都有賣相關書籍工具俾人買黎自學。少女自覺寫字唔太靚,可能因為個人心急,寫出黎既字都好潦草,朋友試過自學都表示呢單野真係有點難度,但我冇放棄治療,因為寫靚字係有得學架!


Plus One Calligraphy係一個專門教人寫現代英文書法既工作坊。而家上親工作坊大多要去d工廈上樓,呢間竟然開係旺角鬧市商場舖內,仲要勁近地鐵站。課堂分幾部份,靚女miss會先介紹下書法工具,唔同的筆、墨、紙寫出黎都可以完全唔同效果,書法的確係一門藝術!我地用既係斜桿筆再加一個沾水筆尖,係呀要點墨水寫架,忽然覺得成件事好有詩意,你地感唔感受到我d氣質出曬黎?3個鐘既工作坊,導師不斷係旁邊指導你同示範,確保每個人都學得識,最後大家仲可以DIY一張屬於自己的postcard添!


學calligraphy除左練到靚字型,仲傳揚左慢活精神,因為一筆一劃都要專心慢慢寫先寫得靚,心急如我就好難寫得靚......可能你會覺得寫字有幾難呀?但原來真係幾難,我就寫極都覺得怪怪地,確實有少少挫敗,不過上完堂可以帶走一套beginner kit返屋企繼續練習,有問題仲可以搵番老師贈多兩句,非常貼心。相信終有一日少女都可以寫得一手好字,做一個優雅的文字藝術師!


如果你都想學下英文書法,做個有氣質的少男少女,可以whatsapp 9510 5687查詢課堂資料,或者去佢地facebook睇下,少女讀者仲可以用抵到核爆價$650報名添(原價$800)!撻我個朵報名啦!

https://www.facebook.com/Plus-One-Calligraphy

留言


請按此登錄後留言。未成為會員? 立即註冊
    快捷鍵:←
    快捷鍵:→