一個人私奔 3 - 我們不是公主 精選

以前成日覺得一個人旅行係個性好獨立既人先會做的事，但後來發現其實越依賴的人先越岩自己去旅行。

如果你平時係冇咩方向感、地圖白痴、拎重野會嬲豬、落雨太凍太熱會黑面、肚餓會發脾氣、盪失路會講粗口的公主病患者，嘩！一人遊簡直係為你而設，你唔係唔試下麻？試想像，在一個叫天不應，叫地不聞的陌生國度，上面講既野一次過發生，你會點？好嬲豬甘黑面加發脾氣加講粗口？ＯＫ架，盡情做啦，你盡情嗌啦，反正都冇人理你。冇人會氹你、冇人會幫你架，除左你自己。當你意識到呢點，你的病已經好左一半。情況有點似小朋友扭計大喊大叫，但大人完全唔理會佢，結局只有一個，就係佢會死死地氣收聲，轉個頭當咩事都冇發生過。我地呢？放低自己的情緒，繼續行，耐心搵路，不知不覺間又會俾其他風景吸引住，直到終於搵到目的地，個種滿足感會令你完全忘記之前病發時的不快。因為你沒有放棄治療，你又是新造的人了！其實你遠比你想像中堅強、聰明、有耐性、叻豬好多。
那次自己一人在新加坡，我學會了欣賞大雨下的風景，也真切體會到雨後一定會放晴。
那次自己一人在新加坡，我學會了迷路看風光，由好緊張轉化成享受隨意亂逛的自由自在，發現路途上隨處都會有驚喜。
那次自己一人在新加坡，我學會了無論怎樣也要硬著頭皮走下去，因為有些美好的風景，只有堅持走才能看得見。
那個依賴無極限的我並不是忽然就消失了，她還在，只是她只會在有人給她依賴的時候才偶然亮相。
更多的時候，我們不是公主，而是一個頂十個、天不怕地不怕的女皇。


那次自己一人在新加坡，因為要避雨，所以我發現了這條精緻小街，不在原本行程的地方，卻比安排好的要美麗很多。這裡是Ann Siang Hill。