Be an elegant traveller 少女旅行穿搭分享 精選 推薦

相信有很多少女去旅行最花時間的一part唔係plan行程，而係執行李。旅行其中一個大重點係影相，影好多好多相。如何在5日行程中把全衣櫃最漂亮的衫褲鞋襪、袋和飾物狠狠地全部呈現出來，但又不至於未出發就整爆喼，真係一門高深學問。去過多次旅行後，我終於研究到一個屬於我自己的風格，就係要方便與氣質並重。


連身裙加clutch bag係我去旅行的必備配搭！連身裙真的超方便，一件頂兩件，輕便又唔需要襯黎襯去，帶幾條已經夠成個旅程啦！而為左貫徹旅行的悠閒感，通常我都係揀棉質／布質的連身裙，容易皺同太斯文的雪紡質地唔係我杯茶，阿姐我而家去旅行唔係返工啊！

但我都知棉質／布質的連身裙係爭左少少高貴感覺既，於是優雅的clutch bag就成為另一樣必備旅行item！以前會覺得clutch bag淨係適用於比較隆重的場合，但隨住越黎越多人用，款式越出越多，已經變成好易襯，平時出街都岩用啦！Clutch bag裝唔到太多野，就岩曬旅行中的我，在外地通常我都只帶好少野出門，最緊要輕便麻！我本身習慣手要拎野，唔係會有兩手fing fing唔知放係邊的奇怪感，所以我會選擇拎住個袋。但有時要影相或者行街睇野拎住個袋又真係有d麻煩既，好彩大部份clutch bag都有跟埋條帶，隨時可以孭住變小手袋，問題就輕易解決了！
呢身打扮無論去明洞行街定要去首爾塔星星餐廳食飯，甚至想落bar識oppa，都真係勁good fit！！邊個話去旅行就可以著得求求其其？我地去到世界每一個角落都要靚架！




On LaLa:
灰X桃紅連身裙: 購自首爾弘大未來路，$15,000WON(約HKD$115)
白色暗花X黑色clutch bag:購自 ZALORA，HKD$149
白色牛津鞋: 購自首爾弘大未來路，$25,000WON(約HKD$191)

*首爾弘大未來路是我每次去韓國都會大量掃貨的地方，比明洞、東大門更好逛！
*ZALORA是專賣歐洲牌子的online shop，品牌多，價錢好經濟，仲時時有驚喜價！最重要係送貨好快，一般5個工作天就到，效率好高呢！