上次介紹完一間宜蘭民宿之後冇左下文......終於開始寫宜蘭景點！今次去宜蘭只係留左兩日一夜，再加上第二日落大雨，所以第二朝一早返台北，結果只有一日係宜蘭玩，去既地方唔多。但我已經去左最想去既兩個地方喇！之前講過宜蘭係一個好田園風既地方，出發前研究左好耐，發現好玩景點其實冇乜，我都一心打算去感受下郊區生活，所以大家都唔駛對景點太期待。想過一個悠閒寫意的假期，去宜蘭3日2夜就差不多了。丫，仲要留意宜蘭交通都幾唔方便，所以......出發前要計畫好路線！
首先介紹其中一個幾值得去既景點－國立傳統藝術中心。聽到個名覺得有少少悶？正常既，但藝術範疇包含好多野既，傳統藝術更加係博大精深同包羅萬有，我對藝術興趣都唔太大，但都覺得宜蘭國立傳統藝術中心好多野可以睇！
其中我最鍾意個部份係民藝街，係仿照早期台灣的街道而設計，一幢幢紅磚樓房勁懷舊，好似時光倒流幾十年。走入呢條古裝街，有好多小店，每一間都代表住一樣台灣傳統工藝，大開眼界啊！有布袋戲、玻璃、麵粉公仔、木屐、陶笛、甚至連麥芽糖、手工薑糖呢d傳統小食都有，所以話藝術範疇好廣泛架！每間小店都有自己既特色，有d有熱情職員詳細介紹個種工藝既故事、有d會有即場示範低頭默默做手工藝、有d可以俾你自己親手試下DIY。每間都入去行下睇下影下傾下，其實都真係幾有趣架！有好多工藝品都可以買走，做手信都唔錯。
傳統藝術中心仲有好多短期展覽，今次去既時候就有剪紙藝術展覽。而且今年係羊年，仲有超級無敵羊咩咩做主題的展館同裝置。（但呢個展覽同呢度懷舊既氣氛好似有點格格不入......）
另外，戲曲、舞蹈同布袋戲都係傳統藝術的重要部份，所以藝術中心都設有舞台同劇場，每日指定時間都有表演俾大家欣賞。我就去左睇布袋戲，個主持人好似洪泳城！！佢介紹布袋戲既由來，同埋即席上演一套關於古人考科舉既故事，佢既介紹同配音都幾搞笑，所以都幾好睇！仲有其他表演同藝術體驗，大家入場個時拎份地圖介紹睇睇啦！
國立傳統藝術中心好空曠好好逛，風景好唔錯，仲有一個湖，小橋流水的風景貫徹宜蘭好山好水既特質。可以用有趣既方法認識台灣傳統藝術，又可以感受下宜蘭的悠閒風情，誠意推介大家黎國立傳統藝術中心啊！
國立傳統藝術中心
地址：宜蘭縣五結鄉季新村五濱路二段201號
開放時間：每日9:00 - 18:00
入場費：台幣$150
網址：http://www.ncfta.gov.tw/
宜蘭住宿推介：
抱抱大自然 遺世獨立的旅樹民宿 慢活旅程由此起
首先介紹其中一個幾值得去既景點－國立傳統藝術中心。聽到個名覺得有少少悶？正常既，但藝術範疇包含好多野既，傳統藝術更加係博大精深同包羅萬有，我對藝術興趣都唔太大，但都覺得宜蘭國立傳統藝術中心好多野可以睇！
其中我最鍾意個部份係民藝街，係仿照早期台灣的街道而設計，一幢幢紅磚樓房勁懷舊，好似時光倒流幾十年。走入呢條古裝街，有好多小店，每一間都代表住一樣台灣傳統工藝，大開眼界啊！有布袋戲、玻璃、麵粉公仔、木屐、陶笛、甚至連麥芽糖、手工薑糖呢d傳統小食都有，所以話藝術範疇好廣泛架！每間小店都有自己既特色，有d有熱情職員詳細介紹個種工藝既故事、有d會有即場示範低頭默默做手工藝、有d可以俾你自己親手試下DIY。每間都入去行下睇下影下傾下，其實都真係幾有趣架！有好多工藝品都可以買走，做手信都唔錯。
傳統藝術中心仲有好多短期展覽，今次去既時候就有剪紙藝術展覽。而且今年係羊年，仲有超級無敵羊咩咩做主題的展館同裝置。（但呢個展覽同呢度懷舊既氣氛好似有點格格不入......）
另外，戲曲、舞蹈同布袋戲都係傳統藝術的重要部份，所以藝術中心都設有舞台同劇場，每日指定時間都有表演俾大家欣賞。我就去左睇布袋戲，個主持人好似洪泳城！！佢介紹布袋戲既由來，同埋即席上演一套關於古人考科舉既故事，佢既介紹同配音都幾搞笑，所以都幾好睇！仲有其他表演同藝術體驗，大家入場個時拎份地圖介紹睇睇啦！
國立傳統藝術中心好空曠好好逛，風景好唔錯，仲有一個湖，小橋流水的風景貫徹宜蘭好山好水既特質。可以用有趣既方法認識台灣傳統藝術，又可以感受下宜蘭的悠閒風情，誠意推介大家黎國立傳統藝術中心啊！
國立傳統藝術中心
地址：宜蘭縣五結鄉季新村五濱路二段201號
開放時間：每日9:00 - 18:00
入場費：台幣$150
網址：http://www.ncfta.gov.tw/
宜蘭住宿推介：
抱抱大自然 遺世獨立的旅樹民宿 慢活旅程由此起
請按此登錄後留言。未成為會員? 立即註冊