[首爾食食食] 韓國地道小食天堂 東大門附近的廣藏市場

廣藏市場是首爾最早期的市場之一，已經有百幾年歷史，有好多野食，價錢都好親民，係一個好地道的搵食天堂。唔少韓國人都係呢度搵食，好有韓國風味。中午時份人頭湧湧，就知呢度真係好多正野！


市場都幾大，最主要係有好多熟食攤檔，睇岩邊檔隨便坐低就可以叫野食，友善的阿豬媽會招呼你。常見食物包括綠豆煎餅泡菜煎餅連其他好多煎餅、炒粉絲、韓國壽司、炒年糕、餃子、麵檔等等，連海鮮都有，有刺身同生八爪魚呀！仲有生牛肉添！選擇眾多，實有樣野岩你食，而且價錢都係好經濟實惠，幾十蚊可以食到飽。我會建議大家下午黎食lunch，因為每間店關門時間唔一樣，可能夜晚比較早已經關左，所以下午黎應該係可以食到最多野既！
除左即場食之外，都可以買泡菜同買水果。另外仲有乾貨，食完野再買手信都唔錯。紫菜、人參、魚乾，大家可以盡情買到夠！生活用品同韓服都有得賣架，大家慢慢行啦！廣藏市場都幾近東大門，行過去20分鐘，不過都係地鐵鍾路5街站最近，8號出口一出就見到市場門口。


廣藏市場
地址：首爾鐘路區禮智洞6-1
交通：地鐵鍾路5街站8號出口
營業時間：07:00-19:00

想知邊張信用卡儲飛行里數最抵？即刻上moneyhero睇下最詳盡信用卡比較啦！