[北海道] 平價飛北海道不是夢 香草航空Vanilla Air飛航體驗 一票玩盡東京、北海道

少女旅行日記 於 29/07/2016 發表 收藏文章
少女一直好想去北海道,但如果大家有留意都知道直航北海道機票好貴,而且好少減價,平均$4000以上,令唔少人卻步。但最近少女終於有機會首次踏足北海道,全因廉航呢個偉大發明!來自日本的香草航空提供香港飛東京成田機場及由東京飛北海道新千歲機場的航線,價錢比直航平好多,來回機票未連稅約$1914,仲不限機票有效期及停留東京時間,即係話呢個價錢可以一次過玩曬東京同北海道兩個地方,真係超級抵!


講到轉機,大家或者會擔心轉機等候時間太長,留係機場無所事事又少左玩的時間。香草航空呢條香港-東京-北海道航線時間非常好,凌晨機由香港出發,去到東京係朝早7點幾,中間只需要等兩個鐘,9點幾就上機去北海道啦!去到北海道仲係朝早11點,仲有全日俾你慢慢玩!而且成田機場第3航廈有美食廣場,又有幾間好好逛的商店,仲有間香草航空專屬的V Store,可以買好多紀念品同零食,逛完再食埋個早餐先上機去北海道,其實兩個鐘真係好快過。


回程呢,就可以中午由北海道飛東京,再夜機返香港。如果想玩埋東京,先去北海道回程再停東京幾日就最好,可以shopping到夠先返香港!香港往來東京成田機場每日有2班航班,成田往來北海道札幌每日最多7班,大家可以自己根據行程配搭最理想的航班時間,減少等候轉機時間。


雖然係廉航,但香草航空d位比好多廉航都更闊落,坐得幾舒適,採用機型係空中巴士 A320。香草航空係由另一間日本著名航空公司ANA Holdings 100% 擁有,所以絕對有信心保證。廉航冇飛機餐提供,大家可以上機另外買,有飯、三文治、杯麵、零食、飲品等等,價錢合理。我試左一個幾特別的卡士達奶油紅豆麵包,即係吉士醬加紅豆餡,甜甜地都幾好食,只需350yen。


北海道真係好好玩,唔同季節去有完全唔同的風景,要去多幾次先得!有香草航空之後平價去北海道不是夢啦,大家可以考慮下搭香草航空呢條香港-東京-北海道航線呀!訂票網址:www.vanilla-air.com/hk

留言


請按此登錄後留言。未成為會員? 立即註冊
    快捷鍵:←
    快捷鍵:→