去首爾不得不食醬油蟹！但醬油蟹都算係一樣幾易中伏的食物，唔新鮮唔好食上黎真係可以好差，所以今次搵到呢間好味餐廳一定要推介，等大家都可以食到有質素的醬油蟹！
呢間名為馬山辣炖鮟鱇魚店位於地鐵新沙站，個名好繞口，我一直記唔到個全名，哈哈。而佢附近有行街熱點新沙洞林蔭大道。地鐵4號出口直行幾步見到周圍都有的藍色招牌麵包店Paris Baguette就轉入去小路行前少少，店在左手邊。要小心右邊有間個名同佢好似的餐廳，個間好少人的，唔好去錯呀。杜如風曾經係《流行首爾》介紹過呢間店架，所以店門口都有大大張poster，見到就一定冇認錯。連leaflet都有佢個樣呀。
餐廳已經有超過40年歷史，係第一間元祖店。食飯要坐地下，其實我就唔太鍾意坐呢種位，唔太舒服。
先試前菜，有六碟，好好食，仲可以任refill。主角醬油蟹黎啦！有分大同細兩個size，我呢碟係大，價錢係90000 won，即係港幣$630左右，大約5人份量。細就60000 won，港幣$420，2-3人份量。賣相非常唔錯，味道好鮮甜，完全唔腥，重點係蟹膏好多，好正呀呀呀！
醬油蟹有「飯之賊」之稱，因為拌飯好好食，但我太想原汁原味食曬個醬油蟹，所以就索性另外叫一個蟹膏拌飯。蟹肉同蟹膏都好新鮮，撈埋蛋黃同紫菜，呢個飯好好味呀！25000 won，即係港幣$178左右，其實有少少貴，但又真係令人好回味。
想推介呢間餐廳除左因為醬油蟹正正子之外，其他食物都好唔錯，其中有個辣八爪魚好惹味，炒得好香，又係一個拌飯之選，不過真係幾辣下架，大家留意返。我唔係好食得辣，但佢又真係好好食，於是我一路忍唔住要食但一路叫辣，食得好辛苦......價錢係30000 won，港幣$210。另外仲有材料豐富的海鮮湯，都有分大細size，大size 60000 won；細size 50000 won， 港幣$420／$350。
雖然總括黎講價錢偏貴少少，但都值得，係會下次再幫襯的質素。而且佢24小時營業，鍾意咩時間食都得。又其實，間店叫鮟鱇魚店，大家都可以試下鮟鱇魚，不過現場所見好似個個都為醬油蟹而黎......醬油蟹萬歲！
馬山辣炖鮟鱇魚店
地址：首爾市瑞草區蠶院洞21-1
交通：地鐵新沙站4號出口行3分鐘
營業時間：24小時
呢間名為馬山辣炖鮟鱇魚店位於地鐵新沙站，個名好繞口，我一直記唔到個全名，哈哈。而佢附近有行街熱點新沙洞林蔭大道。地鐵4號出口直行幾步見到周圍都有的藍色招牌麵包店Paris Baguette就轉入去小路行前少少，店在左手邊。要小心右邊有間個名同佢好似的餐廳，個間好少人的，唔好去錯呀。杜如風曾經係《流行首爾》介紹過呢間店架，所以店門口都有大大張poster，見到就一定冇認錯。連leaflet都有佢個樣呀。
餐廳已經有超過40年歷史，係第一間元祖店。食飯要坐地下，其實我就唔太鍾意坐呢種位，唔太舒服。
先試前菜，有六碟，好好食，仲可以任refill。主角醬油蟹黎啦！有分大同細兩個size，我呢碟係大，價錢係90000 won，即係港幣$630左右，大約5人份量。細就60000 won，港幣$420，2-3人份量。賣相非常唔錯，味道好鮮甜，完全唔腥，重點係蟹膏好多，好正呀呀呀！
醬油蟹有「飯之賊」之稱，因為拌飯好好食，但我太想原汁原味食曬個醬油蟹，所以就索性另外叫一個蟹膏拌飯。蟹肉同蟹膏都好新鮮，撈埋蛋黃同紫菜，呢個飯好好味呀！25000 won，即係港幣$178左右，其實有少少貴，但又真係令人好回味。
想推介呢間餐廳除左因為醬油蟹正正子之外，其他食物都好唔錯，其中有個辣八爪魚好惹味，炒得好香，又係一個拌飯之選，不過真係幾辣下架，大家留意返。我唔係好食得辣，但佢又真係好好食，於是我一路忍唔住要食但一路叫辣，食得好辛苦......價錢係30000 won，港幣$210。另外仲有材料豐富的海鮮湯，都有分大細size，大size 60000 won；細size 50000 won， 港幣$420／$350。
雖然總括黎講價錢偏貴少少，但都值得，係會下次再幫襯的質素。而且佢24小時營業，鍾意咩時間食都得。又其實，間店叫鮟鱇魚店，大家都可以試下鮟鱇魚，不過現場所見好似個個都為醬油蟹而黎......醬油蟹萬歲！
馬山辣炖鮟鱇魚店
地址：首爾市瑞草區蠶院洞21-1
交通：地鐵新沙站4號出口行3分鐘
營業時間：24小時
請按此登錄後留言。未成為會員? 立即註冊