[首爾景點] 秋季紅葉之旅 韓國最火紅名山 KKday內藏山一日遊 精選 推薦

曾經在韓國睇過雪景同櫻花，今次終於到紅葉啦！通常賞楓地點都係好偏遠的郊外，所以今次就參加由KKday贊助的內藏山一天團。韓國有幾座賞楓名山，比較出名係雪嶽山同內藏山。內藏山位於全羅北道，被指定為韓國第8座國立公園，更是韓國最有名的8大美景之一。但內藏山離首爾市區實在好遙遠，所以跟團就最good fit，有曬接送，完全唔駛plan，簡直係懶人恩物。


一大早明洞上車（可以揀弘大上），即刻大訓特訓。導遊超貼心，預備左一個包、一包蜜桃茶（係cony包裝架好得意）同一枝水俾每個團友！出發個時落緊雨，導遊仲每人派一件雨衣同一個驅蚊器，非常細心，值得一讚！！！題外話，導遊係黎韓國working holiday的香港女生，我覺得幾好喎呢份工，搞到我都心思思......


訓左兩個鐘左右，就黎到一間傳統韓國餐廳，食個好味韓牛火鍋做lung廚。個團包埋架！我都係第一次在韓國打邊爐，其實d料同香港都差唔多，菜任食，仲有餃子同年糕。主角韓牛幾好食，同食開的美國肥牛有得揮，佢厚身少少，牛味重d。


食飽上返車坐多20分鐘左右就黎到內藏山啦！yoho！我地有3個鐘自由同紅葉影寫真時間......好可惜天氣不似預期啊，今年紅葉期遲左少少，我10月25號黎，整體黎講時都係綠葉多過紅葉。間中會見到幾棵好紅，就會瘋狂影個幾棵，唔會放過任何一個影到好似好多紅葉的機會！


其實內藏山點玩法呢？首先從門口搭接駁巴士，盛惠1000won，搭5分鐘就到纜車站，再搭纜車上山，來回盛惠8000won（其實都係港幣56蚊，唔好俾won個銀碼嚇親）。搭纜車可以從高空睇到紅紅綠綠的樹，好似一舊舊西蘭花......哈哈哈。


上到山個環境好森林的，繼續都係紅紅綠綠的樹，有展望台睇風景。山上的紅葉開得比山下多，d紅葉真係好靚仔。仲有韓國人在山上悠閒野餐！！！（好凍下喎）


時間關係冇點樣探索山上其他地方就搭返纜車落山啦。下一個必影位係纜車站附近的羽化亭。個亭在湖中央，仲有條石頭路，成個景好有詩意，紅葉加古亭成陣古典味出曬黎，我想作首詩呀！！！


之後向入口方向行返出去，大約半個鐘路程，沿路好多好多好多好多楓葉樹，可以想像轉曬紅色的話會靚到飛起。其實而家都還好啦，間中有好紅的樹，有轉緊色黃黃地的，有成地都係紅葉的，成個感覺都好有秋意，紅黃綠幾隻色加埋一齊仲有層次。沿路仲有小橋流水，個環境真的好唔錯，好想有一次係紅葉最盛開的時候再黎！！！


3個鐘自由時間大概就可以甘樣玩內藏山啦，搭纜車有少少趕既，但如果一場黎到淨係睇羽化亭同山下散散步我又覺得有點可惜，所以寧願趕少少睇多d啦。跟住就搭返車出市區，大約3個鐘車程，可以選擇明洞或者弘大落車。


2016年11月頭至中將會係首爾紅葉全盛期，醒目少男少女可以考慮好似我甘參加一日團，舒舒服服就可以去到偏遠地區賞楓。KKday有好多賞楓團，日本韓國都有，大家可以根據行程慢慢揀。除此之外，仲有其他景點旅行團、包車、景點門票等等......

睇下KKday有咩日韓賞楓團推介啦！
https://event.kkday.com/zh-tw/campaign/maple-2015?cid=3247

指定團有85折添呀，報名啦喂！
http://bit.ly/韓國賞楓至抵優惠