今屆世界盃克羅地亞的表現令人眼前一亮，努力奮戰到決賽，雖然最終輸左俾法國只得亞軍，但熱血的精神已經令全世界都深受感動。今年4月我第一次踏足呢個國家，玩左十日，遊走七個城市，大部份都非常喜歡，風景超美，人也友善，繼瑞士之後成為第二個我最喜愛的歐洲國家。早排接受香港電台電視訪問，在節目中介紹克羅地亞，大家有興趣可以睇下。（LINK）呢篇會詳細介紹整個行程同基本旅遊資料，希望即使過左世界盃熱潮，大家都仍然會對呢個中歐小國有興趣，親自去睇下究竟佢有幾靚。
克羅地亞屬於歐洲巴爾幹半島，位置正正是意大利的對面，兩國中間隔住一個阿德里亞海。與匈牙利、斯洛文尼亞、塞爾維亞、黑山共和國等國家接壤。曾經屬於南斯拉夫共和國一員，1991年成功爭取獨立。不過獨立的路不容易，足足經過4年戰爭，去到1995年戰爭先結束。到真正全國統一，也只不過是20年前的事，即1998年，所以呢一代的克羅地亞人大部份都經歷過戰爭。
佢地母語係克羅地亞語，大部份都識講英文，仲有人識德文同意大利文。貨幣係HRK，讀Kuna，同港幣匯率大約係1:1.3，即係10蚊Kuna大約係港幣13蚊，都幾方便計，但就建議用euro去當地換錢。消費比用euro的歐洲國家平，大約同東歐捷克、匈牙利差不多。遊克羅地亞以巴士為主，城市與城市之間多數都搭巴士，遠少少的可以考慮內陸機，單程通常幾百蚊港幣。巴士可以上網買定飛，行李會另外收費，上車先俾錢，每程收費唔同，一般都係每程港幣10蚊左右。玩曬成個國家路線通常只有兩條，由北至南，又或由南至北。我的路線就係由南部開始再玩返上北部，十日行程如下：
DAY 1 Zagreb -> Dubrovnik
DAY 2 - 3 Dubrovnik
DAY 4 Dubrovnik -> Split
DAY 5 Plitvice Lakes National Park（十六湖國家公園）
DAY 6 Split
DAY 7 Split -> Zadar -> Pula
DAY 8 Pula -> Rovinj
Day 9 - 10 Rovinj
Zagrab
香港冇直航去克羅地亞，可以坐中東航空轉機，又可以坐歐洲航空轉機，大多數都會係克羅地亞的首都Zagrab落機。我落機之後只留左半日，去左景點最多的上城區同舊城區行左陣，必去的有大教堂Zagreb Cathedral、Dolac市集、Ban Jelacic 廣場、Church of St. Mark、The Stone Gate、Tkalciceva Street。
全部都係可以行得到去的景點，最印象深刻係Church of St. Mark，因為佢個頂係馬賽克拼貼而成，色彩繽紛又好童話的教堂，1880年由建築師Herman Bolle所建成。講到1880年，呢個年份對Zagrab黎講係重要年份，因為當年發生大地震，城市受到重創，所以好多重要建築都係地震之後重建，比較新淨。附近一帶仲有國會、總督府、法院等重要政府機關。有趣的係教堂前面仲有個失戀博物館，好似話有好多分手故事同關於分手的物品，我冇入去睇，不過覺得都幾得意，大家有時間可以去參觀下。
對Zagrab印象唔算太深，一來逗留時間短，二來首都普遍都比較發達，就會似一般歐洲大城市，唔會好特別。但有一樣野我好記得，就係好多靚仔！真係好多！可能係成個克羅地亞最多的城市，首都果然係首都，所以我覺得無論如何都要去，哈哈哈。行曬最主要的景點之後就出發去Dubrovnik，坐克羅地亞航空，機程一個鐘，單程港幣900蚊。
Dubrovnik
Dubrovnik 位於克羅地亞最南部，一望無際的亞得里亞海與古城是城中最吸引的風景。好多人認識克羅地亞都係因為Dubrovnik，權力遊戲Game of Thrones就係呢度拍。一定要去古城，世界文化遺產，有800年歷史。整個古城被平均高22米的城牆包圍，是為了抵抗土耳其人入侵而建造的。要看古城風景最好就是攀上城牆行走一圈，全程2000米，背山面海，擁有360度全景，不同角度可以看到古城不同的風景，影相、驚嘆、看海、與路人聊天、休息......總共差不多3個鐘才行完。本來以為全都是橙色屋頂，走一半就會覺得看夠想走，但真的每個角度都有不同，會突然發現古城內有藍球場、有一邊有超誇張海景、某個位又突然發現對面有座碉堡，很多東西看，所以還是盡可能走完吧，不會後悔。上城牆150Kuna，約港幣$195。我去個日係大陰天，相唔靚但其實又幾襯古城的蒼涼。
城內呢，有好多樓梯，每條小巷裡都有好多餐廳，中間一條大路是用大理石舖成的叫Placa，兩旁是商店，城內還有教堂、修道院、鐘樓和博物館等，很典型的古城。
想從高空看古城全貌，可以乘登山纜車，來回票價120Kuna，約港幣$156。個人覺得其實可以不坐，上到山觀景位只有一個，還有間餐廳。上面很大風，而且太高，古城變得很渺小，太遠。反而纜車上山的途中，剛好看到整個古城，又不會離太遠，才是風景最美的一段。半個鐘不夠就下山了。
在Dubrovnik幾天天氣都麻麻地，天陰陰，所以一定會再黎，希望下次黎有藍天白雲同最澄藍的亞得里亞海！
Split
由Dubrovnik去Split大約4個半鐘巴士，車費港幣170蚊。位於中部的Split是克羅地亞第二大城市，也是一個港口城市，碼頭會見到好多郵輪泊岸。繼續都係有海同古城，克羅地亞好多城市的市中心就等於古城，所以住宿只要近古城就是最方便的地帶。
今次個古城係羅馬帝國時期的遺跡，名為Diocletian's Palace，西元三世紀的羅馬帝國皇帝名字，宮殿是他的，死後也葬這裡。一個四方城的格局，又係世界文化遺產。四個城門名為金、銀、銅、鐵，裡面有鐘樓、八角形教堂、柱廊中庭、前廳、地下室等，竟然還有埃及運過來的獅身人面像！這古城最有趣是古蹟旁都是民居，明明是受保護的古蹟區域，大家還是很隨意就住進來，可以跟別人說自己住在羅馬帝國的古蹟裡。
古城外碼頭一帶有點赤柱的feel，哈哈，有一堆海景露天餐廳，好適合度假。
終於在Split有晴天，可以去行山！Marjan Hill離古城好近，好易行，來回兩個幾鐘就行完，上到去可以睇到超級無敵海景，又有Split的城景，好靚！沿路都是森林與海景，中途有一個小小的石造教堂，最高點有好大個十字架同克羅地亞國旗，360度的景色超級靚！
Split有好多出島的tour，原本非常想去一個叫Hvar的島同藍洞，但所有旅行社都話呢幾日島的天氣不好，所以冇團。留有少少遺憾，下次再去。
Plitvice Lakes National Park 十六湖國家公園
克羅地亞最大的國家公園，同時係世界自然文化遺產，呢個公園好好好靚，一定要黎。大部份人都由首都Zagreb去，大約一個半鐘車。但我行程就唔到，於是由Split去，join day tour即日來回，一程大約兩個半鐘車，個tour連埋lunch，600幾蚊港幣。入場費唔包，每個季節收費不同。公園分上湖區同下湖區，湖如其名有16個主要的湖泊，12個屬於上湖區，4個屬於下湖區。如果要行曬全部需要兩日，公園裡面唔可以自己揸車，都唔可以踩單車，只可以搭園內接駁車或者船，但大多數都要靠自己行，所以真係需要唔少時間。
我呢個day tour淨係去左下湖區，因為當日上湖區泛濫而封左！！！但好多比較特別的景色都集中在下湖區，所以都OK。公園裡的湖水都好好好清，可以見到裡面的魚。而且因為有石灰岩同礦物質，所以水係綠色的，好靚呀！湖與湖之間有石灰岩沈積而成的天然堤壩，有高有低，形成一個個小瀑布，仲見到彩虹呀！好開心！！！
除左湖，公園仲有幾個大瀑布，下湖區最後段有個全公園最高，有成80米的大瀑布，未行到最近已經水花四濺，好有氣勢！
可能大家會覺得成10幾個湖，應該會睇到好悶，但個個湖所見到既風景都唔一樣。有時會見到好洶湧的水流，有時又會見到超平靜好似天空之鏡的湖，有時見到鴨仔游水，有時見到魚，從高處睇又同平面睇感覺好唔同，搭船置身於湖泊中間又好正，而且成個環境好多樹好多山，非常relax，真係好值得去，留兩日都好基本，公園附近有住宿。今次去唔到上湖區，下次要再去啦！（寫到呢度我已經搵到好多下次再去克羅地亞的理由啦，哈哈）冬天同夏天開放時間唔同，大家要留意。冬左會落曬雪，超級靚，我好想冬天去一次呀！！但問題係其他城市又唔係好適合冬天去，因為想落水......所以要夏天去一次，冬天又去一次。等我呀克羅地亞！！
Zadar
由Split去Zadar要3個鐘巴士，車費港幣120。呢個城市最出名有兩樣野，都同海有關。第一係連驚慄大師希治閣都讚賞的日落海景，話係全世界最美！我都覺得好靚呀！！
第二係由建築師Nikola Basic設計的海浪管風琴Sea organ。海邊有幾排石階，裡面裝有唔同size的管道，只要有海水湧入就會發出聲音，唔同水位聲音會有唔同，做出交響樂的效果，好有趣。呢個藝術創作曾經得到歐洲設計第一大獎同歐洲城市公共空間獎，好厲害！
隔離仲有一塊太陽能板，叫Greeting to the Sun，都係出自同一個設計師，吸收陽光後會閃閃發光，夜晚會靚過下晝睇。Zadar的日落真係好靚，一邊望住橙黃色的天空同海，一邊聽海浪管風琴演奏，係人生其中一個值得記住的美好日落時份。
Zadar都有古城，不過好細，主要建築有威尼斯設計風格的城門、圓柱形教堂Church of St. Donatus同埋Church of St. Mary，教堂都係羅馬建築。最好的遊覽時間係日落前幾個鐘到，行下古城食下野，跟住睇日落，再睇埋夜晚的Greeting to the Sun，住一晚第二朝可以走啦。
Pula
由Zadar去Pula我選擇搭飛機，只需50分鐘左右機程，單程機票500蚊，都係坐克羅地亞航空。Pula係克羅地亞一個好古老的城市，充滿羅馬的影子，因為曾經被羅馬帝國統治，唔單止有全世界現存的六個競技場之一，仲有古羅馬神廟同凱旋門，好似一個迷你版的羅馬。好多年前我曾經去過羅馬，當時見到傳說中的鬥獸場都嘩左聲，覺得實在太宏偉啦，而同時門口買飛入去參觀個條隊都令我嘩然，因為真係好長，所以當時冇入去。今次黎到Pula毫不猶豫就決定入場，因為呢度好少好少人，每個角落都可以慢慢睇到夠。入場費50Kuna，約港幣$65。雖然比羅馬的規模細，但其實都可以容納到23000人，都好有氣勢，而且已經有接近2000年歷史，仍然保存得好好，係世界六座裡唯一一座完整保存了四邊塔樓與古希臘柱式的競技場。
可以上個小山坡從高處俯瞰Pula的城市，呢度仲有個堡壘、城牆同博物館，行上去好快，唔係好高。同Zadar相似，Pula都好細，半日就行完。但人少少，氣氛相當悠閒，值得一訪。
Rovinj
由Pula去Rovinj只需45分鐘巴士車程，車費港幣50蚊。呢個唔算係好熱門的旅遊城市，但作為克羅地亞之旅最後一個目的地，我好慶幸有黎過。佢位置比較尷尬，計畫路線的時候多次想放棄佢，但又硬係想加返佢，最後終於研究到點去最順路，實在太好了。Rovinj係一個七彩繽紛的藝術小鎮，有點像威尼斯，又有點像五漁村，都是海邊有些七彩小屋，有點童話風。
古城裡有很多漂亮的建築物、有通往海邊的小路（Canon有個廣告曾經黎過呢度取景）、有教堂與鐘樓、還有好多藝術家的店。呢度的紀念品唔係普通一街都係個種倒模手信，好多都係藝術家自家作品，全部都係獨一無二的創作，好似睇藝術展覽咁。如果想買特別的手信，可以黎呢度買。
Rovinj可以坐船出海睇日落同海豚，收費大約港幣100，整個航程大約一個鐘，夏天會係6點半出發。海豚就冇見到，但日落好靚好靚，看到海平線與粉橙色的天空，完美結束克羅地亞十日之旅。
好鍾意克羅地亞，最主要係因為時時都見到海，好靚好靚的海，心情特別愉快。今次4月去仲有點清涼，落唔到水好可惜，我覺得最佳遊覽季節係5月同9月，可以出島又可以玩水。每個城市都有自己的特色，淨係遊克羅地亞都最好預兩星期，有更多時間仲可以去埋其他巴爾幹半島的國家添。好希望好快就可以再黎克羅地亞，去埋未去的地方！
克羅地亞屬於歐洲巴爾幹半島，位置正正是意大利的對面，兩國中間隔住一個阿德里亞海。與匈牙利、斯洛文尼亞、塞爾維亞、黑山共和國等國家接壤。曾經屬於南斯拉夫共和國一員，1991年成功爭取獨立。不過獨立的路不容易，足足經過4年戰爭，去到1995年戰爭先結束。到真正全國統一，也只不過是20年前的事，即1998年，所以呢一代的克羅地亞人大部份都經歷過戰爭。
佢地母語係克羅地亞語，大部份都識講英文，仲有人識德文同意大利文。貨幣係HRK，讀Kuna，同港幣匯率大約係1:1.3，即係10蚊Kuna大約係港幣13蚊，都幾方便計，但就建議用euro去當地換錢。消費比用euro的歐洲國家平，大約同東歐捷克、匈牙利差不多。遊克羅地亞以巴士為主，城市與城市之間多數都搭巴士，遠少少的可以考慮內陸機，單程通常幾百蚊港幣。巴士可以上網買定飛，行李會另外收費，上車先俾錢，每程收費唔同，一般都係每程港幣10蚊左右。玩曬成個國家路線通常只有兩條，由北至南，又或由南至北。我的路線就係由南部開始再玩返上北部，十日行程如下：
DAY 1 Zagreb -> Dubrovnik
DAY 2 - 3 Dubrovnik
DAY 4 Dubrovnik -> Split
DAY 5 Plitvice Lakes National Park（十六湖國家公園）
DAY 6 Split
DAY 7 Split -> Zadar -> Pula
DAY 8 Pula -> Rovinj
Day 9 - 10 Rovinj
Zagrab
香港冇直航去克羅地亞，可以坐中東航空轉機，又可以坐歐洲航空轉機，大多數都會係克羅地亞的首都Zagrab落機。我落機之後只留左半日，去左景點最多的上城區同舊城區行左陣，必去的有大教堂Zagreb Cathedral、Dolac市集、Ban Jelacic 廣場、Church of St. Mark、The Stone Gate、Tkalciceva Street。
全部都係可以行得到去的景點，最印象深刻係Church of St. Mark，因為佢個頂係馬賽克拼貼而成，色彩繽紛又好童話的教堂，1880年由建築師Herman Bolle所建成。講到1880年，呢個年份對Zagrab黎講係重要年份，因為當年發生大地震，城市受到重創，所以好多重要建築都係地震之後重建，比較新淨。附近一帶仲有國會、總督府、法院等重要政府機關。有趣的係教堂前面仲有個失戀博物館，好似話有好多分手故事同關於分手的物品，我冇入去睇，不過覺得都幾得意，大家有時間可以去參觀下。
對Zagrab印象唔算太深，一來逗留時間短，二來首都普遍都比較發達，就會似一般歐洲大城市，唔會好特別。但有一樣野我好記得，就係好多靚仔！真係好多！可能係成個克羅地亞最多的城市，首都果然係首都，所以我覺得無論如何都要去，哈哈哈。行曬最主要的景點之後就出發去Dubrovnik，坐克羅地亞航空，機程一個鐘，單程港幣900蚊。
Dubrovnik
Dubrovnik 位於克羅地亞最南部，一望無際的亞得里亞海與古城是城中最吸引的風景。好多人認識克羅地亞都係因為Dubrovnik，權力遊戲Game of Thrones就係呢度拍。一定要去古城，世界文化遺產，有800年歷史。整個古城被平均高22米的城牆包圍，是為了抵抗土耳其人入侵而建造的。要看古城風景最好就是攀上城牆行走一圈，全程2000米，背山面海，擁有360度全景，不同角度可以看到古城不同的風景，影相、驚嘆、看海、與路人聊天、休息......總共差不多3個鐘才行完。本來以為全都是橙色屋頂，走一半就會覺得看夠想走，但真的每個角度都有不同，會突然發現古城內有藍球場、有一邊有超誇張海景、某個位又突然發現對面有座碉堡，很多東西看，所以還是盡可能走完吧，不會後悔。上城牆150Kuna，約港幣$195。我去個日係大陰天，相唔靚但其實又幾襯古城的蒼涼。
城內呢，有好多樓梯，每條小巷裡都有好多餐廳，中間一條大路是用大理石舖成的叫Placa，兩旁是商店，城內還有教堂、修道院、鐘樓和博物館等，很典型的古城。
想從高空看古城全貌，可以乘登山纜車，來回票價120Kuna，約港幣$156。個人覺得其實可以不坐，上到山觀景位只有一個，還有間餐廳。上面很大風，而且太高，古城變得很渺小，太遠。反而纜車上山的途中，剛好看到整個古城，又不會離太遠，才是風景最美的一段。半個鐘不夠就下山了。
在Dubrovnik幾天天氣都麻麻地，天陰陰，所以一定會再黎，希望下次黎有藍天白雲同最澄藍的亞得里亞海！
Split
由Dubrovnik去Split大約4個半鐘巴士，車費港幣170蚊。位於中部的Split是克羅地亞第二大城市，也是一個港口城市，碼頭會見到好多郵輪泊岸。繼續都係有海同古城，克羅地亞好多城市的市中心就等於古城，所以住宿只要近古城就是最方便的地帶。
今次個古城係羅馬帝國時期的遺跡，名為Diocletian's Palace，西元三世紀的羅馬帝國皇帝名字，宮殿是他的，死後也葬這裡。一個四方城的格局，又係世界文化遺產。四個城門名為金、銀、銅、鐵，裡面有鐘樓、八角形教堂、柱廊中庭、前廳、地下室等，竟然還有埃及運過來的獅身人面像！這古城最有趣是古蹟旁都是民居，明明是受保護的古蹟區域，大家還是很隨意就住進來，可以跟別人說自己住在羅馬帝國的古蹟裡。
古城外碼頭一帶有點赤柱的feel，哈哈，有一堆海景露天餐廳，好適合度假。
終於在Split有晴天，可以去行山！Marjan Hill離古城好近，好易行，來回兩個幾鐘就行完，上到去可以睇到超級無敵海景，又有Split的城景，好靚！沿路都是森林與海景，中途有一個小小的石造教堂，最高點有好大個十字架同克羅地亞國旗，360度的景色超級靚！
Split有好多出島的tour，原本非常想去一個叫Hvar的島同藍洞，但所有旅行社都話呢幾日島的天氣不好，所以冇團。留有少少遺憾，下次再去。
Plitvice Lakes National Park 十六湖國家公園
克羅地亞最大的國家公園，同時係世界自然文化遺產，呢個公園好好好靚，一定要黎。大部份人都由首都Zagreb去，大約一個半鐘車。但我行程就唔到，於是由Split去，join day tour即日來回，一程大約兩個半鐘車，個tour連埋lunch，600幾蚊港幣。入場費唔包，每個季節收費不同。公園分上湖區同下湖區，湖如其名有16個主要的湖泊，12個屬於上湖區，4個屬於下湖區。如果要行曬全部需要兩日，公園裡面唔可以自己揸車，都唔可以踩單車，只可以搭園內接駁車或者船，但大多數都要靠自己行，所以真係需要唔少時間。
我呢個day tour淨係去左下湖區，因為當日上湖區泛濫而封左！！！但好多比較特別的景色都集中在下湖區，所以都OK。公園裡的湖水都好好好清，可以見到裡面的魚。而且因為有石灰岩同礦物質，所以水係綠色的，好靚呀！湖與湖之間有石灰岩沈積而成的天然堤壩，有高有低，形成一個個小瀑布，仲見到彩虹呀！好開心！！！
除左湖，公園仲有幾個大瀑布，下湖區最後段有個全公園最高，有成80米的大瀑布，未行到最近已經水花四濺，好有氣勢！
可能大家會覺得成10幾個湖，應該會睇到好悶，但個個湖所見到既風景都唔一樣。有時會見到好洶湧的水流，有時又會見到超平靜好似天空之鏡的湖，有時見到鴨仔游水，有時見到魚，從高處睇又同平面睇感覺好唔同，搭船置身於湖泊中間又好正，而且成個環境好多樹好多山，非常relax，真係好值得去，留兩日都好基本，公園附近有住宿。今次去唔到上湖區，下次要再去啦！（寫到呢度我已經搵到好多下次再去克羅地亞的理由啦，哈哈）冬天同夏天開放時間唔同，大家要留意。冬左會落曬雪，超級靚，我好想冬天去一次呀！！但問題係其他城市又唔係好適合冬天去，因為想落水......所以要夏天去一次，冬天又去一次。等我呀克羅地亞！！
Zadar
由Split去Zadar要3個鐘巴士，車費港幣120。呢個城市最出名有兩樣野，都同海有關。第一係連驚慄大師希治閣都讚賞的日落海景，話係全世界最美！我都覺得好靚呀！！
第二係由建築師Nikola Basic設計的海浪管風琴Sea organ。海邊有幾排石階，裡面裝有唔同size的管道，只要有海水湧入就會發出聲音，唔同水位聲音會有唔同，做出交響樂的效果，好有趣。呢個藝術創作曾經得到歐洲設計第一大獎同歐洲城市公共空間獎，好厲害！
隔離仲有一塊太陽能板，叫Greeting to the Sun，都係出自同一個設計師，吸收陽光後會閃閃發光，夜晚會靚過下晝睇。Zadar的日落真係好靚，一邊望住橙黃色的天空同海，一邊聽海浪管風琴演奏，係人生其中一個值得記住的美好日落時份。
Zadar都有古城，不過好細，主要建築有威尼斯設計風格的城門、圓柱形教堂Church of St. Donatus同埋Church of St. Mary，教堂都係羅馬建築。最好的遊覽時間係日落前幾個鐘到，行下古城食下野，跟住睇日落，再睇埋夜晚的Greeting to the Sun，住一晚第二朝可以走啦。
Pula
由Zadar去Pula我選擇搭飛機，只需50分鐘左右機程，單程機票500蚊，都係坐克羅地亞航空。Pula係克羅地亞一個好古老的城市，充滿羅馬的影子，因為曾經被羅馬帝國統治，唔單止有全世界現存的六個競技場之一，仲有古羅馬神廟同凱旋門，好似一個迷你版的羅馬。好多年前我曾經去過羅馬，當時見到傳說中的鬥獸場都嘩左聲，覺得實在太宏偉啦，而同時門口買飛入去參觀個條隊都令我嘩然，因為真係好長，所以當時冇入去。今次黎到Pula毫不猶豫就決定入場，因為呢度好少好少人，每個角落都可以慢慢睇到夠。入場費50Kuna，約港幣$65。雖然比羅馬的規模細，但其實都可以容納到23000人，都好有氣勢，而且已經有接近2000年歷史，仍然保存得好好，係世界六座裡唯一一座完整保存了四邊塔樓與古希臘柱式的競技場。
可以上個小山坡從高處俯瞰Pula的城市，呢度仲有個堡壘、城牆同博物館，行上去好快，唔係好高。同Zadar相似，Pula都好細，半日就行完。但人少少，氣氛相當悠閒，值得一訪。
Rovinj
由Pula去Rovinj只需45分鐘巴士車程，車費港幣50蚊。呢個唔算係好熱門的旅遊城市，但作為克羅地亞之旅最後一個目的地，我好慶幸有黎過。佢位置比較尷尬，計畫路線的時候多次想放棄佢，但又硬係想加返佢，最後終於研究到點去最順路，實在太好了。Rovinj係一個七彩繽紛的藝術小鎮，有點像威尼斯，又有點像五漁村，都是海邊有些七彩小屋，有點童話風。
古城裡有很多漂亮的建築物、有通往海邊的小路（Canon有個廣告曾經黎過呢度取景）、有教堂與鐘樓、還有好多藝術家的店。呢度的紀念品唔係普通一街都係個種倒模手信，好多都係藝術家自家作品，全部都係獨一無二的創作，好似睇藝術展覽咁。如果想買特別的手信，可以黎呢度買。
Rovinj可以坐船出海睇日落同海豚，收費大約港幣100，整個航程大約一個鐘，夏天會係6點半出發。海豚就冇見到，但日落好靚好靚，看到海平線與粉橙色的天空，完美結束克羅地亞十日之旅。
好鍾意克羅地亞，最主要係因為時時都見到海，好靚好靚的海，心情特別愉快。今次4月去仲有點清涼，落唔到水好可惜，我覺得最佳遊覽季節係5月同9月，可以出島又可以玩水。每個城市都有自己的特色，淨係遊克羅地亞都最好預兩星期，有更多時間仲可以去埋其他巴爾幹半島的國家添。好希望好快就可以再黎克羅地亞，去埋未去的地方！
請按此登錄後留言。未成為會員? 立即註冊