離九州佐伯市大約半個鐘船程有個小島名叫深島，成個島而家只有18人居住，但就有超過100隻貓，所以又稱為貓島。每日有3班船來往蒲江港與深島，而由佐伯JR站就可以搭巴士去到蒲江港上船。
呢張深島地圖好可愛！來自九州佐伯觀光官網。深島暫時真係我去過最少人出沒的小島，唔單止居住的人少，遊客都唔多，全島應該只有100人以內，所以話佢隱世都冇錯。想感受真正遠離煩囂的環境，一定要黎深島體驗一下！
一落船已經見到好多貓的蹤跡，佢地真係好好好得意！行幾步又見到幾隻，呢度咩品種的貓都有，隻隻都唔同顏色唔同樣子，有大貓有細貓，貓奴黎到一定好開心，影相影唔停。點解深島會貓多過人呢？以前深島其實唔係咁少人住，不過大部份人都搬左出去市區住，而佢地以前養既貓又不斷繁殖，慢慢就變左咁多貓。而家深島既貓咪大部份都冇人養，但每日定時定候會有居民去唔同地點放低糧食，所以貓咪都生活得幾好，唔會冇人理。佢地好多都好乖，又唔驚人，可以放心同佢地玩。但當然佢地都係有一般貓的特性，就係好cool，所以都唔一定會理你，哈哈。
近碼頭有個好迷你的鳥居，上面有間同樣迷你的神社。
再行多幾步見到呢間好童話風的小屋，係一間麵豉工場，即係日本人最鍾意飲的麵豉湯的麵豉，工場主人同時亦係深島唯一一間餐廳的老闆，就係再行入少少會見到的深島食堂啦。餐廳外型設計都係好可愛，裡面就係非常舒適的木造環境。深島食堂冇餐單，根據老闆即日有咩新鮮食材就用黎煮，因為係海島，魚就最新鮮啦，果然係好好味！原來日本唔同地區做麵豉湯的方法同材料都會有唔同，深島出產的麵豉湯比一般淡，有種清甜味，好好飲。
深島食堂有戶外位置區，睇海景一流，可惜我去個日天氣麻麻地，有微雨，如果唔係相信海景會好靚！因為深島出名水質清澈，日本人會特登搭船黎玩水，仲可以潛水同划艇。雖然天氣唔好，但都仲可以見到D水的顏色，係綠色架，近睇可以見到底添！
食堂出面條小路應該係最多貓聚集，一次過會見到10幾20隻，真係好得意呀！！！
呢間係深島唯一一間小學，不過已經荒廢左啦，因為島上已經冇小朋友咁濟，得返兩個BB未夠歲數讀書，到佢地夠歲數讀書，就會再安排睇下出島外面市區學校讀定點。去呢間小學有點似去探險，要先經過好似森林的路同埋一堆草。另外島的另一面仲有個燈塔，不過我就冇去到。
深島真係一個非常relax的地方，好舒服寫意，鍾意貓咪的話黎輕輕鬆鬆遊覽半日都唔錯。另外蒲江港仲可以去另一個叫屋形島的小島，鍾意小島遊的話可以去埋。
九州佐伯觀光官網（暫時只有日文）：http://saiki-kankou.com/
呢張深島地圖好可愛！來自九州佐伯觀光官網。深島暫時真係我去過最少人出沒的小島，唔單止居住的人少，遊客都唔多，全島應該只有100人以內，所以話佢隱世都冇錯。想感受真正遠離煩囂的環境，一定要黎深島體驗一下！
一落船已經見到好多貓的蹤跡，佢地真係好好好得意！行幾步又見到幾隻，呢度咩品種的貓都有，隻隻都唔同顏色唔同樣子，有大貓有細貓，貓奴黎到一定好開心，影相影唔停。點解深島會貓多過人呢？以前深島其實唔係咁少人住，不過大部份人都搬左出去市區住，而佢地以前養既貓又不斷繁殖，慢慢就變左咁多貓。而家深島既貓咪大部份都冇人養，但每日定時定候會有居民去唔同地點放低糧食，所以貓咪都生活得幾好，唔會冇人理。佢地好多都好乖，又唔驚人，可以放心同佢地玩。但當然佢地都係有一般貓的特性，就係好cool，所以都唔一定會理你，哈哈。
近碼頭有個好迷你的鳥居，上面有間同樣迷你的神社。
再行多幾步見到呢間好童話風的小屋，係一間麵豉工場，即係日本人最鍾意飲的麵豉湯的麵豉，工場主人同時亦係深島唯一一間餐廳的老闆，就係再行入少少會見到的深島食堂啦。餐廳外型設計都係好可愛，裡面就係非常舒適的木造環境。深島食堂冇餐單，根據老闆即日有咩新鮮食材就用黎煮，因為係海島，魚就最新鮮啦，果然係好好味！原來日本唔同地區做麵豉湯的方法同材料都會有唔同，深島出產的麵豉湯比一般淡，有種清甜味，好好飲。
深島食堂有戶外位置區，睇海景一流，可惜我去個日天氣麻麻地，有微雨，如果唔係相信海景會好靚！因為深島出名水質清澈，日本人會特登搭船黎玩水，仲可以潛水同划艇。雖然天氣唔好，但都仲可以見到D水的顏色，係綠色架，近睇可以見到底添！
食堂出面條小路應該係最多貓聚集，一次過會見到10幾20隻，真係好得意呀！！！
呢間係深島唯一一間小學，不過已經荒廢左啦，因為島上已經冇小朋友咁濟，得返兩個BB未夠歲數讀書，到佢地夠歲數讀書，就會再安排睇下出島外面市區學校讀定點。去呢間小學有點似去探險，要先經過好似森林的路同埋一堆草。另外島的另一面仲有個燈塔，不過我就冇去到。
深島真係一個非常relax的地方，好舒服寫意，鍾意貓咪的話黎輕輕鬆鬆遊覽半日都唔錯。另外蒲江港仲可以去另一個叫屋形島的小島，鍾意小島遊的話可以去埋。
九州佐伯觀光官網（暫時只有日文）：http://saiki-kankou.com/
請按此登錄後留言。未成為會員? 立即註冊