強國人出城 中文大曬

小菲菲空姐日記 於 09/06/2016 發表 收藏文章
強國人係飛機上既行為大部分都係會激到人氣絕身亡
經常遇到既情況係唔知點解佢地會覺得所有人都識中文
無論係飛機上既空中服務員定外國既海關/入境人員
我公司一向以英語作為主要溝通語言
因為公司同事都來自不同國家,英文可以方便溝通
而服務乘客都係以英文為主,因為乘客來自世界各地
英語係國際語言會方便溝通
但如果你對住強國人,英文是不管用的!

好多時我派飛機餐用英文講出不同選擇
強國人一係就扮聽唔到唔睬我
一係就等我講完之後佢用煲冬瓜問我
「你說什麼?」、「你可以說中文嗎?」
我心裡已經白眼反到後腦
但專業既我當然好好笑容咁用普通話再講多次啦
我心想香港、台灣同事就可以同你煲冬瓜啫
其他國籍既同事例如日本、韓國、印度籍既點同你煲冬瓜呀?
不過我經常唔明白佢地其實去緊既地方係澳洲、美國
如果唔識英文既話佢地係點係果邊生活/周圍玩呢?
就算唔係以英文作母語既國家例如泰國、菲律賓、歐洲等
因為英文係國際語言,識講英文都可以同當地人溝通

試過飛澳洲、美國呢D以英文作母語既國家
每位入境既乘客都必須填寫海關申報表
當然人地既海關申報表係英文啦,人地外國人黎架
但每次派海關申報表俾強國人既時候
佢地見到全英文都表現十分訝異問有無中文
當然有時的確係有中文版既海關申報表
但填既時候都必須填英文,都係果句
人地外國人黎架,要用英文填都係理所當然
但竟然都仲有強國人繼續訝異咁話佢唔識英文
我雖然心裡已經在咒罵緊佢
但我依然好有禮貌咁解釋佢聽人地外國人唔識中文架
佢地就會緊接著要求空中服務員幫佢地填
但其實海關申報表係法律文件黎,按理係唔可以假手於人
我地係有權拒絕,如果幫忙填真係出於好心

我唔知強國人既志願係咪要普及中文同國語
但現實係英語當道,英文先係國際語言
係中文成為國際語言之前,我奉勸各位強國人學下英文
識多幾句英文傍身有百利而無一害啊!
至於要將煲冬瓜普及世界,強國人仍需努力!

更多小菲菲空姐既日常,請Like FB: 小菲菲空姐日記
歡迎合作邀約,EMAIL: fionchan2003@gmail.com

如果喜歡我們的文章,請即分享到︰

標籤: CX  空姐  強國人  普通話  英文  國際語言  旅遊  奇聞趣事  遊記  

留言

會員
我要評論
請按此登錄後留言。未成為會員? 立即註冊
  • wch520hk
    wch520hk 於 12/06/2016 評論 NO. 1

    project team?

  • Mui123
    Mui123 於 12/06/2016 評論 NO. 2

    幫佢地表咪就係錯曬囉,就係你地公司坐長呢啲人渣敗類囉,知道未呀,仲響度大大聲扮專業!

快捷鍵:←
快捷鍵:→