大家好丫，今次我要講下我第二次去USJ嘅遊記。嗱嗱嗱，同第一次嘅遊記真係好大分別嫁🤪🤪你地真係要畀多小小耐性畀我寫埋落去，因為仲有第三篇USJ遊記嫁。
2019年9月27日(星期五) 萬聖節時段
今次我同媽咪👩🦰同埋鄰居夫婦👨👩一齊嚟玩，同上次嘅閨密👧年齡層唔同，今次我就擔當住導遊嘅角色，帶佢哋周圍玩🤭🤭
*而買門票嘅環節，詳情請參閱「入場門票篇」
今次我哋就比上次遲咗大概8個字左右到USJ (09:10a.m),但係今次我要去售票處用QR CODE 拎返4張門票先，再排隊入場。由於今次係用咗我媽咪👩🦰👩🦰嘅生日優惠，所以就會得到一張《Elmo生日貼紙》，以作識別。
今次我又忍唔到手買咗個新頭飾，係一個Halloween Minions 嘅頭飾🤪🤪。
*詳情可參閱上一篇「閨蜜遊USJ記」
但係今次最大嘅分別係，我對攤位遊戲唔知點解好著迷😂😂玩到唔捨得走
Minions 園區
有2個攤位遊戲，一個收1000yen,另一個收1200yen
1. 1000yen遊戲就係揼香蕉贏Minions
2. 1200yen遊戲就係用氣槍將槍入面嘅海棉波波射走枱上嘅罐，重點係要用一球射走哂所有罐並離開哂枱面
小編實不相瞞大家，我入去USJ 2次都有玩揼香蕉，呢個其實好易中Minions, 因為你有4條香蕉，你隨便中到一條香蕉入個筒入面都會贏到Minions 😍😍🥰
我第一次贏走1隻Minions ，第二次去我贏走2隻Minions ，其中一隻喺贏嚟送畀鄰居夫婦🤠🤠🤠
1200yen遊戲嘅獎品就喺靚小小嘅公仔，但係難好多
親善村
水世界：之後我地去咗睇水世界，係真人互動show
玩後感：完全無法預計會濕身，由於個啲演藝人員扮演海盜，拎住水槍，周圍射觀眾。當中有一個男人都濕到成身不斷滴水🥶🥶
------------------------------------------------------------------------
又到攤位遊戲環節喇，今次有3個攤位遊戲，但係我淨喺玩咗2個。
我嘅記憶係2個遊戲分別都係收1000yen玩1次
其實啲遊戲真係好似AIA嘅遊戲🤫🤫
1.用一個球掉走枱上所有嘅正方形盒(3個左右)，total有4個球。如果玩4次都可以完全掉走哂所有盒的話，就可以有大獎。
*大獎係幾靚又大隻嘅Elmo或者Cookies Monster 😍😍 不過真係好難玩😭😭
2.用金幣掉中枱上嘅指定盤子入面，呢個又係要靠運氣去玩，而獎品係一隻同Elmo同size嘅史奴比😂😂
Btw, 親善村同舊金山望到嘅海景真係幾舒適，黃昏嘅時候係最靚🥳🥳
實不相瞞，我入去侏羅紀公園咁多次都冇排隊玩過機動遊戲。🤨🤨不過今次我係為咗去迷失世界餐廳尋找One piece 海賊王為主題嘅杯🤩🤩🤩
之後就行番去好萊塢大街嘅方向，諗住行埋其它地方睇下。
好萊塢大街
最多攤位遊戲嘅地方一定係呢到，起碼有4個攤位遊戲任君選擇。講下我有玩嘅攤位遊戲啦😬😬每個遊戲都係1000yen，同埋呢個地方嘅獎品好似係USJ環球奇景嘅公仔為主題(Hello Kitty,Elmo,史奴比,etc)
1. 係台前面有一個膠桶，要將個波離遠掉入去，唔好反彈，個波要stay係桶入面。最有趣嘅係，喺海洋公園玩過，仲有埋工作人員教我點玩，仲成功咗十幾次😁😁，點知係USJ玩嘅就難好多🤨🤨。
要你有一定嘅距離掉個波入去，點知冇一個得😂😂😂
我唔服輸嘅心態再玩多次，最後輸多一次😵😵我就換第二個遊戲玩
2.最有記憶嘅一個遊戲😂😂我未試過玩到其他人玩哂，我都仲未玩完😂
大概有6個小朋友size嘅籃球仔比我，沿住佢個條賽道，將個籃球仔好似保齡球咁碌出去，當然個條賽道係好似滑板車嘅賽道(U型)，要將個籃球碌到過咗U型賽道之後，再跳入個籃到先為止贏到禮物。
最後我一個都唔中😂😂
**最重要嘅係你地如果好似小編一樣玩完諗住乜都冇嘅話，你地就錯喇😜原來仲會有精美嘅襟章送比我😏
我地仲有睇埋史力加4D歷險記，呢個都幾特別，我諗好睇過Elmo4D歷險記。
玩後感：呢一套係講史歷加要救番費安娜公主，當中會有驢仔同佢去歷險。我最中意係佢張櫈會好似坐過山車，左右搖擺。同埋今次刺激好多🤪
好喇，今集遊記完~記得再追埋睇其他Post🥳😁
如果喜歡我們的文章，請即分享到︰
留言
請按此登錄後留言。未成為會員? 立即註冊