港人必選!7大假日滑雪勝地!

MoneyHero旅遊 於 12/01/2015 發表 收藏文章
踏入1月,香港真係入冬啦。因為凍左,早餐杯熱野飲都好似特別好味;夜晚尼埋喺被竇特別暖笠笠,令人好滿足!唔知大家鍾唔鍾意呢種天氣呢?可惜香港冇雪落,如果唔係就好適合做唔同既冬季運動,好似滑雪或者snowboard咁。不過,其實都有好多喺香港或者近香港既地方,可以比你盡情玩呢啲運動!

第一次玩滑雪或者snowboard既人,可以喺香港幾個室內滑雪場學下先。但如果你想真係試下滑雪既話,可以坐短途機,去幾個比較近既國家,過下滑雪癮!無論你係初學者,定係滑雪發燒友,都可以考慮以下呢7個滑雪地點。

室內滑雪及SNOWBOARD場 (香港)

321 Play
觀塘鴻圖道 79 號嘉士亞洲工業大廈1-2樓

321 Play入面有專業教練任教。如果第一次玩滑雪或者snowboard,教練會喺固定既人造斜坡上面比你體驗下同教識你先。如果你識滑雪或者snowboard,就可以用佢地既Maxxtrack模擬滑雪機。滑雪機有一條捲動墊,會令玩家喺巨型捲動墊上面不斷滑行,享受每20公里/小時既快感!

Slope Infinity

香港北角電氣道148 1樓(位於天后及炮台山港鐵站中間)

Slope Infinity都有導師教你滑雪或者玩snowboard。你重可以申請佢地2014-2015 既「冬日課程,以港幣 $5 ,850既優惠價上6個鐘頭堂(原價港幣$5,850,即8折)。同埋因為係喺模擬滑雪機度學,唔使著住啲又厚又重既冬天衫就玩得啦!

滑雪及SNOWBOARD勝地 (香港隣近國家)

中國內地

其實喺中國,都有得滑雪!喺大陸有幾個滑雪勝地,包括北京南山滑雪度假村同埋亞布力滑雪旅遊度假區。

北京南山滑雪度假村

北京密雲縣河南寨鎮聖水頭村

密雲縣既北京南山滑雪場離北京市大約62公里,32分鐘就可以去到,適合即日來回。入面有25條滑雪道,適合唔同程度既人士,重有啱小朋友玩既嬉雪區,適合一家大細。如果你想過埋夜,可以住喺度假村入面既雪頓木屋別墅。週末過夜大約要人民幣$430(港幣$540)。如果你自備滑雪用具,入場重會有折頭。每日朝早會有直通巴士往返滑雪場,要提前一日預約。

亞布力滑雪旅遊度假區

黑龍江省尚志市

亞布力滑雪旅遊度假區曾經係1996年亞洲冬季運動會既舉辦場地,亦都係中國國家隊既訓練場,所以佢既滑雪場稱得上係世界級水平。度假區入面總共有九條雪道,同埋其他設施,例如適合初學者既斜坡…滑雪季係由每年既11月至3月為至。

韓國滑雪度假村

龍平滑雪度假村

江原道平昌郡大關嶺面

龍平滑雪度假村離韓國既首都首爾只係三個鐘頭車程,係韓國境內其中一個最大既滑雪場。滑雪場有31條滑雪道可以任揀,加加埋埋有14部空中纜車咁多。去完滑雪場之後,重可以順便玩埋附近既大關嶺三養牧場同埋五台山國立公園添!

High 1滑雪度假村

江原道旌善郡古汗邑

High 1滑雪度假村有18條滑雪道,無論你係初學者,定係高階玩家,都照顧到你既需要!如果你滑雪滑到攰,重可以去度假村入面既賭場試下手氣。除此之外,度假村附近都有酒店,所以如果你覺得即日來回首爾好攰,都可以喺嗰度過一晚。

日本滑雪度假村

新雪谷度假村

二世古,北海道,日本

日本大大話話加埋有成500個滑雪場,簡直係滑雪發燒友同埋鍾意玩冬季運動既人既天堂!而北海道既新雪谷度假村可以話包羅萬有,唔止滑雪場,重有酒店、溫泉、餐廳、鋪頭等等⋯所以好受世界各地遊客歡迎架!如果你唔止係想滑雪,重想可以度下假,咁就一定要去呢度歎下世界。新雪谷其實有3個相連既滑雪場,去晒3個滑雪場既DAY PASS要5,600yen一日,即係大約港幣$360。

溫馨提示:旅遊保險

去旅行,幾時都係最好買返個保險黎保障自己,尤其是做滑雪呢啲高風險運動,就更加需要買旅遊保!記住要買寫明保滑雪或者SNOWBOARD呢啲高風險運動既PLAN。買之前更加要問清楚AGENT,咁就萬無一失啦!

想搵適合自己既旅遊保險?即刻上MoneyHero既旅遊保險比較頁面,或者打電話比我地,等我地保險部門既專家,話比你知邊種保險包高危運動,或者解答你其他疑問。

source: http://www.moneyhero.com.hk/blog/zh/%E6%B8%AF%E4%BA%BA%E5%BF%85%E9%81%B8%EF%BC%817%E5%A4%A7%E5%81%87%E6%97%A5%E6%BB%91%E9%9B%AA%E5%8B%9D%E5%9C%B0%EF%BC%81/
標籤: 滑雪  日本 滑雪  香港 滑雪  

留言


請按此登錄後留言。未成為會員? 立即註冊
    快捷鍵:←
    快捷鍵:→