Food Expo 2015 美食博覽 開鑼:6大優惠位即時睇

MoneyHero旅遊 於 10/08/2015 發表 收藏文章

美食博覽2015將於下周四(8月13日)開鑼,又係各位媽媽出動掃平貨嘅好時機!一如以往,參展商用大量1蚊貨吸客,除咗1蚊鮑魚,仲有1蚊月餅、1蚊即食麵…… 今年連1蚊平底鑊都買到!但大家要留意番,有啲優惠係首日先有,MoneyHero.com.hk 就幫你集合咗各大檔攤位優惠,首日購物攻略以及每日精選優惠!


「美食博覽2015」基本資料:
展覽日期:2015年8月13日(四)至17日(一)

時間:8月13日至16日由上午10:00至晚上10:00;8月17日由上午10:00至下午6:00

票價:日間門票$25元,夜間門票$10,均可同時參觀「家電家品博覽2015」。另有套票$40,可進入尊貴美食區。
6大首日優惠
去得多展覽都知,通常最多平靚正嘢都係喺首日或者最尾一日出現,美食博覽第一日,各大商家都一定有限定優惠,小編幫你精選咗6個,仲Mark埋攤位號碼,務求目標為本,大家準時10點鐘,衝呀!



1

1. 搶「鮑」山(首日 10名)
安記海味(Hall 1 安記攤位1C-A10)

10個人分兩組,每組派一個代表,1分鐘之內就搶,搶到多少換即食網鮑給參賽者。*(安記今年會在場外排隊處派「鮑山」籌,持證者才可參加。)

2
2. 鮑你滾動(首日 10名)
恒興行(Hall 1 恒興行攤位1B-B28)

玩法如打保齡球,把鐵球推向排列好的鮑魚罐頭,被鐵球撃中倒地的罐頭則歸參加者所有,最多獲得6罐。每位參加者只有一次機會。



3
3. 榴槤摩天輪(首日 3名)
醉榴香(Hall 1 醉榴香攤位1D-B02)

顧客只要成功在30秒內徒手取得10個以上的冰皮月餅,即可每年到美食展內免費領取一盒價值800元的月餅。



4
4. 1蚊平底鑊 (首日 5名)
香港Q嘜(Hall 1 Q嘜攤位 1A-E31)

大家可以衝去香港Q嘜攤位,用$1元換購原價$450的Kinox不銹鋼平底鑊。



5
5. 鴻星即飲湯包 (首日100盒)
鴻星集團(Hall 1 鴻星攤位1D-A12)

1蚊同樣可買到一盒鴻星食品即飲湯包,有5種口味,原價$38至$48元。

6
6. 檳城白咖喱麵食麵品牌MyKuali(首日10位)
領盛國際(Hall 3 MyKuali攤位3D-B30)

顧客可以以1蚊搶購裝有12件貨品的購物車,包括品牌皇牌「檳城白咖喱麵」、「香辣蝦湯麵」和其他大熱乾貨產品。
7大每日優惠
除了首日優惠之外,MoneyHero.com.hk仲精選了7大每日優惠給各位!

1.

1毫子一杯乳酪(攤位編號:3B-C02)
Caprichos De Yoghourt
講到全場最抵,當然就係由Bon Bon Paradise推出的西班牙工藝乳酪,共有三層,中間為傳統做法的希臘乳酪,而上下層就分別是由於不同的果醫製成;原價為$42/杯,現在在美食博覽以1毫子的限定優惠出售,每日限定量30杯。

2.

估中重量贏走黑鮑魚(攤位編號: 1B-C10)
BlackJade Abalone

美食展點會少得鮑魚,大棧就引入全新的紐西蘭黑翡翠鮑魚,在攤位放置新西蘭鮑魚,各位入場朋友可以憑大棧美食展的單據就可以估它的重量,每日舉行兩輪,而每輪頭5位估中的參加者就可以獲得價值$300的黑鮑魚啦 !

3.
讀急口令贏鵝肝(攤位編號:1A-E17)
CMJN de base
奇達思推出1蚊鵝肝,只要參加者用10秒讀完急口令,就可以拎走價值接近$400的 法國牌子Rougie 180g 鵝肝一包。很想要吧!每日名額10名,先到先得,想要就要快手啦。

4.
$1有機生蠔、有機豆奶及燕麥粥(攤位編號: 1E-B18)
greendotdot

今年点点綠推出1蚊一盒共12隻的「紐西蘭有機生蠔」,每日優惠名額為50份;如果搶不到都不用灰心,因為点点綠除了$1生蠔之外,還有「有機豆奶及燕麥粥」,它們分別有三種及兩種口味讓人選擇,同樣都係每日50個名額。

5.
$1冰磚或酥皮月餅(攤位編號: 1D-C24)
冰磚
雖然現在只是8月,但都是為月餅張羅的好時機,皆因和記隆在美食博覽有推出$1蚊月餅!只要用$1就可以買到原價$150的酥皮月餅和$88的冰磚月餅。每日限量酥皮月餅50盒、冰磚月餅20盒,先到先得。

6.
$1食黑毛豬風乾火腿(攤位編號:3D-A32)
COVAP

有不少高級餐廳和大酒店客戶的西班牙黑毛豬牌子COVAP,在今次美食博覽推出$1 COVAP PataNegra黑毛豬風乾火腿一碟,每日名額50份。

7.
$1泰國純椰子油(攤位編號:1E-D06)
SV

Sunshine Vallery以$1出售原價$180的泰國純椰子油,一樽有60粒,每日限額160樽。

名廚示範
除了有不少著數之外,美食博覽還有不少名廚的示範和活動,小編就推薦其中幾個俾大家,等大家買到著數貨品之餘,仲可以偷下師。

日本酒與中日合璧菜:杉內馨 x 五嵨慎也


居港日本美食達人杉內馨(Kei Sugiuchi),人稱Kei San,會以日本海產食材示範家庭也可做到的中日合璧菜式,配以日本酒大師五嵨慎也建議的日本酒,分享日本酒的特色及與菜式之配搭。

日期:8月13日 時間:11:30am-12:45pm 日本農林水產省(Hall 5貿易館)

Annie老師的美食人生:黃婉瑩


有看過《都市閒情》的朋友都應該唔會對《今晚食乜餸》的黃婉瑩(Annie)陌生,在今次美食博覽中,Annie會親自落廚,示範她的烹飪手法,各位粉絲千萬不要錯過!

日期:8月16日 時間 : 3:30pm – 4:15pm 展覽廳3B 尊貴美食區

月滿抱家人:黃淑儀 x 韋兆嫻


每個周末都會見到黃淑儀(Gigi)在《吾淑吾食》中遊遍大江南北,搜羅不同的食材,用健康烹調方法,將它們變成一道又一道的地道菜式,會否想現場跟Gigi姐偷師呢?美食博覽期間,Gigi姐會聯同烹飪工作室Six Senses的總監及創辦人韋兆嫻一起作烹飪示範。

日期:8月13日 時間 : 5:00pm – 5:45pm 展覽廳3B 尊貴美食區



想知更多美食博覽節目詳情,可瀏覽 >> 美食博覽官方網站

——

延伸閱讀:韓國旅遊 解封!8月優惠節目大放送

想知多啲慳錢貼士同理財建議,就要留意MoneyHero blog,同埋緊貼MoneyHero facebook page!

留言


請按此登錄後留言。未成為會員? 立即註冊
    快捷鍵:←
    快捷鍵:→