【航空用語解碼 - 數字篇✈】有心讀錯的航管標準術語📜 精選

上次提到係航管之下，機師同航空管制員之間嘅交流上同生活有咩詞彙上嘅分別，今次有機會我再講講航管標準術語係數字上又有咩改變👹對於航管標準術語入面，數字有佢自己嘅一套行內法則，簡單例如0至9係Radio裏面嘅讀法都會同一貫嘅日常英文有些少出入，0⃣至9⃣入邊，我哋會好小心地發音，避免不必要嘅誤會。

數字嘅讀法會隨著唔同嘅應用方面而有唔同嘅讀法👨‍✈例如係回報高度，讀法就同回報數字有少少唔同。如果純粹回報數字，遇到一堆數字連埋一齊，例如:：10676、 20719，這時我們應該讀做 「One, Zero, Six, Seven, Six」同埋「Two, Zero, Seven, One, Niner」👩‍✈情況有少少似小一生仲牙牙學語去逐個字擠出嚟咁。睇到呢度，相信好多人望到Niner都到撓曬頭🤦‍♂

「二」同「三」因為英文讀法係聲頻上好相近，透過Radio轉達之後聽落去會好相近🔊所以「二」會讀成「Too」，而「三」會讀成「Tree Instead Of Three」或者「Tree」🌳除咗改變某個數字嘅英文讀法，我哋亦會係某啲字後邊加啲助語詞，令佢哋更加明顯突出👍就好似「四」我哋會讀做「科呀」或者「Four-Ar」，而「九」我哋會讀做「Niner」或者「奶(naai1)呀」。
再講深入少少，機師同航空管制員交流最常提到嘅就係飛機高度✈回報目前飛機嘅高度，當中會分為Flight Level 與 Altitude兩種。如果航空管制員要求飛機飛上去某一個Altitude就會提示機師「XXX, Climb Altitude 9000 Feet. 」；反之係要求架飛機飛去某一個Flight Level嘅話，就會提示機師「XXX, Climb To Flight Level 90. 」🌏航空頻道同高度一樣，航空頻道嘅頻率分mhz同khz兩種，一般民航用嘅頻道，會直接用頻率數字作為表示，例如航空管制員要求機師將頻道轉去377.1mhz，就會提示機師「XXX, Three Seven Seven Point One. 」；又或者，要求轉去333khz頻道嘅時候，就會提示機師「XXX, Three Three Three Kilohertz.」📟

時間方面，因為機師經常要橫跨幾個時區，所以冇乜時間嘅概念，好多時我哋都會問航空管制員當地嘅時間⏰飛航資訊嘅時間為 General Time Information ，係24小時制以UTC時間編成嘅時間，例如3:15pm就會係「Zero, Three, One, Five」，咁落機就唔會搞不清係朝早定晏晝啦～🛬
-----------------------
Facebook: Sam哥飛機駕駛艙
Instagram: Samgorflight